SHAHPHENBÜTHÜ 3:27 - DAÜLANGPÜ LAIHING (BSI)

²⁷ Mechem büpa om leipa, büpai phaüshang kahmük Ephraimei amit vüng, hatü büpai mütü Israel am kahshang leipü leiteke.

SHAHPHENBÜTHÜ 3:27 Iomraidhean Croise

2 SAMUEL 20:22

Hahepak kü hapa nyühai longi kon kohshi chudeih shuoh-ei jomei shennyakthü kü eyei dai, hatü jomi Bikrilei cheha Shebalei shangjing dakei Joab kü shükshuohteke. Hanangkü büpai amit vüngtü büpai büpalei shennyakthü chingnyü leipü yanhütük, hatü peüi laophülei shem yemei leidaikem, hatü Joabü Jerusalemei ongpa touei leiteke.

2 ONGPATHÜ 9:13

Hahepak kü jomi shülangi jomei ashak nyiukei büpalei lateenei nyem. Hapheikü jomi amit vüngei, “Jehuyü Ongpa!” shei len.

NEHEMIAH 4:14

Ngei hathü dou veikem pheikü ngei yaongei mübüthü, lakchongbüthü hatü aopü nanglakthü kü, “Jom kü tenyem. Ammei jeihinaü, hapeüthü, nyühathü hatü am shem nangjei hokpü longpü hatü nyempühanpü Shembüpa deih-ei dangtuh” shei eteke.

JOSHUA 17:15

Joshua-i jangei, “Am shennyak longi ahdaijema hatü Ephraim phaüshang kahmük am kü longi maandaijema, Perizz hatü Rephaim phaü ami aongei daühahtuh” shei e.

JOSHUA 17:18

shejao phaüshang kahdokao ammei vaihen, hapayü phaü mon vailangmao ammi phaü daüeitüktü viong dohpü thahshi yahtuh; mehenangkü nyiami lingpü koyei khari nyulangmao hatü jom wong kohlangmao ami Kanan am changtükaokhen” shei eteke.

SHAHPHENBÜTHÜ 10:1

Abimelekh didaipheikü phaüshang kahmük Ephraim kü Shamirlei nyupü Issakhar am phang Dodolei cheha Puah, Puahlei cheha Tola-i Israel am yanghen vam.

SHAHPHENBÜTHÜ 17:1

Ephraim phaüshang kahmükei shennyak hükei meni Mikah shei nyu.

SHAHPHENBÜTHÜ 19:1

Hathü nyih kü Israel kü ong nenyu. Shaang Levi am phaüshang kahmük Ephraim kü chingshoukei nyupü shennyak hüki Judah kahdok Bethlehem leipü yiükphü hük yah.

SHAHPHENBÜTHÜ 3:26

Jom danei nyupü hepak kü Ehudü lüdaitü nyu. Büpa yaong lajei lemei heih-ei Seirah lemei lüdai.

SHAHPHENBÜTHÜ 5:14

Jom Ephraim leipü kahjilei heih, nüng pheikü Benjamin jat hatü hapa nanglakthü müteke. Makir kübü mübüthü yiüteke, hatü Zebulun leipü lakchongbüthü vamteke.

SHAHPHENBÜTHÜ 6:34

Shembüpalei laangha Gideon kü pei, hatü büpai amit vüngei Abiezer am phang büpa phei mühen nyük.

SHAHPHENBÜTHÜ 7:24

hatü Gideoni Ephraim phaüshang jatthü kemei kü phongmokbüthü shomei, “Peikei, hatü Midian am khüei hokshah, hatü Jordan yungyen kübü Beth-Barah yungyen thahshi tapshah” shei e. Hanangkü Ephraim am shennyakthü kemei nyükei Jordan yungyen kübü Beth-Barah yungyen thahshi tapteke.

1 SAMUEL 13:3

Jonathani Philistia kahdok Geba leipü jila hah, hatü Philistia am peüi ha jung dan. Hahepak kü Sauli kahdok peü kü amit vüngei, “Hebrew am peüi bangtuh!” shei e.