SHAHPHENBÜTHÜ 18:2 - DAÜLANGPÜ LAIHING (BSI)

² Hanangkü Dan am jati monglongpü shennyak nga jom shemthü kübü jeyei kahdok veihen Zorah hatü Eshtaol kübü shom, hatü jomi hathü kü, “Daituh, hatü kahdok veiyei leikei” shei eteke. Hathü shennyakthüi phaüshang kahmük Ephraim thah-ei Mikah am shemei ngoiteke hatü ha ya halei paüm.

SHAHPHENBÜTHÜ 18:2 Iomraidhean Croise

KAHBHAO 42:9

Joseph-i jomphong nangkü mangh manghpü deih-ei dang. Büpai jomphong kü, “Amphongü hamei kahmük wong nekohpü shing kü gühshuknüng yiüpü khih!” shei e.

KANDOK 20:18

Shahnying meipü yah-ei küpjan lingtuh; vehok kü daijema kon kohshi lem hupü phei mütuh.

BHEI-IE 13:17

Mosai jom Kananei gühshuk shomshingkü hapakei eteke, “Hatoueipü Negebei aongtuh, hatü phaüshang kahmük lemei shütuh.

LUK SHAHSHA APPÜ 14:31

Nevaijü üpa ongpai lebü ong hük mü hokhen daiyei büpa mü nyupü veshan haja ani büpa khüei peipü veshan haja kukha mü ne-aokhen hi aokhen shei uotü deih-ei neveinya?

JOSHUA 15:33

Heshüphi kahshangla kübü chingthüyü, Eshtaol, Zorah, Ashnah,

JOSHUA 19:41

Jomei kahdokü Zorah, Eshtaol, Ir-Shemesh,

JOSHUA 2:1

Hahepak kü Nunei cheha Joshua-i Shittim leipü shennyak nyi joei gühshuk shomteke. “Daituh, hatü kahmük doktuh, nyeinya vaishi Jeriko kü veituh” shei eteke. Hanangkü jiji daiyei büm yupü nyüha hük Rahab am shemei ngoi, hatü halei paümteke.

JOSHUA 2:2

“Veituh, sheya Israel am hanei gühshuknüng peiyei nyüke” shei Jeriko ongpai dan.

SHAHPHENBÜTHÜ 13:2

Hahepak kü Zorah am shennyak hük Dan phang am meni Manoah shei nyu. Büpalei chenyühayü hapeü nebüh-i nyülan vaishi nyu.

SHAHPHENBÜTHÜ 13:25

hatü mechem büpa Mahaneh-Danlei Zorah hi Eshtaol nyi aa kü nyupa, Shembüpalei laanghai büpa kü dou dükhen chongpang.

SHAHPHENBÜTHÜ 16:31

Hahepak kü büpalei jeihinaüthü hatü chepa amei shem am kemei büpalei mahng yahnüng yiü. Jomi büpalei mahng yah-ei leiyei chepa Manoahlei mahngchongei Zorah hi Eshtaol nyi aa kü vü. Büpai vangbong kukha thahshi Israel am shahphenteke.

SHAHPHENBÜTHÜ 17:1

Ephraim phaüshang kahmükei shennyak hükei meni Mikah shei nyu.

SHAHPHENBÜTHÜ 18:11

Hanangkü Dan am shennyak kho vok vehok phunglang temei Zorah hatü Eshtaol kübü layaong,

SHAHPHENBÜTHÜ 18:13

Hatoueipü jomi phaüshang kahmük Ephraimei aongei Mikah am shemei pei.

SHAHPHENBÜTHÜ 18:3

Mechem jomphong Mikah am shemei paümpa, jomphongi Levi am nethepalei ngeü danei jomphongi heih-ei büpa kü, “Nüng hatouei üpai müei peipa? Nüng hatouei mehe düknya? Nüng hatouei mehe heshap nyunya?” shei pheteke.

SHAHPHENBÜTHÜ 18:8

Mechem jom Zorah hatü Eshtaolei nyokei leijapa, jeihinaüthüi, “Am yen daipü shah-om mekeiang?” shei phe.

SHAHPHENBÜTHÜ 19:1

Hathü nyih kü Israel kü ong nenyu. Shaang Levi am phaüshang kahmük Ephraim kü chingshoukei nyupü shennyak hüki Judah kahdok Bethlehem leipü yiükphü hük yah.

SHAHPHENBÜTHÜ 19:18

Hatü büpai büpa kü, “Hamphongü Judah kahdok Bethlehem leipü ngei nyushing phaüshang kahmük Ephraim kü chingshouk hükei leilem kü hakküpeih. Ngei Judah kahdok Bethlehemei nyunyeih, hatü ngei shem yemei leinyüpeih, shejao üpaiyao ham shemei paümhen shüshah shei ne-ephai yaongnyüpeih.