SHAHPHENBÜTHÜ 20:13 - DAÜLANGPÜ LAIHING (BSI)

¹³ Israel kübü nemeipü mang shaptükhen shingvaishi Gibeah kü nemeipü shennyakthü shakei ngaishih hatü hamphongi jomphong jütükhen” shei e. Shejao Benjamin ami jempü jeihinaü Israel jatthüi epü kü dhaong neno.

SHAHPHENBÜTHÜ 20:13 Iomraidhean Croise

2 SAMUEL 20:1

Shaang Benjamin am Bikrilei cheha Sheba longi nebahnevaipü shennyak halei nyu. Büpai amit vüngtü lenei, “Ham David mü phaihan neshiüpih, Jesselei cheha mü hean neshiüpih! Ashakshem mongei nyupüthü peü, Oh Israel!” shei e.

2 SAMUEL 23:6

Shejao nemeipü shennyakthüyü hühhihang kei yaktükhen; Mehenangkü hathüyü laki homei neyah-aoknyih.

1 ONGPATHÜ 21:13

Hahepak kü neveü gühshe shapü shennyak nyi büpa mü khangteiyei uohütü nanglakthü tou kü Naboth kü thaüvaüei, “Naboth-i Kahvang hatü ongpa nyiphen kü eelateke” shei e. Hanangkü jomphongi chingnyü haolei büpa deiyei yaongi shükei jütük.

2 SHÜPPÜKENGPÜ 13:7

hatü shahhing ne-e, vanglem nenyingpü shennyak tenthü thaiyei yahtü Solomonei cheha Rehoboam hashih meheyao mangnyingpü hepak kü Rehoboam khüei yaongpeih” shei e.

2 SHÜPPÜKENGPÜ 25:16

Mechem büpai ha eyei nyupa, ongpai büpa kü, “Hami nüngü ongpa kü shahnying venhen jepü je? Shah te-e; hei nevaijema jühen” shei e. Hanangkü thibüpai shah epü doh shejao eteke, “Mehenangkü nüngi ha dükpü nangkü Kahvangi nüng jütükhen temei nyüke shei ngei nyingnyüke, hatü nüngi ngei epü kü nebang.”

2 SHÜPPÜKENGPÜ 25:20

Shejao Amaziah-i ha nebang; mehenangkü büpai Edom amei kahvang lajei kü khümpü nangkü Kahvangi jom Joashlei lak kü shuohtükhen mongpü nyuteke.

KANDOK 29:1

Longi lohhah pheikü üpai mong vaanei nyuhenshang, yanglem neshiüi topshi mahhen.

CHONGVENBÜ 11:10

Hanangkü nüngei mong kübü mongshang changtüktuh, hatü nüngei büm kübü shanghah yaktüktuh; mehenangkü thehila hatü kahmong nyemhalei yangnyuao angsha khih.

HOSEA 10:9

Oh Israel, am Gibeahlei nyushi mebü ami mang thahpeih, Gibeahlei mang dükpüthü vehok kü nemah-angpü je?

HOSEA 9:9

Gibeahlei nyupü nyih kü kei, ten lem kü jom hingdaiteke; Kahvangi jomei mang deihhen, hatü jomei mang nangkü jom hanghihühen.

ROM SHAHSHA APPÜ 1:32

Hapa keipü dou dükpüthü dihen shangpeih shei jomphongi Kahvangei shahkungnyü nyingei nyüke, shejao jomi hathü dükpü mon nevai, shejao hathü dükpüthü kü jomi mongmeishi yahnyüke.

1 KORINT 5:13

Haolei nyupüthü keyü Kahvangi shahphenhen. “Amphong khong kübü nemeipü shennyak changtüktuh.”

2 KORINT 6:15

Khrista hatü Belial nyi melei shepshaihen? Nevaijü vaipü ami nevaipü am mü mehe hean nyüpa?

SHAHKÜP 13:13

nemeipü shennyak hanei vamei, “Jen daiyei lebü kahvangthü kü khümshah” (ammi nenyingpü kahvangthü), shei eyei ammei nyushing leipü nanglak hanei lemnyong kü mülangpü khih shei danjema,

SHAHKÜP 13:5

Hapa keipü thibü nevaijü mangh tetpeyü jütüktuh; mehenangkü jomi Shembüpa, ammei Kahvang, üpai am aa vaihampü Ijip kahdok leipü müei leipa, büpa khüei yaongnyüke. Büpai Shembüpa, ammei Kahvangi epü lem kübü am mülanghen khenyüke. Am toueipü henüng keipü mang daütüktuh.

SHAHKÜP 13:6

Ammei jeihinaü meimei-i, nevaijü ammei yeshang nevaijü yiükha, nevaijü ammi bampü shembünyü, nevaijü ammei mongkhen küphüi, “Jeni lebü kahvangthü kü khümshah” (am nevaijü ammei bühipathüi nenyingpü kahvangthü,

SHAHKÜP 17:12

Shembüpa, ammei Kahvang chongphopü shahphenbü nevaijü ngongpa kü üpai ven nebanghen jütükhen; hapakei dükpai Israel kübü mang daütükhen.

SHAHKÜP 17:7

Denpü shuohpü shennyakthüi shongei lak shih-ei panghen, hatü hapheikü mon nanglakthü peüi lakhüngei yaongi shükei jühen. Hapakei dükpai am touei nyupü mang daütükhen.

SHAHKÜP 19:19

büpai mih kü dükhen shei deihpü hanghi büpa kü dükeishuoh. Ammi hapakei am toueipü mang daütükhen.

SHAHKÜP 21:21

Hahepak kü jomei jila kübü shennyakthüi büpa yaongi shükei jütükhen, hatü hapakei am khong kübü mang daütükhen. Israel am peüi hapa danei nyemhen.

SHAHKÜP 22:21

pinnyü chepalei shem shadenei müei deihen hatü jom ching ami pinnyü yaongi shükei jühen. Mehenangkü pinnyüi chepa amei shemei nyushi mih mü mükbongjuyungei Israel kü veüpong dou dükteke. Hapakei am toueipü mang daütükhen.

SHAHKÜP 22:24

ammi jiji nyiphen penyüshalei deiyei yaongi shükei jütüktuh. Mehenangkü hapa nela-i chingnyülei pinnyüi vaüpü eepü mih-i danhen mü tuhtü nevaüpü nangkü, hatü hapa bahapai mih-i doi khüamlangphei nela mü mükbongjuyungpü nangkü dihen. Hapa keiha am toueipü mang daütükhen.

SHAHKÜP 24:7

Shennyak hüki jempü Israel shennyak hük yepei daiyei aa kü kei noteijema hatü yutükjema, shennyak yeppü shennyakü jütükhen vongbong. Am toueipü henüng mang daütükhen vongbong.

SHAHPHENBÜTHÜ 19:22

Mechem jom hapakei hahyingtü jaüteiyei nyupa, ngangahük kü ching leipü shennyakten hanei peiyei shem shümei yahtü sha kü daüpei khungteke. Jomi hapa bajeipa kü, “Nüngei shemei ngoiyei nyupü shennyak chingshelei ngaishih; hami büpa mü mükbongjuyung dükhen hih” shei e.

SHAHPHENBÜTHÜ 20:12

Israel jatthüi Benjamin jat kemeilei shennyak shomei, “Amphongi mehekei hapakei hangkuli sho mahhüei douten dükpa?

SHAHPHENBÜTHÜ 20:14

Benjamin ami Israel am mü hokhen shingvaishi ching leipü layaongei Gibeahlei chemi thai.

1 SAMUEL 2:25

Shennyak hüki shennyak hük homei mang thahjema, hapa kü Kahvangi baong kü ithen, shejao shennyak hüki Shembüpa khüei mang thahjema büpa kü üpai baong kü ithen?” shei e. Shejao cheha nyi-i chepai epü nebang; mehenangkü jiji jütükhenü Shembüpai mongpü nyuteke.

1 SAMUEL 30:22

Shejao David mü daipü nemeipü hatü yahlak neshiüpü shennyakthüi, “Jomphong jen mü nedaipü nangkü laophülei nyüha hatü hapeüthü yahpü mü lenei jeni dangei leipü mophimothü nehanpih” shei e.