SHAHPHENBÜTHÜ 7:20 - DAÜLANGPÜ LAIHING (BSI)

²⁰ hatü lebü khong kemei aihük mü dükteke. Jom peüi nyak-aw laknyong lemei no, hatü amit lakdah lemei notü, “Shembüpa hatü Gideon nyi shingvaishi hoknyüpeih!” shei lenteke.

SHAHPHENBÜTHÜ 7:20 Iomraidhean Croise

ISAIAH 27:13

hatü hapa nyih amit longpü vünghen. Üamphong Assyria kahdokei mahei nyu, hatü üam Ijiplei wüpküpei nyu, hathüi Shembüpa kü khümhen shingvaishi daülangpü Jerusalem Kahshangei nyokei leikemhen.

JEREMIAH 47:6

‘Ah, Shembüpalei yanlu, nüng nenmü nenyui hepak meshük nyuhen? Yanpishungei nyokei leidaituh, dohtuh hatü nenmü nyutuh’ shei nüngi lenhen.

1 KORINT 15:52

ngangahük kü müknyep mong-aa kü dohpü amit vüngjü yeiyadaihen. Mehenangkü amit vüngkahen, hatü diyei nyupüthü mechemao nedihen mü yangei leihen hatü jen peü yeiyadaihen.

2 KORINT 4:7

Shejao jenei hapa haümdük kü hapa mop nyüpeih, shejüang peü mü nyeipü nganü jen leipü vampü nevai, shejao Kahvangei shei lekhünyüke.

1 THESALONIKA 4:16

Mehenangkü Shembüpa laophü nyingi vangsho leipü ngeü longpü mü vangsho phongshan longpülei ngeü mü, hatü Kahvangei amit ngeü mü yiükahen, hatü Khrista kü shiyei nyupüthü shongei paohen.

HEBREW 11:4

Hinglempai Abeli Kain mao nyeinya Kahvangi yahbenüng moila shuoh. Hapa homei büpayü daülangpü shennyak shei yah, hatü Kahvangi büpalei moila kü mong hah; büpa didai shejao büpai hinglempü homei shaangao shah enyüke.

JOSHUA 6:16

Nyetpabü shinshingkü mechem ngongpathüi amit vüngpa, Joshua-i nanglakthü kü, “Lentuh; mehenangkü Shembüpai hapa chingnyü am kü shuoh-ei nyüke” shei e.

JOSHUA 6:20

Mechem ngongpathüi amit vüngpa, shennyakthüi amit ngeü mü wongmü len, hatü bham laamdai; hanangkü shennyak peüi jiüshangi mongei shü, hatü jomi chingnyü kaamei yah.

JOSHUA 6:4

Ngongpa nyet ieyei mi vaung amit notü Vangpüshuwpü Pela shekü kamhen. Nyih nyetpabü kü chingnyü shinei ngongpathüi amit vüngyaki nyetpa shinhen.

2 PETER 1:15

Ngei dipheikü jiüjiü hepak kü ammi hathü douthü deih-eilehen shingvaishi ngei khehen.

SHAHPHENBÜTHÜ 7:19

Hanangkü Gideon hatü büpa mü nyupü shennyak kho hük kemei baümtap jung phihükei nyak jiam shekü veyompüthü jeitei pheikü peiyei jomi amit vüng, hatü jomei lakei nopü dükthü bhaoteke,

SHAHPHENBÜTHÜ 7:21

Mechem jomi laophü yaongpü shingei baümtap shinei yaongshi nyupa, baümtap mongeipü shennyakthü kemei nyemei vaüyaki nyaidaikem.

1 SAMUEL 11:11

Nyihphei Sauli büpalei nanglakthü khong jem vaishi hanteke. Nepnüng dhom mü jomi baümtap mongei shüei vanghe nyahpü thahshi Ammon am jü, hatü nejüi aopüthüao kemei yantük, hatü ba nyi chemi üamao netuh.