SHAHPHENBÜTHÜ 2:17 - DAÜLANGPÜ LAIHING (BSI)

¹⁷ Shejao jomi shahphenbüthülei shah-ao nebang, shejao jom nying kü lebü kahvangthü mü mükbongjuyungei hathü kü khümteke. Shembüpalei ven bangei kampü chebü chepalei lem kü nekami lomi lemnyong kü lüdaikem.

SHAHPHENBÜTHÜ 2:17 Iomraidhean Croise

MENVIH KESHO 106:39

Hapakei jomei doui jom nedaüi lei, hatü jomi dükpü dou kü mükbongjuyung.

MENVIH KESHO 106:43

Hepak longi kü büpai jom yang, shejao jomü temtüktü khüei yaong, hatü jomei mang homei maanei leitükpeih.

MENVIH KESHO 73:27

Nüng mebü yanei nyupüthü peü mahhen; nüng kü shahshem epüthü nüngi dohtükhen.

MÜLANGPÜ 32:8

Ngei jom kü dükhen eshuohpü peü yakphongtü lembienei lüdaikemteke; jomi jom shingvaishi mohoh cheha lajei hük lingtü ha kü khümei jakpü moila shuoh-ei, ‘Oh Israel am, hapayü am Ijip kahdok leipü müei daipü ammei kahvang khih’ shei enyüke” shei eteke.

JEREMIAH 3:6

Josiah ongpalei nyih kü Shembüpai ngei kü eteke: Hingnelempü Israel, pinnyüi mehe dük, mekei pinnyü shangtao shaopü peülei aongei, hatü püdhüm peülei büm yuei kamteipü nüngi eela?

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

HOSEA 2:2

Ngelei hapeüthü, anyü kü lohtuh; mehenangkü pinnyü ngelei nyüha nevai, hatü ngei pinnyülei baha nevai. Pinnyü kü mükbongjuyung dhe kohpü kübü, hatü büm yupü kübü dohhen loh-eishuoh.

LEVI 17:7

Jomphongi hajük kü yum lajei kü yem jüei moila shuoh-ei mang dou nedükhen. Hapayü jom shingvaishi hüdenhalenshi noteihen shahkungnyü nyüke.”

AMOS 2:4

Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.

GALATIA 1:6

Khrista phahjipai am kü nyükpü hük lomi yakphongtü lebü shahjangmei hük lemei lepdaipü kü ngei thamanyeih.

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

SHAHKÜP 31:18

Hatü hingmei hapa nyih jomi lebü kahvangthü touei lepei mang thahpü nangkü ngei ngelei dhe jodaihen.”

SHAHKÜP 9:12

Hahepak kü Shembüpai ngei kü, “Nüng leituh; mehenangkü Ijip leipü nüngi müei leipü nanglakthüi mang thahteke. Ngei jom kü dükhen eshuohpü yakphongtü jom shingvaishi lajei lingei nyüke” shei ephüteke.

SHAHKÜP 9:16

Mechem ngei leiyei veipa, amphongü Shembüpa, ammei Kahvang khüei mang thahtü nyu; am nyingi am shing mohoh cheha lajei lingtü nyuteke. Shembüpai am kü epü lem kü nevai-i lemnyong kü lüdaitü nyuteke.

JOSHUA 24:24

Nanglakthüi Joshua kü, “Hami Shembüpa, hamei Kahvang-üng chongphohen, hatü büpalei ven banghen” shei e.

JOSHUA 24:31

Israel ami Joshua yemmü nyupü thahshi, hatü Joshua phei kü nyupü behethü üami Israel am shingvaishi Shembüpai dükpü douthü nyingei nyu, hathü nyupü thahshi Israel ami Shembüpa chongphoteke.

SHAHPHENBÜTHÜ 2:7

Joshua yemmü nyupü thahshi hatü Israel am shingvaishi Shembüpai yashanpü dou dükpü Joshua diphei kao nyupü mübüthü nyupü thahshi nanglakthüi Shembüpa chongphoteke.

SHAHPHENBÜTHÜ 8:33

Gideon didaihinüng Israel ami shao Baal kahvang kü khüm. Jomphongi Baal-Berith jomei kahvang vaishi ling.

1 SAMUEL 12:12

Shejao mechem Ammon am Nahash ongpa am mü hokhen layaongpü eepa, ammi ngei kü, ‘Shembüpa, ammei Kahvangü ammei ongpa vailangmao ha tuhphongtü, ham kü ong hük yahshihnyuhen’ shei eteke.

1 SAMUEL 12:17

Shaangü wheat hahvet hepak nevaipü je? Ngei Shembüpa kü nyükhen, hatü büpai vangmuk hatü vang shomphahen; hatü ammi am shing ong hük yüpü hepak kü Shembüpa touei ammi thahpü mangü ahshi-üng longshi khih shei nyinghen hatü eehen.

1 SAMUEL 12:19

Nanglakthü peüi Samuel kü, “Shembüpa, nüngei Kahvang kü nüng chongphobüthü nedihen shangmü phopeishuoh, ham shing ong hük yüpai hamei mangthü kü shao ühahpü khih” shei e.