SHAHPHENBÜTHÜ 3:11 - DAÜLANGPÜ LAIHING (BSI)

¹¹ Hanangkü Kenazlei cheha Othniel mangdi thahshi vangbong pinyi kahmük kü chingmeivangmei nyuteke.

SHAHPHENBÜTHÜ 3:11 Iomraidhean Croise

1 SHÜPPÜKENGPÜ 4:13

Kenazlei hapeüthü: Othniel hatü Seraiah. Ohnielei hapeüthü: Hathath hatü Meonothai.

NEHEMIAH 9:28

Shejao jom nyiushemmei kü nyujü shao jomi nüng touei mang thah. Hahepak kü jom shak kü vanglem lemhühen nüngi jom vepathü kü shuoh, hatü mechem jomi nüng kü nyükhen, nüngi vangsho leipü dan, hatü nüngi phahjipai hepak ieshi jom yangteke.

ESTHER 9:22

hatü hapayü Jehoda am vepa lak kübü nyiumei dangpü, jom mongmangpü mongong leihüpü, hatü mahng theppeyü mongongpü nyih vaihen shei e. Büpai jom kü hathü nyih-ü mopütappü, mongongpü, hatü hüki hük kü thintho hatü taopathü kü hahying shuohteipü hepak hük vaihen shei nyang.

JOSHUA 11:23

Shembüpai Mosa kü epükei Joshua-i kahdok kemei yah; hatü Joshua-i Israel jat ieyei kü hapa kahdok mükjüp hanei shuoh. Hapheikü mon kahdok kü hokpüheipü dohteke.

JOSHUA 15:17

Kenazlei cheha Othniel, Kalebei chenaüi hapa ching hah; hanangkü Kalebi büpalei yiükha Akhsah büpa mü shem yemhü.

SHAHPHENBÜTHÜ 3:10

Shembüpalei laangha yiüei büpa kü bak, hatü büpa vehokei dai, hatü Shembüpai Aram amei Kushan-Rishathaim ongpa Othnielei lak kü shuoh-ei büpa neütük.

SHAHPHENBÜTHÜ 3:12

Israel ami shao Shembüpa touei mang thah, hatü Shembüpa touei mehe mang nyu ha dükpü nangkü Israel am khüei Shembüpai Moab amei Eglon ongpa wong kohhü.

SHAHPHENBÜTHÜ 3:30

Hapa nyih Israel ami Moab am neütük, hatü kahmük kü vangbong büali thahshi chingmeivangmei nyuteke.

SHAHPHENBÜTHÜ 3:9

Shejao mechem Israel ami Shembüpa kü lenei phoppa, Shembüpai jom yanghen shingvaishi Kenazlei cheha, Kalebei chenaü Othniel shahphenbü shomei jom yangteke.

SHAHPHENBÜTHÜ 5:31

Hanangkü nüngei vepathü hapakei mahkemhen, Oh Ongpa! Shejao nüng kü bampüthü vanghenyü keiha nyahen! Hatü kahdok kü bong pinyi thahshi chingmeivangmei nyu.”

SHAHPHENBÜTHÜ 8:28

Hapa keiha Israel ami Midian am neütük, hatü mechemao hajük kü jom longshangei nenyu. Gideon yemmü nyupü thahshi vangbong pinyi thahshi kahmük kü chingmeivangmei nyu.