SHAHPHENBÜTHÜ 3:16 - DAÜLANGPÜ LAIHING (BSI)

¹⁶ Shaang Ehudi nyonghidah kü nah kohpü yanlu hük feet hük mü bhaoei ling, hatü büpai hapa lakdah philei ashak mongei phümteke.

SHAHPHENBÜTHÜ 3:16 Iomraidhean Croise

2 SAMUEL 20:8

Mechem jom Gibeonei yaongnyü longpü touei nyupa, Amasa-i jom mü pongteinüng pei. Shaang Joab-ü veshan ow owtü ha shangkü yanpishung kü yanlu laptü shüng kü shepshi nyu; büpa daishingkü ha laoei vüdai.

MENVIH KESHO 149:6

Kahvang vihpü ngeüwong jomei üng kübü vamhütuh, hatü jomei lakei nyonghidah kü nah kohpü yan nohütuh;

MENVIH KESHO 45:3

Nüngei yanlu laaptuh, Oh wong kohpü ongpa; nethe meipü müknyinshekhang ow owtuh.

SOLOMONEI KESHO 3:8

Jom peüi yanlu notü vehok kü lahngpüthü yanüng nyem shaoshuohpü kü jom peüi yanlu temtüktü nyüke.

HEBREW 4:12

Kahvangei shah-ü yem hatü dou düknyüke, nah nyi kohpü yanlu mao nahpüba, yembüm hatü laangha, vangbaong hatü vangni baong hanei peiyei shüaokpü; mongdangei deihpü hatü lepü shahphenaokpü nyüke.

SHAKEI VAMPÜ 1:16

Büpalei lakdah philei litha nyet noteke, hatü büpalei ju leipü nah nyi kohpü yanlu vamteke, hatü büpalei dheyü vanghe hebaongwong kei nyuteke.

SHAKEI VAMPÜ 2:12

Pergamum kübü attoi leipü phongshan kü nyangtuh: Hathüyü nah nyi kohpü yanlu nyupübalei shahthü:

SHAHPHENBÜTHÜ 3:15

Shejao mechem Israel ami Shembüpa kü lenei phoppa, Shembüpai jom yanghen shingvaishi laknyongi dükpü Benjamin am Geralei cheha Ehud shom. Israel ami Moab am Eglon ongpa touei bom kotü Ehud shom.

SHAHPHENBÜTHÜ 3:17

Büpai Eglon ongpa kü bom shuoh; Eglonü longi nitshi nyuteke.

SHAHPHENBÜTHÜ 3:21

Ehudi büpalei lakdahphi bhagphangei phümpü yanlu tukei ngaiyei ongpalei vom kü hümteke.