SHAHPHENBÜTHÜ 11:10 - DAÜLANGPÜ LAIHING (BSI)

¹⁰ Gilead am mübüthüi jangei, “Shembüpayü jen aa kü denbü nyukahen, hatü nüngi epükei hamphongi dükhen” shei e.

SHAHPHENBÜTHÜ 11:10 Iomraidhean Croise

KAHBHAO 16:5

Hahepak kü Sarai-i Abram kü, “Hagar-i ngei kü ne-ienelemi dükpeyü nüngi pungpeih. Ngei ngelei aa nüngei lak kü shuohpeih, shejao pinnyüi pinnyü büm nekongpü nyingei ngei kü neienelemnyu khih. Kahvangi ji aa kü shah nyemphenkei” shei e.

KAHBHAO 21:23

Shaang nüngi Kahvangei men kü ngei mü, ngelei hühihathü mü nevaijü ngei phei kübüthü mü lueilemei nelingpih shei ngei kü lahshih. Ngei nüng mü hingshangi nyupü keiha nüngiyao ngei hatü nüng nyupü kahmük kü hingshangi nyuhen lahshih” shei e.

KAHBHAO 31:50

Nüngi ngelei yiükha nyi kü nemei-i dükjü nevaijü jiji mü lenei shao nyüha yahjü ngei ha nenyingjao Kahvangü ji aa kü denbü shei deih-ei dangtuh” shei e.

KAHBHAO 31:53

Ji aa kü Abraham Kahvang hatü Nahor Kahvangijijilei chepalei Kahvangi shah nyemphen” shei e. Hanangkü Jakobi chepa Isaki khümpü Kahvang men kü,

MÜLANGPÜ 20:7

Ammi ngei, Shembüpa, ammei Kahvangei men angkü tenotei; mehenangkü ngei, Shembüpai büpalei men jiüjiükei noteipü kü hanghi shuohhen.

JEREMIAH 29:23

Mehenangkü jomi Israel kü nyembenüng mang dükteke; chingyowpalei nyüha mü mükbongjuyung dükteke, hatü ngei neshomshomi ngelei men kü shahshem eteke. Ngei ha nyingnyeih hatü ngei ha kü denpü shuohnyeih shei Shembüpai enyüke.”

JEREMIAH 42:5

Hahepak kü jomphongi Jeremiah kü, “Shembüpa, nüngei Kahvangi nüng homei ham kü shompü shah aimü hami nedükjema, ham khüei Shembüpayü shahhing hatü hingshangpü denbü vaikahen.

MIKA 1:2

Bangtuh, Oh jatli nanglakthü peü, Bangtuh, Oh am kahdok shak kü nyupüthü peü, Jeiyong Shembüpai am khüei denpü shuohhen, Shembüpai büpalei daülangpü moila shem kübü enyüke.

ZEKHARIAH 5:4

Jeiyong Shembüpai enyüke, “Ngei hapa thaüvaü shomhen hatü hapa gühpalei shemei hatü ngelei men kü shahshem denbülei shemei shühen. Hapa jomei shemei shüei taukta hatü yaongthü peü mangtükhen.”

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

ROM SHAHSHA APPÜ 1:9

Düngei ngei phoppü kü nedoh-i am deihei dangpü ngelei denbüyü büpalei Ha jung shahjangmei chongvenpü ngelei laanghai chongphopü Kahvang nyüpeih.

2 KORINT 11:31

Kahvang hatü Shembüpa Jisulei Pa-i (büpa den kü moihimantuh) ngei shahshem ne-epü nyingei nyüpeih.

SHAHKÜP 1:16

Hatü hapa kü ngei ammei shahphenbüthü kü hapakei eshuohpeih: “Ammei nanglak khongkü depülaopü vamküjü meishi bangtuh, hatü ammei nanglaki nanglak aa kü vaijao lakeiloipü am vaijao jiüshi shahphentuh.

SHAHPHENBÜTHÜ 11:9

Jephthah-i Gilead am mübüthü kü, “Ammi ngei Ammon am khüei hokhen müei leiyei Shembüpai ngei kü aokpü danghüjema, hingmei ngei ammei mübü vaihen je?” shei phe.

1 SAMUEL 12:5

Samueli jomphong kü, “Ngei kü meheyao ten neshiü shei ammi eeteke; Shembüpa, hatü büpai jepü ongpa nyiyü am touei denpü nyüke. Jomi, ‘Hih,’ büpayü denpü” shei e.

1 SAMUEL 24:12

Ji aa kü Shembüpai-üng shah nyemphenkei! Nüngi ngei kü nejiü-i dükpü nangkü Shembüpai nüng hanghihühen aok, shejao ngelei laki shei nüng kü nehongpih.