SHAHPHENBÜTHÜ 11:27 - DAÜLANGPÜ LAIHING (BSI)

²⁷ Ngei am mü pungei meheyao nedük, shejao ammi ngei mü hokpü nangkü pungei nyüke. Shembüpa, Shahphenbüi Israel hatü Ammon am nyi aa kü nedanteipü nyemphenkei” shei e.

SHAHPHENBÜTHÜ 11:27 Iomraidhean Croise

KAHBHAO 16:5

Hahepak kü Sarai-i Abram kü, “Hagar-i ngei kü ne-ienelemi dükpeyü nüngi pungpeih. Ngei ngelei aa nüngei lak kü shuohpeih, shejao pinnyüi pinnyü büm nekongpü nyingei ngei kü neienelemnyu khih. Kahvangi ji aa kü shah nyemphenkei” shei e.

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

KAHBHAO 31:53

Ji aa kü Abraham Kahvang hatü Nahor Kahvangijijilei chepalei Kahvangi shah nyemphen” shei e. Hanangkü Jakobi chepa Isaki khümpü Kahvang men kü,

2 SHÜPPÜKENGPÜ 20:12

Oh hamei Kahvang, nüngi jom kü shah nephenhen je? Ham hahnüng peipü veshanthü mü baong hokhen wong neshiü. Mehe dükhen hami nenyingang, shejao hamei mük nüng kü veinyüpeih.”

JOB SHAHSHA APPÜ 23:7

Daülangpü shennyak hüki laophülei nang büpa tou kü eaokhen; hatü ngei shahphenpü kübü den shing ngei yanglanghen.

JOB SHAHSHA APPÜ 9:15

Ngei pungtükpü neshiüjao, ngei büpa kü shah neleiaokpih; ngeiyü ngelei shahphenbü kü phahji mon yühen hih.

MENVIH KESHO 50:6

Vangshothüi büpa daülangshemshepü baongnyeih, mehenangkü Kahvang, büpayü shahphenbü.

MENVIH KESHO 7:11

Kahvangü shahhing shahphenbü; hatü nyihjeih mongshihpü Kahvang.

MENVIH KESHO 75:7

Shejao shahphenpeyü Kahvang, hanei am nyonghünyeih, hanei am dah shakhünyeih.

MENVIH KESHO 82:8

Paotuh, Oh Kahvang, kahdoknyü kü shahphentuh; mehenangkü jatthü peü nüngei!

MENVIH KESHO 94:2

Paotuh, Oh kahdoknyü shahphenbü; changmeipü am kü jom kü shangpü yah-eishuoh!

MENVIH KESHO 98:9

Jomi Shembüpa touei kesho lokhütuh; mehenangkü büpai kahdoknyü kü shahphenhen peikünyüke. Büpa daülangshemshepai kahdoknyü, hatü shahhingi nanglakthülei shahphenhen.

CHONGVENBÜ 11:9

Oh themei, lamei, nüngei thehila nyihthü kü mongongtuh, hatü thehila hepak kü nüngei mong mongonghütuh. Nüngei mongi lümpü lem kü kamtuh, hatü nüngei mük kü meipü düktuh, shejao hathü dou lemphü kü Kahvangi nüng shahphen shingei müei deihen shei deih-ei dangtuh.

CHONGVENBÜ 12:14

Mehenangkü Kahvangi joshi nyupü dou, meipü hatü nemeipü dou lemphüli shahphen shingei koei peikahen.

2 KORINT 11:11

Mehekei? Ngei am kü nebamnyu hiang? Ngei bampü Kahvangi nyingnyüke.

2 KORINT 5:10

Mehenangkü jen peü Khristalei shahphenpü uoshing touei yaonghen, hatü halei shennyak peü mei vaijao ten vaijao hapa kahdoknyü büm kü mehe dük, ha shing lat danghen.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

HEBREW 12:23

hatü vangsholei men nyanglangpü hashongthü thaipü, hatü peüei shahphenpü Kahvang, hatü daülangpüthülei laanghathü changhüshahüpü touei,

SHAHPHENBÜTHÜ 11:28

Shejao Ammon ongpai Jephthah-i shompü shah kü mong neshuoh.

1 SAMUEL 2:10

Üami Shembüpa khüei yaongnya lomohhen. Büpai jom khüei vangsho leipü vangmuk khunghen; Shembüpai kahdok junghijang ngoishi shahphenhen. Büpai laophülei ong kü wong shuohhen, hatü laophüi thiteiphuei jepü kü ngan shuohhen.

1 SAMUEL 24:12

Ji aa kü Shembüpai-üng shah nyemphenkei! Nüngi ngei kü nejiü-i dükpü nangkü Shembüpai nüng hanghihühen aok, shejao ngelei laki shei nüng kü nehongpih.

1 SAMUEL 24:13

Aivang bütet kü, “Douten dükpü am kübü douten vamnyeih” shei enyüke, shejao ngelei laki nüng khüei dou nedükpih.

1 SAMUEL 24:15

“Shembüpai-üng ji aa kü üpa jiüpa shah nyemphenkei. Ngelei nang büpai veihen, hatü büpai ngei nüngei lak kübü yangei ngei dah shakhühen” shei e.

1 SAMUEL 24:16

Mechem Davidi Saul kü hathü shah eyei kempa, Sauli, “Ngelei hapeü David, hapayü nüngei ngeü je?” shei phe. Sauli ngeü wongmü vamei thep.