SHAHPHENBÜTHÜ 8:21 - DAÜLANGPÜ LAIHING (BSI)

²¹ Hahepak kü Zebah hi Zalmunna nyi-i Gideon kü, “Nüngi-üng heihei henji jütuh; baha-üng bahalei dou düktuh” shei e. Hanangkü Gideoni jiji jütüktü utei üng leipü chühiyük bhühlang.

SHAHPHENBÜTHÜ 8:21 Iomraidhean Croise

MENVIH KESHO 83:1

Oh Kahvang, nüng nenmütenyudai; nüngi shah ne-e-i tenyudai, Oh Kahvang!

MENVIH KESHO 83:11

Oreb hatü Zeeb am kü dükshuohpükei, nüngi jomei mübüthü kü dükeishuoh; Zebah hatü Zalmunna am kü dükpükei nüngi jomei vanglem lembüthü peü neütüktuh.

MENVIH KESHO 83:12

Mehenangkü jomi, “Jeni Kahvangei kahdok yahlangshah” shei eteke.

ISAIAH 3:18

Hapa nyih kü Shembüpai ammei ownyülanghathü: laktet, shetaang hatü üngshang yük;

JOSHUA 10:26

Hapheikü Joshua-i ongpathü jü, hatü pü nga kü jomphongei mahng om dhüshi sheüphong.

SHAKEI VAMPÜ 9:6

Hathü nyih kü shennyakthü dihen yemhen, shejao nedanghen; jom dihüei ongyanghen, shejao dipeyü jom toueipü nyaidaihen.

SHAHPHENBÜTHÜ 15:12

Jomphongi büpa kü, “Hamphongi nüng yepei shatü Philistia am kü shuohtükhen shingvaishi peiküpeih” shei eteke. Samsoni jomphong kü, “Amphongei laki ngei nejüpih shei lahtuh” shei e.

SHAHPHENBÜTHÜ 8:20

Hanangkü büpai hashongpa Jether kü, “Heih-ei jiji jütuh” shei e. Shejao chehai yan noei nebapaoki jü-ü; mehenangkü büpa ahshi hashih vaishi shiüteke.

SHAHPHENBÜTHÜ 8:22

Hahepak kü Israel am kemei Gideon kü, “Nüng hatü anhü anha-i ham shangkü vanglem lemkütuh; mehenangkü nüngi ham Midian amei lak kübü yangpeih” shei e.

SHAHPHENBÜTHÜ 8:26

Gideoni dangpü hon dhaongchü peü shepei dokshuohjü dok kukha hükshing nyu, hatü hayü owhiai, chühiyük, hatü Midian ongthüi owpü manghshempü ashakviha, nevaijü utthülei üng kü ngeihpü nyiamvüthü neomi nyuteke.

SHAHPHENBÜTHÜ 9:54

Shülangi büpai büpalei phunglang kopü nethepa kü nyüktü büpa kü, “Nanglakthü ngei nang ‘Nyüha hüki büpa jüpüja’ shei ne-eteihen shingvaishi nüngei yan tukei ngei kü baptü jütüktuh” shei e. Hanangkü hapa nethepai büpa kü baptü jütük.

1 SAMUEL 31:3

Saul shinei longi nemei-i hokteke, hatü vepalei phungi büpa kü sheütü longi nemei-i ma yah.

1 SAMUEL 31:5

Mechem büpalei vehok phunglang kobüi Saul didaiteke shei nyingpa, büpai laophülei yani vethahtü büpa mü chemi didai.