SHAHPHENBÜTHÜ 14:12 - DAÜLANGPÜ LAIHING (BSI)

¹² Ngei shahlap hük eküshah shei Samsoni jomphong kü e, “Amphong hanei-i mo hahpü nyih nyet kam kü ha ephüjema, ngei büpa kü nyemin ashak hapüan hatü banghpung kü owhen ow hapüan shuohhen.

SHAHPHENBÜTHÜ 14:12 Iomraidhean Croise

KAHBHAO 45:22

Jom peü kü büpai büm-ow jeiteihen omshi shuoh, shejao Benjamin kü ngin kho jem hatü ashakviha jeiteihen lem nga shuoh.

1 ONGPATHÜ 10:1

Mechem Sheba am onglanyüi Shembüpalei men homei Solomon men-e leipü jung danpa, pinnyüi büpa kü wongpü wongpü shahthü pheyei dokhen shingvaishi pei.

2 ONGPATHÜ 5:22

Gehazi-i, “Hih” shei e. “Shaang-üng thibüthü khong kübü nethe nyi phaüshang kahmük Ephraim leipü ngei touei peiküpeih. Chingmeilemlingei jijinyi kü ngin haja jem hatü nyipa jeiteihen büm-ow shuohtükütuh shei ehen büpai ngei nüng touei shompeih” shei e.

2 ONGPATHÜ 5:5

Aram ongpai jangei, “Shejema leituh. Ngei Israel ongpa kü nüng mü lai hük shomhen” shei e. Hanangkü Naamani lop haja hapüan, hon haja vok, hatü jeiteihen büm-ow lem an thahshi kotü layaongei dai.

2 SHÜPPÜKENGPÜ 7:8

Hahepak kü Solomon hatü Israel nanglakthüi nyih nyet thahshi mo moteke, hatü khongnyü longi Lebo-hamath kübü Ijip thahshi thai.

MENVIH KESHO 49:4

Ngelei dhaong kandok shah philei meehen; harp vüngei phehen nyupü shahjo kemei nihhen khih.

KANDOK 1:6

Kandok hatü shahlapthü, hatü nahpülangpüthüi epü chüpü shahjothü nyinghenshingvaishi;

KANDOK 31:24

Pinnyüi nyemin ashak hatü shüngshep daknyüke, hatü hathü yunyüke.

EZEKIEL 17:2

Oh shennyak ha, Israel am kü shahlap hük eyeishuoh.

EZEKIEL 20:49

Hahepak kü ngei, “Oh Shembüpa Kahvang, ngeiyü düngei shahlap mon enyüke shei jomphongi ngei kü enyüke” shei eteke.

MATHI 13:13

Ngei jomphong kü shahlap mü epü lappeyü, jomi veinyüke, shejao ne-eenyu, jomi bangnyüke, shejao nedannyu hatü nyingei neyahnyu.

MATHI 13:34

Jisui khongnyü kü ha douthü peü shahlapi e; shahlap ne-omi büpai jomphong kü meheyao ne-e.

MATHI 27:28

Jomphongi büpalei büm-ow nyiuktüktü ashak hakla jeiyei owhü,

MATHI 6:19

Ammi hapa kahdoknyülei laophü shing mop tejao; melei thep hatü düithungi hahtüknya, hatü gühpai shem mangei shüei gühlangnya.

LUK SHAHSHA APPÜ 14:7

Peipü yenthüi dhüm kohpü meipü uoshing jeyei uopü eeyei büpai jomphong kü shahlap hük e.

JOHAN 16:29

Büpalei nanglomthüi, “Hayü khih, shaang nüngi shahlap nevai, lapjai enyüke!

1 KORINT 13:12

Mehenangkü jeni shaangü aina kü kei neleki pumshi eenyüke, shejao hapheikü jeni dhe dhe gongei eehen. Shaang ngei hanei mon nyingnyeih, shejao Kahvangi ngei meishi nyingpükei ngei pheilei peü lomei nyinghen.

JAKOB 5:2

Ammei mopthü shedaiteke, hatü ammei ashakviha dhaüpi hahtükteke.

SHAHPHENBÜTHÜ 14:11

Mechem Philistia ami büpa eepa, jomi büpa mü jemhen küphü hapüan shuoh.

SHAHPHENBÜTHÜ 14:13

Amphongi ngei kü ha ne-ephaaokjema amphongi ngei kü nyemin ashak hapüan hatü banghpung ow hapüan shuohtuh” shei e. Jomi büpa kü, “Nüngei shahlap eshih; hami hapa bangshah” shei e.