SHAHPHENBÜTHÜ 15:18 - DAÜLANGPÜ LAIHING (BSI)

¹⁸ Hapheikü Samson longi yung leteke, hatü büpai Shembüpa kü nyükei, “Nüngi hapa aokpü longpü danghüteke, hatü ngei yung lepai dihen khih, hatü nejaptükpü Philistia amei lak kü ngei mahhen je?” shei eteke.

SHAHPHENBÜTHÜ 15:18 Iomraidhean Croise

KAHBHAO 20:11

Abrahami, “Hapa shingei Kahvang kü nyempü lanshei neshiü; ngelei nyüha tata kü ngei jüphahen khih shei deihpü nangkü ha dükpeih.

KAHBHAO 32:31

Büpai shüng kü tüngei khoyaki Peniel homei daishingkü vanghe aong.

2 SAMUEL 1:20

Gathlei ha jung te-e, Ashkelon chingyangshong kü ha baongei yaüei te-e; Hei nevaijema Philistia nelathüi mongonghen, hatü nejaptükpüthülei yiükhathüi mongmeihen.

JOHAN 19:28

Hapheikü mechem Jisui dou peü temteke shei nyingpa, (laihing kü eyei nyupü jiühühen shingvaishi) “Ngei yung leangke” shei e.

HEBREW 11:32

Shao meshük nyeishi ngei ehen? Gideon, Barak, Samson, Jephthah, David hatü Samuel hatü thibüthü jung ehen hepaki nechangang.

SHAHPHENBÜTHÜ 14:3

Chenyü hi chepa nyi-i jangei, “Shem am khongkü nevaijü jenei nanglak khongkü nüngi lümpü yiükhila hükao neshiüang je? Nejaptükpü Philistia am kungyiükang yahhen je?” shei e. Shejao Samsoni chepa kü, “Ngei pinnyü-üng yahhen hih; ngei mü jiüteihenü pinnyü mon khih” shei e.

SHAHPHENBÜTHÜ 15:17

Mechem büpai ha eyei kempa, büpai hapa gadulei shahvang yaktük, hatü büpai hapa shing kü Ramath-Lehi shei menteke.

SHAHPHENBÜTHÜ 16:28

Hahepak kü Samsoni Shembüpa kü, “Oh Jeiyong Shembüpa, ngei deih-ei dangtuh. Oh Kahvang, chingmeilemlingei ngei kü shao chem wong yahshih; ngelei mük nyiphen luktükpü nangkü ngei shao chem Philistia am kü bhüh yemshah” shei phop.

SHAHPHENBÜTHÜ 8:4

Hahepak kü Gideon hatü büpalei veshanthü kho jem Jordan yung homei dai. Jomi longi nyiudaijao nedoh-i vepathü changei dai.

1 SAMUEL 17:26

Davidi büpa touei chemi yaongpüthü kü “Hapa Philistia naüha jüpü hatü Israel am kü ne-ienelempü kübü yangpü shennyak kü mehe shuohhen epa? Vanyangyem Kahvangei veshanthü kü vehok chenghen üpa nejaptükpü Philistia naüha ang?” shei phe.

1 SAMUEL 17:36

Hapa keiha nüngei chongphobüi shahnyü hi sheptao jühampeih. Hapa nejaptükpü Philistia naühayao hathü kei-üng nyukahen; mehenangkü büpai vanyangyem Kahvangei veshanthü kü chengteke.

1 SAMUEL 27:1

Shejao Davidi laophü nyingi, “Nyih hükpayü ngei Saulei lak kü mahhen khih; ngei shingvaishi peü mü meipeyü Philistialei paüei daiyei nyupü meihen khih. Shejüang Sauli Israel kemeilei ngei yempü dohhen hatü hapai mon ngei büpalei lak kübü yangaokhen khih” shei deih.