SHAHPHENBÜTHÜ 9:6 - DAÜLANGPÜ LAIHING (BSI)

⁶ Hapheikü Shekhem hatü Beth-Millo shennyakthü kemei Shekhem leipü longkhampü shemnyü touei thaiyei Abimelekh ong vaihüteke.

SHAHPHENBÜTHÜ 9:6 Iomraidhean Croise

2 SAMUEL 5:9

Davidi penyüsha omei yahtü halei nyu, hatü hapa kü, “David Chingnyü” shei nyük, hatü Davidi Millo kübü pangei chingmongei shüei chingnyü lingteke.

1 ONGPATHÜ 12:1

Rehoboam Shekhemei heihteke; mehenangkü Israel am kemei büpa ong vaihühen halei heihteke.

1 ONGPATHÜ 12:20

Mechem Israel ami Jeroboam nyokei leiteke shei danpa, jomi shah shomei büpa kü khong thaipü touei nyükei Israel am shak kü büpa ong vaihü. Judah jat mon Davidei hühihathü chongphoei nyu.

1 ONGPATHÜ 12:25

Hapheikü Jeroboami phaüshang kahmük Ephraimei Shekhem chingnyü kü penyü showtü halei nyu. Haleipü büpa daiyei Peniel jila agteke.

2 ONGPATHÜ 12:20

Büpalei lakchongbüthüi büpa khüei phaüshah showtü aongei Sillalei yiüpü lem Beth-Millolei büpa jütük.

JOSHUA 24:26

Joshua-i hathü shah Kahvangei shahkungnyü laitap kü nyangteke, hatü büpai yaong longpü hük yah-ei Shembüpalei daülangpü shingei longkhampü phangei haong.

SHAHPHENBÜTHÜ 9:5

Büpai Ophrah leipü chepalei shemei leiyei yaong hük shangkü Jerubbaalei chehathü, büpalei jeihinaüthü jom pejempüan jüteke. Shejao Gideonei cheha naüshompa Jotham jodaipü nangkü nejüaok.

SHAHPHENBÜTHÜ 9:7

Mechem Jothami hapa jung danpa, büpai Gerizim Kahshangei heih-ei wong mü lenei jomphong kü, “Ngei epü kü bangtuh, am Shekhem shennyakthü, shejüang Kahvangiyao ammi epü bangkahen.