SHAHPHENBÜTHÜ 7:14 - DAÜLANGPÜ LAIHING (BSI)

¹⁴ Hatü büpalei küphü hüki, “Hapayü lebü nevai, shejao Israel am Joashlei cheha Gideoni jen hahhen nang manghpü khih! Büpalei lak kü Kahvangi Midian am hatü veshanthü kemei shuohtükteke” shei ejateke.

SHAHPHENBÜTHÜ 7:14 Iomraidhean Croise

JOB SHAHSHA APPÜ 1:10

Nüngi büpalei shem shinei büpai angpü shinei peü lemei pe neshowangpü je? Nüngi büpai dükpü lemphüli kü moihimanteke, hanangkü büpalei mi hatü mohohthü kahdok maei nyüke.

BHEI-IE 22:38

Balaami, “Ngei shaang peikünyeih” shei jangteke. “Shejao ngei nüng kü mehe ephaaokhenang? Kahvangi mehe etuh shei e, hapa mon ephahen” shei e.

BHEI-IE 23:20

Ngei kü moihimaneishuoh shei ephopeih; Mechem büpai moihimanhen, ngei ha neyeiya-aokpih.

BHEI-IE 23:5

Shembüpai Balaam kü mehe ehen nyu, ha eshuoh, hatü “Balak touei nyokei leiyei hapa shah eyeishuoh” shei eteke.

JOSHUA 2:24

Jijinyi-i Joshua kü, “Hingmei Shembüpai jenei lak kü hapa kahdok shuoh-ei nyüke hatü halei nyupü shennyakthü-ü jen kü nyempai mong mahdaitü nyüke” shei ejateke.

JOSHUA 2:9

henyi kü eteke: “Shembüpai hapa kahdokü am kü shuohtükteke shei ngei nyingteke, hatü hapa kahdok kü nyupüthüi am kü nyempai mong maandaiteke.

JOSHUA 5:1

Mechem Jordan heshüphi kü nyupü Amor ongthüi hatü Mediterranean Yungching yungkung kü nyupü Kanan ongthüi Israel am manghomkem thahshi Shembüpai Jordan yung ütükpü ha jung danei jom nyempai mong mahdai hatü jom hokhen mongnelong.

SHAHPHENBÜTHÜ 3:28

“Ngei phei mükei! Mehenangkü Shembüpai ammei vepa Moab am ammei lak kü shuohteke” shei büpai e. Hanangkü jomi Ehud phei müei daiyei Moab amei Jordan yung taenshing yomlang, hatü jom yungdang homei nedeishih.

SHAHPHENBÜTHÜ 7:13

Mechem Gideoni hapa shing ngoipa, küphü hüki küphü hük kü mangh eteijapü büpai dan, hatü büpai mangh hük, “Barley aungi lingpü toilangpü aan hük ngowei shaei Midian amei baümtapei shüteke, hatü hapai baümtap kü sheü, hatü baümtap shakhimong leiyei bendai-i manghküpeih” shei ejapü danteke.

SHAHPHENBÜTHÜ 7:15

Mechem Gideoni hapa mangh eteipü hatü hapa tetpü danpa, büpai Shembüpa kü aümei khüm, hatü Israel amei baümtapei leiyei, “Bangtuh, mehenangkü Shembüpai Midian am ammei lak kü shuoh-ei nyüke” shei e.

1 SAMUEL 14:12

Hahepak kü baümtapei nyupüthüi Jonathan hatü vehok phunglang kobü nyi kü lenei, “Ham touei aongkei, hatü hami anji kü lemhük ephanüng” shei e. Jonathani büpalei vehok phunglang kobü kü, “Ngei pheilei mükei; mehenangkü Shembüpai hathü Israel amei lak kü shuoh-ei nyüke” shei e.