SHAHPHENBÜTHÜ 7:2 - DAÜLANGPÜ LAIHING (BSI)

² Shembüpai Gideon kü, “Midian am neühen shingvaishi nüng mü nyupü veshanthüyü ngei keyü ahshi ahteke; jomphongi jomei wongi neüpeih shei deihhen hatü ngei kü dhüm neshuohhen.

SHAHPHENBÜTHÜ 7:2 Iomraidhean Croise

KAHBHAO 46:2

Kahvangi Israel kü yanüng manghkhang hük kü, “Jakob! Jakob!” shei nyük. “Ngei hammü nyüpeih” shei büpai jang.

2 SHÜPPÜKENGPÜ 14:11

Hahepak kü Asa-i Shembüpa, büpalei Kahvang kü, “Shembüpa, wong kohpü am khüei wong nekohpü am kü sheühhen nüng keipü üpayao neshiü. Ham kü sheühshih, Oh Shembüpa, hamei Kahvang; mehenangkü hami nüng kü mongnyangnyeih, hatü nüngei men kü hapa veshan khongnyü khüei hokhen daipeih. Oh Shembüpa, nüngü hamei Kahvang; nüng kü hangkui teneühü” shei nyükei e.

ISAIAH 10:13

Mehenangkü büpai enyüke: “Ngelei wongi ha dükpeih, ngei kü kon nyupü nangkü ngelei koni ha lingpeih. Ngei jatthülei viongthü bentükpeih, ngei jomei mophimothü aetlangpeih, mohohbaongi keiha ong uoshing kü uopüthü la-i nyeütükpeih.

ISAIAH 2:11

Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

ISAIAH 2:17

Shennyakthü bhongeingampü dohtükhen, hatü hangku changmeipü bhih-ei maantükhen. Hapa nyih Shembüpa mon longei anshihhen.

JEREMIAH 9:23

Shembüpai hapakei enyüke: Kon kohpüthüi laophülei kon kü techangmeihü, wong kohpüthüi laophülei wong kü mongtelemhü, shemmeithüi laophülei mop kü techangmeihü;

EZEKIEL 28:17

Nüng dhemeilaümapü nangkü nüngei mongei changmei; nüng veihen meipü nangkü nüngei kon mangtükpeih. Hanangkü ngei nüngü kahdokei yaktükpeih; jomei müki veiteihen shingvaishi ngei ongthü touei shakei ngaihüpeih.

EZEKIEL 28:2

Shennyak ha, “Shembüpai hapakei enyüke” shei Tyre ongpa kü eyeishuoh: “Mehenangkü nüngei mongei changmeiyei, ‘Ngeiyü kahvang hük,’ yungching jiamei ngeiyü kahvangthülei uoshing küuonyeih” shei eteke. Nüngü kahvang kei kon kohpeih shei deihjao, nüngü kahvang nevai dihen shennyak hük mon.

DANIEL 4:30

büpai ehahteke, “Veituh, ngei müknyinshekhanghen shingvaishi ngelei wongi lingpü nyangnyangtoptoppü ong chingnyü meshük longpüang?”

HABAKKUK 1:16

Hanangkü büpai büpalei shang kü jakpü moila shuohnyüke, hatü büpalei shuwha kü ayingshü jakei khümnyüke; mehenangkü hathü homei jomei shünyü latei nyunyüke, hatü hetmei dangnyüke.

ZEKHARIAH 12:7

David am phang müknyinshekhang hatü Jerusalem kü nyupüthüi Judah am dok kü longpü neleihen shingvaishi ngei, Shembüpai Judah am veshanthü kü shong aokpü shuohhen.

ZEKHARIAH 4:6

Büpai ngei kü, “Hapayü Zerubbabel kü Shembüpai epü shah nyüke: ‘Wongi nevai, ngani nevai shejao ngelei laanghai’ shei Jeiyong Shembüpai enyüke” shei e.

BHEI-IE 31:4

Israel am jat ieyei kübü shennyak haja hükbaong shomtuh” shei e.

ROM SHAHSHA APPÜ 11:18

Bhagtükpü kaothü nangkü am techangmei. Am changmeijema, tünglang kü sheühpeyü am nevai, shejao tünglangi am kü sheühpeih shei deihtuh.

ROM SHAHSHA APPÜ 3:27

Shejema changmeihen melei nyüke? Ha neshiüpih! Mepa shahkungi? Shahkungnyü dükpai je? Nevai, shejao hinglempü shahkungnyü homei.

2 KORINT 4:7

Shejao jenei hapa haümdük kü hapa mop nyüpeih, shejüang peü mü nyeipü nganü jen leipü vampü nevai, shejao Kahvangei shei lekhünyüke.

EPHESIA 2:9

üpaiyao nechangmeihen nangkü hayü dou kübü vampü nevai.

SHAHKÜP 32:27

Shejao jomei vepathüi pungei, “Hamei laki jom neütükpeih, Shembüpai hathü nedükangpih” shei changmeihen khih shei ngei yingei deihküpeih.

SHAHKÜP 8:17

Am nyingi, “Hamei wongi ham shemmei leipeih” shei ehen aok.

SHAHKÜP 8:18

Shejao hayü Shembüpa, ammei Kahvangi shemmei leihüpeih shei deihtuh, hatü büpai shinnyih thahshi ammei bühipa kü lahtükpü lakshing düknyüpeih.

JAKOB 4:6

Shejao büpai phahji nyeinya shuohnyeih; hanangkü Laihingi enyüke: “Kahvangi changmeipüthü khünyeih, shejao nenteiaokpüthü kü phahji shuohnyeih.”

1 SAMUEL 14:6

Jonathani büpalei vehok phunglang kopü nethepa kü, “Kei, ji-i hapa nejaptükpüthülei baümtapei shüshah; Shembüpai ji kü sheühphahen aokpeih; büpai sheühjema meshük shangkü khongha vaijao jeni aokpü danghen meheyao wongshi nechongküpih” shei e.