SHAHPHENBÜTHÜ 11:26 - DAÜLANGPÜ LAIHING (BSI)

²⁶ Vangbong kho jem thahshi Israel ami Heshbon, hatü Aroer kü, hatü hathü kü shinpü chingthü hatü Arnon yungkung kü nyupü chingnyüthü peü Israel ami yah-ei nyuhampeih. Hajükpü hepak yangkü neyahlangi mehekei nyupa?

SHAHPHENBÜTHÜ 11:26 Iomraidhean Croise

JEREMIAH 48:19

Lemnyülei yaongtü veituh, am Aroerlei nyupüthü. Nyaiyei daiküpü bahathü, yangei daiküpü nyühathü kü, “Mehe vamküpa?” shei phetuh.

PHONGSHANTHÜ DOU 13:19

Büpai Kananei jat nyet neütüktü büpai jomei kahdok büpalei nanglakthü kü mükjüp vaishi shuohpeih.

SHAHKÜP 2:24

Shaang layaongtuh hatü Arnon yungyen homei daituh. Ngei Amor am Sihon, Heshbon leipü ongpa hatü büpalei kahdok ammei lak kü shuohtepih. Büpa mü hoktuh hatü hapa kahdok kaamlangtuh.

SHAHKÜP 2:36

Aroer kübü Arnon kahji jung dohpü thahshi hatü kahji kü nyupü jilathü kübü Gilead thahshi Shembüpa, jenei Kahvangi jen aokhüpeih. Jeni neneüaokhen mü mepa jilayao nechongkei.

SHAHKÜP 3:2

Shejao Shembüpai ngei kü, “Büpa kü tenyem; mehenangkü ngei büpa hatü büpalei veshanthü kemei hatü büpalei kahdok nüngei lak kü shuohtepih. Heshbonei vanglem lempü Amor am Sihon ongpa kü lingpükei büpa kao lingeishuoh” shei eteke.

SHAHKÜP 3:6

Heshbon ongpa Sihon kü dükshuohpükei jeni jomei jilathü mangtük, hatü baha, nyüha hatü hashih naüha kemei jütük.

JOSHUA 11:18

Joshua-i jomei ongthü mü hepak luangi hokteke.

JOSHUA 12:2

Amor am Sihon ongpa, büpai Heshbonei chong vaitü Aroer kübü Arnon kahji jung hük kübü hapa kahji jiam thahshi, hatü Ammon amei viong Jabbok yungyen ngoishi; hapayü Gilead kahdok jiam thahshi vanglem lemteke.

JOSHUA 12:5

Büpai Hermon Kahshang, Salekah, hatü Bashan kemei Geshur viong thahshi, hatü Maakah hatü Gilead kahdok jiam kübü Heshbon ongpa Sihonei viong thahshi vanglem lemteke.

JOSHUA 13:10

hatü Heshbonei vanglem lempü Amor am Sihon ongpalei chingnyüthü kemei Amor amei viong thahshi;

JOSHUA 13:16

Aroer kahdok kübü Arnon kahji jung, hatü hapa kahji hanteke: Aroer kahdok kübü Arnon kahji jung, hatü hapa kahji jiam kübü chingnyüthü, hatü Medeba kahji kemei heih-ei,

JOSHUA 13:17

Heshbon hatü hapa kahji kübü chingnyüthü kemei, Dibon, Bamoth-Ball, Beth Baal-meon,

JOSHUA 23:1

Hepak longi daipheikü Shembüpai Israel am kü jom shinei nyupü vepathü peü kübü nyiumei shuoh, hatü hahepak kü Joshuayü longi viüdaitü nyu,

SHAHPHENBÜTHÜ 10:8

hatü jomi hapa vangbong Israel am ngümei hanghi shuoh. Amor kahdok Jordan heongphi Gileadei nyupü Israel am kemei kü vangbong anpüshet thahshi hanghi shuoh.

SHAHPHENBÜTHÜ 3:11

Hanangkü Kenazlei cheha Othniel mangdi thahshi vangbong pinyi kahmük kü chingmeivangmei nyuteke.

SHAHPHENBÜTHÜ 3:30

Hapa nyih Israel ami Moab am neütük, hatü kahmük kü vangbong büali thahshi chingmeivangmei nyuteke.

SHAHPHENBÜTHÜ 5:31

Hanangkü nüngei vepathü hapakei mahkemhen, Oh Ongpa! Shejao nüng kü bampüthü vanghenyü keiha nyahen! Hatü kahdok kü bong pinyi thahshi chingmeivangmei nyu.”

SHAHPHENBÜTHÜ 8:28

Hapa keiha Israel ami Midian am neütük, hatü mechemao hajük kü jom longshangei nenyu. Gideon yemmü nyupü thahshi vangbong pinyi thahshi kahmük kü chingmeivangmei nyu.

SHAHPHENBÜTHÜ 9:22

Abimelekh-i Israel kü vangbong jem mon vanglem lem.