SHAHPHENBÜTHÜ 9:24 - DAÜLANGPÜ LAIHING (BSI)

²⁴ Kahvangi hapayü Gideonei cheha jom pejempüan jütükpü jomei iy yenhüpü nangkü jomei jeihinaü Abimelekh kü hatü büpalei jeihinaüthü jühen shingvaishi sheühpü Shekhem am kü bhüh yemhen shingvaishi dükteke.

SHAHPHENBÜTHÜ 9:24 Iomraidhean Croise

1 ONGPATHÜ 2:32

Büpai mih jüpü kü Shembüpai büpa kao ha nyemshemshuoh; mehenangkü büpai büpa mao daülangpü hatü meipü shennyak, Nerlei cheha Abner, Israel amei veshan mübü hatü Jetherlei cheha Amasa, Judah amei veshan mübü nyi opa Davidi nenyingi jütükpeih.

1 ONGPATHÜ 2:33

Jiji jüpü iy kübü pungpü mangü Joab hatü büpalei hühihathü kü denden kü nyemhet. Shejao David hatü büpalei hühihathü, büpalei shem am, hatü ong uoshing kü düngei SHEMBÜPAleipü chingmeivangmei nyuhen” shei e.

ESTHER 9:25

Shejao mechem Estheri ongpa touei peipa, Jehoda am khüei nemeipü küpjan tempü shennyakei shangjing kü kohen shei büpai ngeükhüam shuoh, hatü büpa hi hapeüthü anshai pülüngei bakla kü bheanei dihü.

MENVIH KESHO 7:16

Jomi lingpü shanghah-i jom kü-üng hetnyüke, jomi iy-aongmashapai jom kü-üng hetnyüke.

MENVIH KESHO 7:17

Shembüpa daülangshemshepü nangkü ngei büpa kü menvih shuohhen, Jaipüba Shembüpalei menkü ngei menvih kesho lokhen.

BHEI-IE 35:33

Am nyupü kahdok tenyettük. Jüteishangteipai kahdok nyettüknyeih; lebü shennyak jüpü mang paütükhen lem neshiüpih.

SHAHKÜP 27:25

“Mang neshiüpü shennyak jühen shingvaishi yawhdou yahpü shennyak kü thaüvaü hettuh.” Hahepak kü nanglak peüi, “Amen!” shei ehen.

SHAHPHENBÜTHÜ 1:7

Hahepak kü Adoni-bezeki, “Ngelei nükdü phangei ongthü pejempüan jomei lakphiennyü hatü laphiennyü dehtüktü nükkuk homei hahshi nyuhampeih. Ngei mehe hathü kü dükshuohpa, shaang Kahvangi ha ngei kü nyokei yahphopü khih” shei e. Jomphongi büpa Jerusalemei yah-ei lei, hatü büpa halei didai.

SHAHPHENBÜTHÜ 9:25

Hanangkü Shekhem ami kahshangthülei Abimelekh jühen tapteke, hatü jomi hapa lem kü peihjapü kemeilei douhinang aetteke, hatü hapa jung Abimelekh kü lujateke.

1 SAMUEL 15:33

Shejao Samueli, “Nüngei yani nyüthü longi hapeü neshiüpükei leitük, hapakei anyüao hapeü neshiüpü keiha nyemnyu” shei etü büpai Gilgal leipü moidü touei Agag khih mü deh-ei jütük.