SHAHPHENBÜTHÜ 2:1 - DAÜLANGPÜ LAIHING (BSI)

¹ Shaang Shembüpalei phongshan Gilgal kübü Bokhimei aong, hatü Israel am kü, “Ngei am Ijip leipü müei daiyei ngei ammei bühipathü kü lahpü kahdokei peipeih. ‘Ngei am mü vangpüshuwpü nemangpih’ shei etepih.

SHAHPHENBÜTHÜ 2:1 Iomraidhean Croise

KAHBHAO 12:7

Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

KAHBHAO 16:13

Hanangkü pinnyü mü shah eteipü Shembüpa kü pinnyüi, “Nüngü El-roi; mehenangkü pinnyüi, ‘Ngei kü veipü Kahvang ngeiyao shaang büpa eetepih’ ” shei e.

KAHBHAO 48:16

ngei vongshüh peü kübü yangpü vangsho phongshani hapa naü nyi kü moihimantuh; Ngelei men hatü ngelei bühipa Abraham, Isakei men ha naü nyi homei nyuhütuh, hatü kahdoknyü kü hühihathü longi dahütuh.”

MENVIH KESHO 89:3

Ngei jelangpü hük mü vangpüshuwpü hük lingteke; ngelei chongphobü David kü lahtüktih.

MENVIH KESHO 89:34

Ngelei vangpüshuwpü neshaitükhen, nevaijü ngelei ju kübü vamei daipü shahthü neyeiyahen.

MÜLANGPÜ 14:14

Shembüpai am khüambakei hokkahen, am nenmü mon nyutuh” shei eteke.

MÜLANGPÜ 14:19

Kahvangei vangsho phongshan üpa Israel veshanthü shekü kampa, jomei ngaümphei lemei leiteke, hatü jom shekü kamei nyupü phum shemnyü jom ngaümpheilei leiyei,

MÜLANGPÜ 20:2

Ngeiyü am Ijip kahdok aa laphen kübü müei leipü Shembüpa, ammei Kahvang;

MÜLANGPÜ 23:20

Ngei am shingvaishi tempü shingei müei daishingkü lemei am yomhen shingvaishi ngei am shekü vangsho phongshan hük shomphahen.

MÜLANGPÜ 33:14

Shembüpai, “Ngei am mü omshi daihen hatü ngei am kü aokpü shuohhen” shei eteke.

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

JEREMIAH 14:21

Nüngei men kü ham tengümtük; Nüngei müknyinshekhang ong uoshing dhüm neshiüi teleitük; Ham mü nüngi vangteipü deih-ei dangtuh, hatü ha temangtük.

LEVI 26:42

shejüang ngei Jakob mü vangeishuwpü deih-ei danghen, hatü Isak mü hatü Abraham mü ngei vangteishuwteipü deih-ei danghen, hatü ngei jom kü shuohhen lahpü kahdok deih-ei danghen.

LEVI 26:44

Shejao jom vepa kahdokei nyujoong ngei jom mü vangteipü mangei chemjalak kü netuhphonghen, hatü nemahtükhen; mehenangkü ngeiyü Shembüpa, jomei Kahvang.

ZEKHARIAH 11:10

Hahepak kü ngei ngelei lenshuoh, “Bampü” yahteke, hatü jatthü peü mü ngei vangteishuwteipü bentükhen shingvaishi tettük.

MALAKI 3:1

Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

BHEI-IE 14:34

Am nyih pinyi kahmük doknüng daipü nyih ieyei shingvaishi vangbong hükbaong heshap ammei mang lat vangbong pinyi am shangponghen.

SHAHKÜP 1:8

Veituh, hapa kahdokü ngei am kü shuohtepih. Ammei bühipa Abraham, Isak hatü Jakob hatü jomei hühihathü kü Shembüpai shuohhen shei lahpü kahdokei shüei hapa yahtuh’ ” shei eteke.

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

JOSHUA 3:10

Hapa keiha vanyangyem Kahvang am mü nyüke, hatü büpai hingmei am toueipü Kanan am, Hit am, Hiv am, Perizz am, Girgash am, Amor am hatü Jebus am changtükphahen shei ammi nyinghen.

SHAHPHENBÜTHÜ 11:24

Ammi ammei Kemosh kahvangi yahphopü neyahhen je? Hapa keiha Shembüpa, hamei Kahvangi mehe shuoh, ha hami yahhen.

SHAHPHENBÜTHÜ 13:2

Hahepak kü Zorah am shennyak hük Dan phang am meni Manoah shei nyu. Büpalei chenyühayü hapeü nebüh-i nyülan vaishi nyu.

SHAHPHENBÜTHÜ 13:3

Shembüpalei vangsho phongshan pinnyü touei peiyei, “Nüngü nyülan khih, shejao nüng büm nekongi leihen hatü yeshang hük bühhen.

SHAHPHENBÜTHÜ 2:5

Hanangkü hapa shing kü Bokhim shei men, hatü hatouei jomi Shembüpa kü jakpü moila shuoh.

SHAHPHENBÜTHÜ 6:8

Shembüpai Israel am kü thibü hük shomei jomphong kü, “Shembüpa, Israel amei Kahvangi hapakei enyüke: ‘Ngei amphong Ijip kahdokei aa laphen kü nyupü kübü müei leipeih;