SHAHPHENBÜTHÜ 2:14 - DAÜLANGPÜ LAIHING (BSI)

¹⁴ Hanangkü Israel am khüei Shembüpa mongshih vam, hatü büpai jom aetpüshepü hatü gühpathülei lak kü shuohtük. Büpai jom ngeih-ei shonei nyupü vepathülei lak kü shuohtük, hatü jomi vepathü khüei nehokaok.

SHAHPHENBÜTHÜ 2:14 Iomraidhean Croise

2 SAMUEL 24:1

Shao Shembüpai Israel am kü mongshih, hatü büpai David homei jom kü shanghah koei peihü. Shembüpai büpa kü, “Daituh, hatü Israel hatü Judah veshanthü shangkuk ietuh” shei e.

2 SAMUEL 7:11

Israel nanglakthü shangkü shahphenbüthü jepü nyih kübü keiha jom kü neshüveihen, hatü ngei vepathü peü kübü chingmei shuohhen. “Nyeinya vaishi Shembüpai nüng kü Shembüpa, büpa nyingi shem hük lingphahen shei enyüke.

2 ONGPATHÜ 13:3

Hanangkü Shembüpai Israel am kü longi mongshihpü nangkü hepak luangi Aram am Hazael ongpa, hatü Hazaelei cheha Ben-Hadad nyilei lak kü nyokei leiyei shuoh.

2 ONGPATHÜ 17:20

Shembüpai Israel amei hühihathü peü yaktük; büpai jomphong kü hanghi shuoh, hatü büpa toueipü jomphong mangchangtük thahshi büpai jom lupülempüthülei lak kü shuoh.

2 SHÜPPÜKENGPÜ 15:5

Hathü nyih keyü yenlem kü longteihenao nemei-i nyupeih; mehenangkü kahmük kü nyupüthü peü nyempüvüngpai maei nyupeih.

2 SHÜPPÜKENGPÜ 28:5

Hanangkü Shembüpa, büpalei Kahvangi büpa Aram ongpa kü shuohtük. Aram ami büpa neütüktü büpalei nanglakthü longi yepei Damaskalei leilang. Shao büpa Israel amei lak kü shuoh hatü büpalei nanglak longi mah.

2 SHÜPPÜKENGPÜ 36:16

shejao Shembüpai laophülei nanglak kü longi mongshih-ei meilem neshiüi manglei thahshi jomi Kahvangei shahjang kobüthü kü ne-ienelem, büpalei shahthü yaktük hatü thibüthü kü yaüteke.

NEHEMIAH 9:27

Hanangkü nüngi jom kü nyemshüvei shei jomei vepathü kü shuoh. Shejao mechem jom shüveipü ponghahpa, jomi nüng kü lenei nyük. Vangsho leipü nüngi jom nyükpü dan, hatü nüngi phahjipai vepathülei lak kübü yanghen yangbü hük shuoh.

MENVIH KESHO 44:11

Nüngi ham jühen deipü mithü kei leihüpeih, hatü ham jatthü touei haitük.

MENVIH KESHO 44:12

Nüngi nüngei nanglakthü bhei newongpü douthü keiha yutükpeih.

ISAIAH 42:24

Üpai Jakob aetpüshepüthü kü, hatü Israel am gühpathü kü shuohtükpa? Jeni büpa khüei mang thahpü nangkü, büpalei lemthü kü nekampü, hatü büpalei shahkungthü nebangpü nangkü Shembüpai shuohtükpü nevaipü je?

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

JEREMIAH 37:10

Am khüei hokpü Babylon veshan kemei kü ammi neüshuohjao, hatü hapa ashakshemei aokhahmashapü mon aoei nyujao, jom yaongei hapa chingnyü awi haptükhen.

LEVI 26:17

Ngelei dhe am khüei yaakshingkü ammei vepathüi am neütükhen; ammi jiühitpüthüi am shak kü vanglem lemhen, hatü am kü üpaiyao nechangpü kü am nyemei nyaihen.

LEVI 26:28

ngei mongshih anei am khüei yaonghen, hatü ammei mang shingvaishi shao shing nyet nyeinya hanghi shuohhen.

LEVI 26:37

Üpaiyao jom kü nechangchangi vepa toueipü nyaipükei hüki hük kü huluh shuohyaki nyaihen; hatü vepathü khüei yaongaokhen mü wong neshiüi leidaihen.

BHEI-IE 32:13

Shembüpai Israel am kü mongshih, hatü büpa touei douten dükpü shennyakthü mangdikem thahshi büpai jom jahpanei bong pinyi thahshi longteihüpeih,

BHEI-IE 32:14

hatü shaang, hamü, amphong mangei hühihathü, Israel am shangkü Shembüpalei mongshih nyeinya koei peihen mü ambü ampa amei shing kü yaongshi nyüke.

SHAHKÜP 28:20

Ten dükpü nangkü amphong lomi hatü chemjalak kü mangmahdai thahshi Shembüpai ammei lakdou peü kü thaüvaü, podongpolong hatü shanghah shomphahen.

SHAHKÜP 28:25

Shembüpai am vepathüi aokhühen. Amphongi jom touei lem hük kü mon peihen shejao jom toueipü amphong lem nyet kü nyaihen, hatü kahdoknyü nanglaki am mehe ponghahnya ha eeyei nyemhen.

SHAHKÜP 28:58

Amphongi hapa laitap kü nyangei nyupü shahkungthü kenhingei nemüjema, hatü müknyinshekhangpü hatü nyempühanpü Shembüpa, ammei Kahvangei men kü dhüm neshuohjema,

SHAHKÜP 32:30

Mekei bahüki haja hük kü neüaokpa, nevaijü pa nyi moni haja an mü hokaokpa? Hapayü jomei Yaongi jom tuhphongpü nangkü, hatü Shembüpai jom yaktükpü nangkü khihma.

JOSHUA 23:16

Ammi Shembüpa, ammei Kahvangi shuohpü vangteishuwteipü mangtüktü daiyei lebü kahvangthü chongphoei hathü kü khümjema, Shembüpai am khüei mongshih vamhen, hatü büpai am kü shuohpü kahdok kübü lomi mahtükkemhen” shei e.

SHAHPHENBÜTHÜ 1:19

Shembüpa, Judah am mü nyu, hatü phaüshang kahmükthü yahteke, shejao kahjilei nyupü shennyakthü nechangtükaok; mehenangkü jomei lakei nyiam shihtükpü vehok koyeithü nyuteke.

SHAHPHENBÜTHÜ 1:34

Amor ami Dan jat kahjilei neyühah-i phaüshang kahmükei tuh.

SHAHPHENBÜTHÜ 10:7

büpai jom kü mongshih, hatü Philistia hatü Ammon ami jom neütük,

SHAHPHENBÜTHÜ 2:20

Hanangkü Shembüpai Israel am khüei mongshih vam hatü büpai e, “Mehenangkü hapa nanglakthüi ngei chebü chepa kü shuohpü vangpüshuwpü mangtük, hatü ngei epü nebangpü nangkü,

SHAHPHENBÜTHÜ 3:12

Israel ami shao Shembüpa touei mang thah, hatü Shembüpa touei mehe mang nyu ha dükpü nangkü Israel am khüei Shembüpai Moab amei Eglon ongpa wong kohhü.

SHAHPHENBÜTHÜ 4:2

Hanangkü Shembüpai jom Hazorlei vanglem lempü Kanan amei Jabin ongpalei lak kü shuoh. Büpalei veshan mübüyü Harosheth Haggoyimei nyupü Sisera nyuteke.