اِنجِیل شریف (لُوقا) 19:9 - Mirpuri-Pahari Bible

⁹ حضرت عِیسیٰ اُسی آخیا، ”اَج اِس کہار وِچ نجات آئی گئی اَے، کِیئانکہ اے بندہ وی تے آلِ اِبراہِیم اَے۔

اِنجِیل شریف (لُوقا) 19:9 Iomraidhean Croise

اِنجِیل شریف (لُوقا) 13:16

اے عورت حضرت اِبراہِیم نی نسل وِچوں اے، تے اَٹھاراں سالاں تُوں شیطان نے قبضے وِچ ہوئی وی اَے۔ کِیئاں اے گل ٹھِیک نی کہ ہفتے آلے مُبارک دیہاڑے اِس کی رِہائی لبھی جائے؟“

اِنجِیل شریف (لُوقا) 13:30

کُجھ اِیئے جہے ہوسݨ جیہڑے آخر اپر اچھسݨ پر اُنہاں کی اُچا دَرجہ لبھسی، تے کُجھ اِیئے جہے ہوسݨ جیہڑے پہلے نے آئے وے اݨ پر اُنہاں کی کمتر درجہ لبھسی۔“

اِنجِیل شریف (لُوقا) 16:24

اُس فریاداں نال آخیا، ”اَے مہاڑے باپ اِبراہِیم! مہاڑے اپر رحم کرو تے اِس لَعزر کی پہیجو۔ اے اچھی کے اپݨی اَنگلی نال پاݨی لائی کے مہاڑی زبان کی تَر کَرے۔ میں اِتھے اگی وِچ بہُوں سَخت عَذاب وِچ تڑفݨاں پیا آں۔‘

اِنجِیل شریف (لُوقا) 16:30

امِیر بندے آخیا، ’حضُور، اِسرح او نی کَرنے! پر کَدے مُردیاں وِچوں کوئی جائی کے اُنہاں کی دسسے، تے فِر او توبہ کرسݨ۔‘

اِنجِیل شریف (لُوقا) 2:30

اَے اللّٰہ تعالیٰ، میں اپݨیاں اکھیاں نال تہاڑے پہیجے وے نجات دیݨے آلے کی تکی کِہندا اَے،

اِنجِیل شریف (لُوقا) 3:8

ہُݨ تُساں اِیئے جہے کم کرو جِنہاں تُوں ثابت ہووے کہ تُساں واقعی توبہ کِیتی اَے۔ اپݨے دِلاں وِچ اے گل ناں آخو، ’اَساں حضرت اِبراہِیم نی اولاد آں‘۔ میں تُساں کی پُورے یقِین نال اے گل آخݨا آں کہ اللّٰہ تعالیٰ چاہݨا تے اِنہاں بَٹّیاں تُوں وی حضرت اِبراہِیم واسطے اولاد پیدا کری سکݨا اَے!