SHAHPHENBÜTHÜ 3:7 - DAÜLANGPÜ LAIHING (BSI)

⁷ Israel ami Shembüpa, jomei Kahvang betüktü mepa Shembüpa touei mang nyu, ha dükei mang thah, hatü Baal hatü Asherah kahvangthü kü khüm.

SHAHPHENBÜTHÜ 3:7 Iomraidhean Croise

1 ONGPATHÜ 16:33

Ahabi büpa she kübü Israel ongthüi dükpü mü nyeishi büpai Asherah nyüha kahvangei lajei ling, hatü hapai nyeinya Shembüpa, Israel Kahvang mongshihhü.

1 ONGPATHÜ 18:19

Hanangkü shaang ngei mü Karmel Kahshangei pongteihen shingvaishi Israel am peü kü nyükkütuh, hatü Jezebelei nükdülei hahyingpü Baal kahvangei thibüthü jom kho ali mü pinyipüan, hatü Asherah nyüha kahvangei thibüthü jom kho ali omshi nyükkei” shei e.

2 ONGPATHÜ 23:14

Josiah ongpai yaong shemnyüthü nihtükkem, Asherah nyüha kahvangei lajeithü bapei yaktük, hatü büpai hapa shingthü kü shennyakei vangi matük.

2 ONGPATHÜ 23:6

Büpai Shembüpalei Phopshem leipü Asherah nyüha kahvangei lajei chingnyü haolei Kidron Kahjilei deiyei aw kü jaktük, hatü hapa depla yah-ei khih mü ngümtü ching mahngchongei haitük.

2 SHÜPPÜKENGPÜ 15:16

Asa ongpai chenyü Maakah-ao Asherah kahvang lajei lingpü nangkü ongpalei nyü shei epü hean kübü nüngtük. Asa-i lajei bentü nihtük, hatü Kidron Kahjilei aw kü jaktük.

2 SHÜPPÜKENGPÜ 24:18

Jomi Shembüpa, chebü chepalei Kahvangei phopshemei khümpü dohdai, hatü Asherah nyüha kahvang hatü lajeithü kü khüm. Jomi mang thahpü nangkü Judah hatü Jerusalem kü Shembüpalei mongshih peiteke.

2 SHÜPPÜKENGPÜ 33:19

Büpai phoppü, hatü mekei Kahvangi büpai phoppü yahpa, büpalei mang peü hatü büpa hingnelempü, hatü büpa mong lep shekü vaümchongthü hatü Asherah nyüha kahvangei lajeithü hatü lebü lajeithü lingei tuhpa, hathü kemei thibüthülei laitap kü nyangei nyüke.

2 SHÜPPÜKENGPÜ 33:3

Büpai chepa Hezekiah-i bentükpü vaümchongthü lingei lei, hatü Baal kahvangei moidüthü hatü Asherah nyüha kahvangei lajeithü ling. Büpai lithathü kü khüm.

2 SHÜPPÜKENGPÜ 34:3

Büpa vanglem lempü bong shetpabü maanpü hashih hük nyushi büpai chebü Davidei Kahvang yemhen chongpang. Bong anpünyipabü kü büpai Judah hatü Jerusalem kübü vaümchongthü, Asherah nyüha kahvangei lajeithü hatü lebü lajeithü peü mangei yaktükhen chongpang.

2 SHÜPPÜKENGPÜ 34:7

büpai moidüthü hatü Asherah nyüha kahvangei lajeithü hatü Israel kahdok kempülei nyupü lajeithü hatü hathü kü ayingshü jakpü moidü kemei khih mü nih-ei ngümtüktü büpa Jerusalemei leidai.

MENVIH KESHO 106:35

shejao jomi jatthü mü vukeivengei, jomi dükpü peü dükhen nying.

MENVIH KESHO 106:36

Jomi lajeithü chongphoei khüm; hapai jom shing aethitai lei.

MENVIH KESHO 106:7

Hamei bühipa Ijiplei nyushi nüngei thamapü douthü deih-ei nedang; nüngi bampü changshi nyupü jomi nedeih; shejao Hakla Yungchingei Jaipüba khüei yaongpeih.

MÜLANGPÜ 34:13

Ammi jomei moidüthü, jomei daülangpü shemnyüthü, hatü jomei Asherah nyüha kahvang lajeithü nihtüktuh” shei e.

JEREMIAH 23:27

Chebü chepai Baal kahvang kü khümei ngei betükpükei jom hüki hük mü eteipü mang homei ngelei nanglakthüi ngelei men betükhen shei deihnyüke.

SHAHKÜP 16:21

Ammi Shembüpa, ammei Kahvangei moidü lingshingkü Asherah kahvangei pü lajei teling,

SHAHKÜP 4:9

Am kenhingtuh, hatü ammei müki lekei mehe eetepa, ha nebetükhen, nevaijü am yemmü nyupü thahshi ammei mongdang kübü hapa nemahtükhen kentuh. Ammei hühihathü kü ha nyuhtuh.

SHAHKÜP 8:11

Shembüpa, ammei Kahvang nebetükhen lituh, hatü büpalei shahkungthü hükao neshaihen kenhingtuh.

SHAHKÜP 8:14

aa vaiyei nyupü Ijip kahdok leipü müei leipü Shembüpa, ammei Kahvang betüktü nechangmeihen kenhingtuh.

SHAHKÜP 8:18

Shejao hayü Shembüpa, ammei Kahvangi shemmei leihüpeih shei deihtuh, hatü büpai shinnyih thahshi ammei bühipa kü lahtükpü lakshing düknyüpeih.

SHAHPHENBÜTHÜ 3:12

Israel ami shao Shembüpa touei mang thah, hatü Shembüpa touei mehe mang nyu ha dükpü nangkü Israel am khüei Shembüpai Moab amei Eglon ongpa wong kohhü.

SHAHPHENBÜTHÜ 3:8

Hanangkü Shembüpai Israel am kü mongshih, hatü büpai jom Aram-Naharaim amei ongpa Kushan Rishathaimei lak kü shuoh, hatü Israel am büpalei lakmongei vangbong shet nyuteke.

SHAHPHENBÜTHÜ 6:25

Ha ya Shembüpai Gideon kü, “Ampalei mohoh chebaong hükpapa vangbong nyet lomdaipü yahtuh, hatü ampalei Baal kahvangei moidü, hatü hatoueipü Asherah kahvangei lajeithü bentüktuh;

SHAHPHENBÜTHÜ 8:33

Gideon didaihinüng Israel ami shao Baal kahvang kü khüm. Jomphongi Baal-Berith jomei kahvang vaishi ling.

SHAHPHENBÜTHÜ 8:34

Israel ami jomei Kahvang, üpai nyonghidah peü kübü vepathülei lak kübü yangshuohpa, ha deih-ei nedang.

1 SAMUEL 12:10

Hahepak kü jomi Shembüpa kü, “Hami mang thahteke; mehenangkü hami Shembüpa yakphongtü Baal, hatü Astartes kahvangthü chongphoteke. Shejao shaang nüngi ham vepathülei lak kübü yangshih, hatü hami nüng chongphohen.

1 SAMUEL 12:9

Shejao jomi Shembüpa, jomei Kahvang betükpü nangkü büpai jom Hazor am Jabin ongpalei veshan mübü Sisera, hatü Philistia, hatü Moab ongpalei lakmong kü lanei shuohtükpeih, hatü jomi ammei bühipa am khüei hokpeih.