SHAHPHENBÜTHÜ 21:21 - DAÜLANGPÜ LAIHING (BSI)

²¹ hatü veishi nyutü mechem Shiloh nelathü oei longteihen vamkahenshang hahepak kü nyalingngupai kah leipü vamei laophülei nyüha vaihen Shiloh nelathü hükbaong yepei ammei Benjamin kahdokei leihahtuh” shei eshuohteke.

SHAHPHENBÜTHÜ 21:21 Iomraidhean Croise

2 SAMUEL 6:14

Davidi nyemin ashak hük mon yah-ei shüng kü loktü Shembüpa kü dhüm shuoh-ei wong kempai phaukteiteke.

2 SAMUEL 6:21

Davidi Mikhal kü, “Ampa hatü büpalei shem am nangjeiyei Shembüpalei nanglak Israel shak kü vanglem lemhen ngei jepü Shembüpa touei ngei phaukteipeih.

MENVIH KESHO 149:3

Jomi phaukteiyei büpalei men longtuh, tambourin hatü lyre vüngei, ünghinyah meipai büpa kü lohtuh.

MENVIH KESHO 150:4

tambourin hatü phaukteipai büpa vihtuh, nyiamvü hatü liping vüngei büpa vihtuh.

MÜLANGPÜ 15:20

Hahepak kü Aaronei chenya Mariami tambourin yah-ei no, hatü nyühathü peü pinnyü phei kü tambourin notü vüngei phaukteiyei dai.

CHONGVENBÜ 3:4

thephen hepak hük, hatü nyihen hepak hük; mahng thephen hepak hük, hatü phaukteihen hepak hük;

SOLOMONEI KESHO 6:13

Nyokei leikei, nyokei leikei, Oh Shulam nela; nyokei leikei, hami nüng kü veishah, nyokei leikei! Mahanaim am opü kü veipükei mehekei ammi Shulam am kü veihenang?

JEREMIAH 31:13

Nela nethe hatü behe peüi mongongpai phaukteihen. Ngei jom theppü mongong leihühen; Ngei jom kü mongmang nangjei nyiushemmei mongong shuohhen.

MATHI 10:17

Amphongi jom kü lituh; mehenangkü jomi am shahphen shingei müei deihen, hatü Sinagoglei jomi am kü bheiphahen;

LUK SHAHSHA APPÜ 17:25

Shejao ha shekü büpai shangpong longi homei daihen, hatü hapa denhivani büpa yaktükhen.

SHAHPHENBÜTHÜ 11:34

Mechem Jephthah-i shem yemei Mizpahlei leijapa, büpalei yiükha phaam kaongei phaukteiyaki chepa ombomei vamjateke. Pinnyü-ü büpalei halomnyü; pinnyü mü lenei yeshang nevaijü yiükha üpa-ao nenyu.

SHAHPHENBÜTHÜ 21:20

Hanangkü jomphongi Benjamin am kü, “Daituh hatü nyalingngupai kahlei danei nyutuh,

1 SAMUEL 18:6

Davidi Goliath jüpheikü mechem shennyakthü shemei leijapa, Israel kü nyupü jilathü peü kübü nyühathü Saul ongpa mü pongteihen mongongpai kesho lokei, phaukteiyei tambourin hatü liping kongkoih vüngei daiteke.