SHAHPHENBÜTHÜ 6:21 - DAÜLANGPÜ LAIHING (BSI)

²¹ Hahepak kü Shembüpalei phongshani büpalei lak leipü lenshuohjaangi phai hatü aan kü hong, hatü yaong leipü aw vamei phai hatü aan hahtük, hatü Shembüpalei phongshan büpa toueipü mahdai.

SHAHPHENBÜTHÜ 6:21 Iomraidhean Croise

1 ONGPATHÜ 18:38

Hahepak kü SHEMBÜPAleipü aw yiüei hapa moila, pü, yaong hatü kahdokao omei hah, hatü kahsha leipü yung dangkao laiyeilungei hahtük.

1 SHÜPPÜKENGPÜ 21:26

Davidi halei Shembüpa kü moidü hük ve, hatü halei jakpü moila hatü mongjempü moila shuoh. Büpai Shembüpa kü nyük, hatü Shembüpai jakpü moila shuohpü moidülei vangsho leipü aw yüshih-ei jangpü shuoh.

2 SHÜPPÜKENGPÜ 7:1

Mechem Solomoni phoppü dohpa, vangsho leipü aw yiüei jakpü moila hatü lebü moilathü hahtük, hatü Shembüpalei müknyinshekhangi phopshem ma.

ISAIAH 38:7

Shembüpai mehe lahtepa, ha dükhen; hapayü SHEMBÜPAleipü nüng shingvaishi nyangeihepü hük nyukahen.

LEVI 9:24

Shembüpa nyushing leipü aw vamei jakpü moila hatü moidü leipü cheü hahtük. Mechem nanglakthüi hapa eepa, jom peü mongongpai len, hatü dhe dhaongei shateke.

SHAHPHENBÜTHÜ 13:19

Hanangkü Manoah-i yum cheha hük yah-ei hahying moila mü yaongnyü hük shangkü Shembüpa kü moila shuoh, hatü Manoah hi chenyüha nyi veishi nyushingkü Shembüpai yashanyale dou dük.

SHAHPHENBÜTHÜ 13:20

Mechem moidü leipü awlom vangsho lemei aongpa, Shembüpalei phongshanao awlom mü lepei aongdai. Ha eeyei Manoah hi chenyüha nyi kahdokei aümei sha.

SHAHPHENBÜTHÜ 6:20

Shembüpalei phongshani büpa kü, “Phai hatü aan hapa yaong shangkü haütuh hatü ha shangkü haoyung langeishuoh” shei e. Gideoni hapakei dükteke.