SHAHPHENBÜTHÜ 6:23 - DAÜLANGPÜ LAIHING (BSI)

²³ Shejao Shembüpai büpa kü, “Mong aümtuh; Nüng tenyem, nüng nedipih” shei e.

SHAHPHENBÜTHÜ 6:23 Iomraidhean Croise

KAHBHAO 32:30

“Hanangkü Jakobi hapa shing kü Peniel shei men; mehenangkü büpai ngei Kahvang dhe dhe gongei eetepih shei e, shejao ngelei yangnyu yangei nyüpeih” shei e.

KAHBHAO 32:31

Büpai shüng kü tüngei khoyaki Peniel homei daishingkü vanghe aong.

KAHBHAO 43:23

Büpai, “Meihen, tenyem; ammei Kahvang hatü ampalei Kahvangi ammei hanggolei hapa lop hüphopü vaihen aokpeih; ngei ammei lop dangphei hih” shei e. Hahepak kü büpai jomphong touei Simeon müei dei.

MENVIH KESHO 85:8

Kahvang Shembüpai mehe ephahen ngei ha bangshah; mehenangkü büpai laophülei nanglak kü mong kempai hinglemei büpa touei leppüthü kü chingmei shah ehen.

DANIEL 10:19

Büpai, “Oh Kahvangi bampüba, nüng tenyem, nüng mong yangtuh, wong kohtuh hatü monglongtuh” shei eteke. Mechem büpai ngei kü epa, ngei kü wong vam, hatü, “Ngelei Shembüpai etuh; mehenangkü ngei wong kohhüteke” shei e.

JOHAN 14:27

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

JOHAN 20:19

Hat kü shongpü nyih om kü mechem nanglomthüi Jehoda am kü nyemei sha küptü thaiyei nyupa, Jisu peiyei jomphong khong touei yaongtü, “Amphong mü chingmei nyutuh” shei e.

JOHAN 20:26

Hapta hük pheikü shao büpalei nanglomthü hapa shemei nyu, hatü Thomas-ü jomphong mü nyu. Sha küptü nyujao Jisu peiyei jomphong touei yaongtü, “Amphong mü chingmei nyutuh” shei e.

ROM SHAHSHA APPÜ 1:7

Kahvangi bampü hatü daülangpüthü vaihen nyüklangpü Romei nyupüthü peü touei: Jenei Pa Kahvang hatü Shembüpa Jisu Khrista leipü phahji hatü chingmei am mü nyute.

SHAHPHENBÜTHÜ 19:20

Hapa bajeipai, “Ham shemei shükei; ammi napü lemphü ngei shuohhen hih. Chingyangshongei tepaüm” shei e.

SHAHPHENBÜTHÜ 6:22

Hapheikü mechem Gideoni hapayü Shembüpalei phongshani epü khih shei deih-ei dangpa, büpa nyemei, “Oh Shembüpa Kahvang! Ngei Shembüpalei phongshan dhe dhe gongei eetepih!” shei e.

SHAHPHENBÜTHÜ 6:24

Hatouei Gideoni Shembüpa kü moidü hük ling hatü hapa kü, “Shembüpayü Chingmei” shei men. Abiezer phang amei Ophrah shei epü shingei hapa shinnyih thahshi haongshi nyüke.