SHAHPHENBÜTHÜ 2:18 - DAÜLANGPÜ LAIHING (BSI)

¹⁸ Mechem Shembüpai jom shing shahphenbüthü jeyei ngaipa, Shembüpa shahphenbüthü mü nyu, hatü shahphenbüthü yemmü nyupü thahshi büpai jom vepathülei lak kübü yang; mehenangkü Shembüpai jom mih phangkü shüveidoidei hatü hanghi ponghahpü kü shinshangei deih.

SHAHPHENBÜTHÜ 2:18 Iomraidhean Croise

KAHBHAO 6:6

Kahdoknyülei büpai hangku lingei tuhpü nangkü Shembüpa mongshang, hatü büpalei mong kü tüngteke.

2 ONGPATHÜ 13:4

Hahepak kü Jehoahaz-i Shembüpa kü phop, hatü Shembüpai Israel am kü Aram ongpai shüveipü eetü hapa phoppü kü jangteke.

MENVIH KESHO 12:5

“Taopathü kü shüveipü nangkü, hatü nehahneyingpüthü theppüyoungpü nangkü ngei shaang peikahen; Jomi ongyangpü yanghen shing kü ngei jomi shingnüngei tuhphonghen” shei Shembüpai enyüke.

MENVIH KESHO 90:13

Lepei leikei, Oh Shembüpa! Nüngei mongshih meshük lushi nyuhen? Nüngei chongphobü kü phahjishih.

MÜLANGPÜ 2:24

Kahvangi jom theppüyoungpü dan, hatü büpai Abraham, Isak hatü Jakob mü vangeishuwpü deih-ei dang.

MÜLANGPÜ 3:12

Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

MÜLANGPÜ 32:14

Hahepak kü Shembüpai laophülei nanglakthü kü koei peihen shei tempü shanghah neshuohhen mong leiteke.

HOSEA 11:8

“Ephraim, mekei etü ngei nüng tuhphongaokhen? Oh Israel, mekei etü ngei nüng yakphongaokhen? Ngei Admah am kü dükshuohpü keiha ngei mekei etü am kü dükhen? Zeboiim am kü nopükei mekei etü ngei am kü nohen? Ngelei mongi ha nedükhükahen, ngei am kü ahshi-üng bamnyüpeih.

JONAH 3:10

Mechem Kahvangi jomi dükpü hatü mekei jomei mang lemthü kübü mong leppü eepa, büpai büpalei mong yeiya, hatü büpai dükhen shei tempü hanghi jom kü neshuoh.

BHEI-IE 10:9

Mechem ammei kahdokei am khüei yaongpü vepa mü thepju kü yaonghenshang, hapa amit vüngtuh. Hahepak kü Shembüpa, ammei Kahvangi am deih-ei danghen, hatü vepathü lak kübü am yanglanghen,

SHAHKÜP 32:36

Shembüpai laophülei nanglak dah shakhühen, Mechem jom wong kemhen, aa nevaijü bümei hükao ne-aoi wong kemdaipü büpai eehenshang, Shembüpai laophülei nanglak kü phahjihen.

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

SHAHPHENBÜTHÜ 10:16

Hanangkü jomphong jom toueipü kung amei kahvangthü yaktüktü Shembüpa kü khüm, hatü büpai Israel am ponghahpü kü veishi nenyuaok.

SHAHPHENBÜTHÜ 11:32

Hapheikü Jephthah-i Ammon am khüei hokhen dai, hatü Shembüpai büpalei lak kü Ammon am shuoh.

SHAHPHENBÜTHÜ 2:19

Shejao mechem shahphenbüthü didaikempa, jomi lebü kahvangthü phei müei hathü kü khümei jomei bühipa mao nemeipüba lemnyong kü kam, hatü nemeipü lem, douten yakphonghen jomi nemong.

SHAHPHENBÜTHÜ 3:9

Shejao mechem Israel ami Shembüpa kü lenei phoppa, Shembüpai jom yanghen shingvaishi Kenazlei cheha, Kalebei chenaü Othniel shahphenbü shomei jom yangteke.

SHAHPHENBÜTHÜ 6:12

Shembüpalei phongshan büpa touei peiyei, “Wongkoh monglongpü hampa, Shembüpa nüng mü nyüke” shei e.

SHAHPHENBÜTHÜ 6:16

Shembüpai büpa kü, “Nüngi aokhen hih; mehenangkü ngei nüng mü nyukahen, hatü nüngi Midian am peü ngümtükhen” shei e.