SHAHPHENBÜTHÜ 6:13 - DAÜLANGPÜ LAIHING (BSI)

¹³ Gideoni jangei, “Shejao longpüba, Shembüpa ham mü nyujema, mehekei hami henüng ponghahpa? Hamei bühipai ham kü thamabenüng hajük eküpeyü melei daipa? Shembüpai ham Ijip leipü müei neleiangpü je? Shejao shaang Shembüpai ham yakphong, hatü Midian amei lak kü ham shuohtükteke” shei eteke.

SHAHPHENBÜTHÜ 6:13 Iomraidhean Croise

KAHBHAO 25:22

Pinnyüi hapeü nyi peetei koshi nyu, hatü büh shekü vom mongei naü nyi deteke, hatü pinnyüi, “Ngei keyü hapakei mehekei vamnya?” shei e. Hanangkü pinnyüi Shembüpa kü phehen dai.

2 SHÜPPÜKENGPÜ 15:2

Büpai Asa mü pongteinüng heih-ei, “Ngei epü banghümao, Asa, Judah hatü Benjamin am peü. Am Shembüpa mü nyupü thahshi büpayao am mü nyüke. Ammi büpa yemjema, ammi büpa danghen, shejao ammi büpa yaktükjema, büpaiyao am yaktükhen.

MENVIH KESHO 27:9

Ngei toueipü nüngei dhe telepdai. Nüng mongshihpai nüngei chongphobü nyokei teleishih; Nüngü ngelei sheühbü nyuhampeih. Nüngi ngei teyaktük, nevaijü tetuhphong Oh Shembüpa, ngei Yemleipü.

MENVIH KESHO 44:1

Oh Kahvang, nüngi aivang nyihthü kü obü opa amei hepak kü nüngi dükpü douthü jung jomi ham kü eküpü hamei dhaongi dantepih.

MENVIH KESHO 44:2

Nüngei laki jatthü peü changtük, shejao nüngei nanglakthü halei sheiphong; nüngi jatthü hanghi ponghü, shejao nüngei nanglakthü bümei leihü.

MENVIH KESHO 44:9

Shejao nüngi ham yaktük hatü bhih-eimaantük, hatü nüng hamei veshanthü mü nedaikei.

MENVIH KESHO 89:49

Aivang den mü nüngi bampü melei daipa? Nüng shahhing epai David mü lahpü melei tükpa?

ISAIAH 41:17

Mechem taopa hatü ne-angpüthüi yung yemhen, hatü ha nedangi yung lepai jomei üng üdaihenshang, Ngei, Shembüpai jom kü janghen, Ngei, Israel Kahvangi jom netuhphongpih.

ISAIAH 63:11

Hahepak kü jomphongi Shembüpalei chongphobü Mosalei nyih deih-ei dang, hatü jomi, “Laophülei mi yombüthü mü hathü yungching leipü yangpübamelei nyüpa? Jomphong kü laophülei Laangha Daülangpü shuohpü melei nyüpa?

ISAIAH 63:15

Nüngei daülangpü hatü müknyinshekhangpü nyushing vangsho leipü ham kü veishih. Nüngi nyakpükenpü hatü nüngei wong melei nyüpa? Nüngei phahji yahyang hatü bampü ham toueipü shonglangteke.

JEREMIAH 23:33

Mechem hathü nanglakthü nevaijü thibüi nevaijü ngongpa hüki, “Shembüpalei shahjang mehe khih?” shei phehüjü nüngi hathü kü, “Amphongü hanggovih khih, hatü ngei amphong yakphonghen” shei Shembüpai enyüke shei etuh.

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

SHAHKÜP 29:24

Mih jatthü peüi, “Mehekei Shembüpai hapa kahdok kü hapakei dükshuohpa? Mehe tata kü hapakei mongshihpa yo?” shei pheteihen,

SHAHKÜP 31:17

Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

SHAHPHENBÜTHÜ 6:1

Shao Israel nanglakthüi Shembüpa touei mang thah, hatü Shembüpai jomphong Midian amei lak kü vangbong nyet shuoh.

SHAHPHENBÜTHÜ 6:12

Shembüpalei phongshan büpa touei peiyei, “Wongkoh monglongpü hampa, Shembüpa nüng mü nyüke” shei e.