توریت شریف: پَیدایش 11:8 - Mirpuri-Pahari Bible

⁸ بس اِس واسطے رب اُنہاں کی اُتھوں ساری زِیمی اپر بِکھیری شوڑیا، تے او شہر بناݨے تُوں رُکی گئے.

توریت شریف: پَیدایش 11:8 Iomraidhean Croise

اِنجِیل شریف (لُوقا) 1:51

اللّٰہ تعالیٰ اپݨی قُدرت ظاہر کِیتی اے- جیہڑے مغرُور سݨ، اُس اُنہاں کی بکھیری شوڑیا اَے۔

توریت شریف: پَیدایش 10:32

اے سارے اپݨیاں اپݨیاں نسلاں تے اپݨیاں اپݨیاں قوماں نے مطابق حضرت نُوح نے پتراں نے قبیلے اݨ. سیلاب تُوں بعد اِنہاں قبیلیاں تُوں ساریاں قوماں پُوری دُنیا وِچ پھیلی گیاں۔

توریت شریف: پَیدایش 10:25

عابر کولوں دو پتر جمے. اِک نا ناں فلج سی، یعنی پھیلیا ہویا، کِیئانکہ دُنیا نے لوک اُس ویلے پھیلی گئے سݨ. دُوئے پہراؤ نا ناں یقطان سی۔

توریت شریف: پَیدایش 11:9

اِس واسطے شہر نا ناں بابل، مطلب پلیکھیا ہویا، رخیا گیا، کِیئانکہ رب اُتھے دُنیا نیاں ساریاں لوکاں نی زبان کی درہم برہم کری کے اُنہاں کی اُتھوں ساری زِیمی اپر بِکھیری شوڑیا.

توریت شریف: پَیدایش 11:4

فِر او آخݨ لغے، ”اچھو، اساں اپݨے واسطے شہر بݨاں، جس وِچ اِیئے جیا مینار ہووے جیہڑا آسمان تک پہنچی جائے۔ فِر اساں نا ناں قائم ہوئی جاسی، تے اساں ساری دُنیا اپر بِکھرنے تُوں بچی جاساں.“

توریت شریف: پَیدایش 49:7

تُساں نے غصے پر لعنت ہووے، جیہڑا بہُوں سخت اے، تے تُساں نے قہرے پر وی، جیہڑا تیز اے! میں تُساں کی پورے اسرائیل مُلخے وِچ بکھیری شوڑساں۔

توریت شریف: پَیدایش 10:5

او اُنہاں قوماں نے آبا و اجداد سݨ جیہڑے ساحلی علاقیاں تے جزیریاں وِچ پھیلی گئے۔ اے لوک اپݨے اپݨے مُلخے، اپݨے اپݨے گراواں، اپݨے اپݨے قبیلے، تے اپݨی اپݨی بولی نے مطابق آباد سݨ.