یُونس 1:3 - Mirpuri-Pahari Bible

³ پر حَضرت یُونس رب نا حُکم مننے نی بَجائے پُٹھا ترسِیس آلے پاسے نسی گئے - او سمندر نے کنارے پر یافا شہر پُہنچی گئے، تے اُتھے اُنہاں کی اک بیڑی جاݨے واسطے تیار لبھی۔ کرایہ دیݨے تُوں بعد او اُس بیڑی نے عرشے پر ٹُری گئے، تانکہ رب نے حضُور تُوں نسی کے ترسِیس ٹُری جاݨ-

یُونس 1:3 Iomraidhean Croise

توریت شریف: پَیدایش 3:8

شام نے ویلے جِسلے ٹھنڈی ہوا چلݨ لغی، اُنہاں باغے وِچ رب تعالیٰ نے ٹُرنے نی آواز سُݨی. اِس واسطے اُنہاں اپݨے آپے کی درختاں وِچ رب تعالیٰ کولوں چھُپائی شوڑیا۔

توریت شریف: پَیدایش 4:16

بس قابیل رب نے حضور تُوں دور گیا، تے باغِ عدن نے مشرق نے پاسے نود نے علاقے، یعنی رُلݨ والی جغہ، وِچ جائی کے بسی گیا۔

یُونس 1:10

اُنہاں کی پَتہ سی کہ حضرت یُونس رب کولوں نسݨے پئے سݨ، کِیئانکہ اُنہاں آپوں بیڑی نے عملے کی سارا کُجھ پہلے دَسیا سی۔ اے گل سُݨی کے او بہُوں ڈری گئے تے اُنہاں آخیا، ”تُوں کَے کری شوڑیا؟“

یُونس 4:2

اُنہاں رب اگے دُعا کِیتی، ’’اَے رب، اے اُوئے گل نی جیہڑی میں تُکی آخی سی؟ جِس ویلے میں اپݨے ہی مُلخے وِچ ساں۔ اِسے وَجہ توں ہی میں ترسِیس در نسݨا پیا ساں- مِکی پتہ سی کہ تُوں بہُوں مہربان تے رحمدِل خُدا ایں۔ توں بہوں کٹ غُصّہ کرنے آلا، تے بہوں زیادہ رحم کرنے آلا ایں۔ تے عذاب پہیجݨے توں پَرہیز کرنا ایں-

اِنجِیل شریف (لُوقا) 9:62

حضرت عِیسیٰ اُس کی جواب دِتا، ”جیہڑا بندہ ہَل چلاݨے ویلے پِچھَے مُڑی مُڑی کے تکݨے آلا ہووے، او اللّٰہ تعالیٰ نی بادشاہی وِچ خِدمت کرنے نے قابل نی۔“