SHAHPHENBÜTHÜ 4:11 - DAÜLANGPÜ LAIHING (BSI)

¹¹ Shaang, Ken am Heber, lebü Ken am, Mosalei cheshongpa Hobabei hühihathü mü yanei Kedesh yopailei Zaanannim püyingei ashakshem veteke.

SHAHPHENBÜTHÜ 4:11 Iomraidhean Croise

MÜLANGPÜ 18:1

Shaang, Mosalei chenyühalei chepa, Jethro, Midian amei ngongpai Mosa hatü büpalei Israel nanglakthü kü Kahvangi mehe dükpa, Shembüpai mekei Israel am Ijip leipü müei daipa, ha jung peü danteke.

MÜLANGPÜ 2:18

Mechem jomphong chepa Reuel touei nyokei leipa, büpai jomphong kü, “Shinnyih-ü mekei hajük lomshi leiküpa?” shei phe.

MÜLANGPÜ 3:1

Shaang, Mosai cheko Jethro, Midian am ngongpalei mi yomei nyu; büpai mithü müei yingnyü homei Kahvangei daülangpü Horeb Kahshangei aong.

BHEI-IE 10:29

Mosai Midian am cheko Jethrolei cheha Hobab kü, “Shembüpai ham kü shuohhen shei lahpü shingei layaongei lüdainyüpeih. Shembüpai Israel am dahüshehühen shei lahpeih; hanangkü ham mü daishah hatü hami nüng kü lemphüli hanphahen” shei e.

BHEI-IE 10:32

Nüng ham mü daiküjema, Shembüpai ham kü shuohpü moihimanthü peü hanphahen” shei e.

BHEI-IE 24:21

Hapheikü büpai Ken am kü veiteke, hatü hapa tetpüvanpü shah eteke: “Am nyushingü vepa kübü yanghen, hatü yaongvak kü jep lingpükei nyüke;

JOSHUA 19:33

Jomei viongü Heleph hatü Zaanannim longkham pünyü kübü Adami-Nekeb hatü Jabne-el homei heihdaipü Lakkum thahshi heih-ei Jordan kü leanshi nyu.

JOSHUA 19:37

Kedesh, Edrei, En-Hazor,

SHAHPHENBÜTHÜ 1:16

Mosalei shembünyülei chepalei hühihathü Ken am Jeriko leipü Arad yopai leipü Negebei nyupü Judah amei koshoya kahdokei nyuhen shingvaishi Judah am mü chemi aong. Halei jom Amalek am mü nyuteke.

SHAHPHENBÜTHÜ 4:12

Mechem Abinoamei cheha Barak Tabor Kahshangei aongteke shei Sisera-i danpa,

SHAHPHENBÜTHÜ 4:6

Nyih hük pinnyüi Naphtali kü nyupü Kadesh chingnyü leipü Abinoamei cheha Barak kü nyükei büpa kü, “Shembüpa, Israel amei Kahvangi nüng kü, ‘Daituh, hatü Naphtali hatü Zebulun jat nyi kübü shennyak haja an mütuh, hatü Tabor Kahshang lemei aongei show lingtuh’ shei Shembüpai enyüke shei eteke.”

1 SAMUEL 15:6

Ijip leipü leijashingkü Israel am kü phahji hushuohpü Ken am kü, “Amalek am toueipü amphong layaongei lüdaituh, nedaijema amao jom kei mahhen” shei e. Hanangkü Ken am Amalek am mü nyupü lüdai.

1 SAMUEL 27:10

Mechem Akhish-i, “Shinnyih-ü chinghah melei daipa?” shei pheshuohpa, Davidi, “Heshüphi Judah, nevaijü Jerahmeel, nevaijü Ken am hahpeih” shei ehamteke.