اِنجِیل شریف (لُوقا) 12:1 - Mirpuri-Pahari Bible

¹ اِتنے وِچ بہُوں سارے لوک اِکٹھے ہوئی گئے اِتھے تک کہ او اِک دُوئے اپر ٹہیݨ لغی پئے۔ حضرت عِیسیٰ اپݨے صحابیاں کی مُخاطِب ہوئی کے فرمایا، ”خبردار! فریسیاں نے خمِیر تُوں بَچو، یعنی اُنہاں نی مُنافقت تُوں۔

اِنجِیل شریف (لُوقا) 12:1 Iomraidhean Croise

اِنجِیل شریف (لُوقا) 11:44

تُساں اپر اَفسوس! تُساں اُنہاں پُراݨیاں قبراں نی طرح او جیہڑیاں زِیمی نال زِیمی ہوئی گئیاں اݨ، تے لوک ناسمجھی وِچ اُنہاں اپروں لَنگی جاݨے اݨ۔“

اِنجِیل شریف (لُوقا) 12:56

او مُنافقو! تُساں آسمان کی تے زِیمی کی تکی کے اَندازے لائی کِہننے او، پر موجُودہ حالات نا مطلب کِیئاں نی او سمجھݨے؟“

اِنجِیل شریف (لُوقا) 5:1

اِک واری اِسرح ہویا کہ حضرت عِیسیٰ گَنیسرت نی جھِیل نے کنارے اپر کَھلتے وے سݨ، تے بہُوں سارے لوک اُنہاں اپر ٹہی کے اللّٰہ تعالیٰ نا پَیغام سُݨنے پئے سݨ۔

اِنجِیل شریف (لُوقا) 5:15

حضرت عِیسیٰ نے منع کرنے نے باوجُود اُنہاں نی شُہرت پھیلی گئی، تے بیشمار لوک اُنہاں نی تعلِیم سُݨنے واسطے تے بیماریاں تُوں شِفأ پاݨے واسطے اُنہاں کول اچھݨے رہے۔

اِنجِیل شریف (لُوقا) 6:17

حضرت عِیسیٰ اپݨے صحابۂ کرام نال پہاڑی اپروں تھلے لَتھے، تے اِک میدان وِچ گئے۔ اُتھے بہُوں سارے پیروکار وی اکھٹے سݨ، تے ہور بہُوں سارے لوک یرُوشلم شہر تے سارے ریاست یہُودیہ، طائر تے صَیدُون نے ساحلی شہراں تُوں وی آئے وے سݨ۔