SHAHPHENBÜTHÜ 5:3 - DAÜLANGPÜ LAIHING (BSI)

³ Bangtuh, Oh ongpathü, kenhingei bangtuh, Oh vanglem lempüthü! Shembüpa, Israel amei Kahvang kü ngei ünghinyah, hatü ngeü meipai kesho lokhen.

SHAHPHENBÜTHÜ 5:3 Iomraidhean Croise

KAHBHAO 6:17

Ngei kahdoknyülei bünghiyang lenei vangsho phangkü nyupü yem, hatü halei nyupü peü mahtükhen vang keiphahen.

KAHBHAO 9:9

“Shaang ngei nüng hatü nüng phei kübü hühihathü mü,

1 ONGPATHÜ 18:22

Hahepak kü Elijah-i nanglakthü kü, “Shembüpalei thibü-ü ngei monha aopü khih; shejao Baal kahvangei thibüthü-ü kho ali mü pinyipüan nyüke.

1 ONGPATHÜ 19:10

Büpai jangei, “Ngeiyü Shembüpa, Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük; nüngei moidüthü benei yaktük, hatü nüngei thibüthü peü jütük, shaangü ngei mon aopü khih, hatü shaang jomi ngeiyao jütüknüng yemnyüke” shei e.

1 ONGPATHÜ 19:14

Büpai jangei, “Ngeiyü Shembüpa Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük, nüngei moidüthü benei yaktük, hatü nüngei thibüthü peü jütükteke. Shaangü ngei mon aopü khih, hatü shaang jomphongi ngeiyao jütüknüng yemnyüke” shei e.

EZRA 7:21

Shaang ngei, Artaxerxes ongpai Euphrates heshüphi kü nyupü mop kü khei vaipüthü peü kü ngongpa Ezra, vangsho Kahvangei shahkung nyuhbüi mehe mehe yüphahen meishi hengei shuohhen ngeükhüam shuohnyeih.

MENVIH KESHO 119:46

Ongthü touei ngei nüngei shahkungthü jung ehen, hatü ngei veü nedanghen.

MENVIH KESHO 146:2

Ngei nyu-aa thahshi ngei Shembüpa vihhen; ngelei yangnyu den kemei ngei ngelei Kahvang menvih kesho lokhen.

MENVIH KESHO 27:6

Shejüang ngei shonei nyupü vepathü shak kü ngei longei aonghen. Mongongpai leneiwongei ngei büpalei ashakshemei jakpü moila shuohhen. Ngei Shembüpa kü kesho lingei lokhen.

MENVIH KESHO 61:8

Nyihjeih ngei lahpü dükshingkü ngei düngei nüngei men kü menvih kesho lokhen.

MÜLANGPÜ 31:6

Shao ngei Dan am phang kübü Ahisamakhei cheha Oholiab-ao büpa mü sheühteihen jetepih. Ngei nüng kü epü lemphüli meishi linghen shingvaishi ngei jom kü lahhinlangnyai kon shuohtepih.

LEVI 26:28

ngei mongshih anei am khüei yaonghen, hatü ammei mang shingvaishi shao shing nyet nyeinya hanghi shuohhen.

SHAHKÜP 32:1

Bangtuh, Oh vangshothü hatü ngei ephüshah; Bangtuh, Oh kahdok, ngelei ju kübü shahthü kü.

SHAHKÜP 32:3

Ngei Shembüpalei men baonghen, Oh jenei Kahvang longpü nang men longtuh.

SHAHPHENBÜTHÜ 5:7

Israel amei jilathü vüngmaki leidaipeih, Oh Deborah, nüng mangvam shekü; Nüng Israel amei hümlungnyü vaishi vampeih.