SHAHPHENBÜTHÜ 20:23 - DAÜLANGPÜ LAIHING (BSI)

²³ hatü Israel am aongei om dhüshi Shembüpa kü thep, hatü Shembüpa kü, “Hamei jeihinaü Benjamin am mü khüei hokhen ham aongüla?” shei pheyei e. Shembüpai, “Aongei hoktuh” shei e.

SHAHPHENBÜTHÜ 20:23 Iomraidhean Croise

2 SAMUEL 3:35

Hahepak kü shennyak peüi David kü lemhük dangkao hahtuh shei yawhhen thai, shejao Davidi lah-ei, “Vanghe mangshü thahshi ngei lemhük dangkao hahjema Kahvangi ngei kao hapakei nyemdükpha” shei e.

HOSEA 5:15

Jomei mang shangshi jom mangponghah thahshi, hatü jomi ngelei dhe mangyem thahshi, ngei ngelei nanglakthü yakphonghen. Jom shangpongpai jomi ngei yemhen.

JOSHUA 7:6

Hahepak kü Joshua-i laophülei ashak shaaktük, hatü om dhüshi Shembüpalei Vangpüshuwpü Pela touei kahdok kü dhe shüshi nyuteke. Israel am behethüiyao hapakei dük hatü shangjing kü bhihla nyioteke.

JOSHUA 7:7

Hatü Joshua-i, “Oh Shembüpa Kahvang, mehekei nüngi ha nanglakthü Jordan yung homei Amor ami jütükhen shingvaishi jomei lak kü shuohhen müei deipa? Jordan yungdangei nyudailangmeyü meihah shepeih!

SHAHPHENBÜTHÜ 1:1

Joshua didaipheikü Israel ami Shembüpa kü, “Kanan am khüei hokhen shingvaishi üam jat shong daihenang?” shei phe.

SHAHPHENBÜTHÜ 20:18

Israel ami layaongei Bethelei aongei, “Benjamin am khüei hokhen üam shong daihenang?” shei Shembüpa kü phe. Shembüpai, “Judah am shong aongtuh” shei e.

SHAHPHENBÜTHÜ 20:22

Shejao Israel am hüki hük mü monglong shah eteitü shongpü nyih showpü shing kü shao show ling,

SHAHPHENBÜTHÜ 20:24

Hanangkü Israel ami neppheiyao Benjamin am khüei hokhen aong,

SHAHPHENBÜTHÜ 21:2

Israel nanglakthü Bethelei heih-ei om dhüshi Kahvang touei ngeüwong anei shahyaki thepei,

1 SAMUEL 10:3

“Nüng hatoueipü leiyei Tabor leipü longkham pünyü ngoijü nüngi shennyak jem Bethelei Kahvang mü heününg aongpü halei nüngi ponghen. Shennyak hüki yum cheha jem, shennyak hüki aan bhaok jem hatü hükpai yiü-üm hük kotü ponghen.

1 SAMUEL 11:4

Mechem phongmokbüthüi Saul nyupü Gibeah ngoipa, jomi nanglakthü kü hapa jung shah-om aokjashingkü peüi wongmü thepteke.

1 SAMUEL 7:6

Hanangkü jom Mizpahlei thaiyei yung shoei anei Shembüpa touei langteke. Ha nyih jomi shüaeiyungleyei, “Hami Shembüpa khüei mang thahteke” shei mang lah, hatü Samueli Mizpahlei nyuei Israel am kü vanglem lemteke.