SHAHPHENBÜTHÜ 10:6 - DAÜLANGPÜ LAIHING (BSI)

⁶ Shao Israel ami Shembüpa touei mepa mang, ha dük, hatü Israel ami Baal hatü Astartes kahvangthü, Aram amei kahvangthü, Sidon amei kahvangthü, Moab amei kahvangthü, Ammon amei kahvangthü hatü Philistia amei kahvangthü kü khüm. Israel ami Shembüpa betüktü büpa chongnephopü nangkü,

SHAHPHENBÜTHÜ 10:6 Iomraidhean Croise

1 ONGPATHÜ 11:33

Jomi ngei tuhphongtü Sidon amei nyüha kahvang Astartes, Moab amei kahvang Kemosh, hatü Ammon amei Molekh kahvang kü khümei ngelei lemthü kü nekam, nevaijü ngei touei jiüpü nedük, nevaijü chepa Davidi dükpükei ngelei vanglem hatü shahkungnyüthü nedükpü nangkü ngei hapa dükshuohhen.

1 ONGPATHÜ 11:5

Mehenangkü Solomoni Sidon amei nyüha kahvang Astartes hatü Ammon amei jiühitnalaipü Molekh kahvang kü khüm.

1 ONGPATHÜ 11:7

Jerusalem heongphi kahshangei Solomoni jiühitnalaipü Moab amei Kemosh kahvang, hatü Ammon amei Molekh kahvang kü khümhen khümshing veteke.

1 ONGPATHÜ 16:31

Büpai Nebatei cheha Jeroboamei lemthü kü kampü mongnehami büpai Sidon ongpa Ethbaalei yiükha Jezebel mü shem yem, hatü Baal kahvang chongphoei khüm.

2 ONGPATHÜ 17:16

Jomi Shembüpa, jomei Kahvangei shahkungthü peü yaktük, hatü jomi jom shingvaishi mohoh cheha lajei nyi shükei ling, Asherah kahvangei lajei ling, hatü vangsho lithilen hatü Baal kahvang kü khüm.

2 ONGPATHÜ 23:13

Israel amei ongpa Solomoni Sidon amei jiühitnalaipü Astartes nyüha kahvang, Moab amei jiühitnalaipü Kemosh kahvang, Ammon amei Molekh kahvang, hathü kü khümhen shingvaishi Jerusalem heongphi kü hatü Olive Kahshang pehephi kü vepü moidüthü peü sheihtük.

2 SHÜPPÜKENGPÜ 28:23

Büpa kü hok neüshuohpü Damaska amei kahvang kü büpai moila shuoh; mehenangkü büpai, “Aram ongpalei kahvangi jom kü sheühpü nangkü ngei kao nyemsheühphanüng ngei hathü kahvangthü kü moila shuohhen hih” shei deih. Shejao hathü homei büpa hatü Israel am kemei doteke.

MENVIH KESHO 106:36

Jomi lajeithü chongphoei khüm; hapai jom shing aethitai lei.

ISAIAH 23:4

Veütuh, Oh Sidon am, mehenangkü yungching ilangmongi, hatü yungching penyüsha-i am kü hapakei eteke: “Ngei mechemao vom kü tüngei nenyu hatü hapeü ne-ang. Ngei mechemao yeshangha nehaüm, nevaijü yiükha jungei nelaong.”

JEREMIAH 2:13

Mehenangkü ngelei nanglakthüi mang nyi thahteke; jomi vanyangyem yunglok, ngei yakphongteke, hatü yung ne-iihen yungkuk kukteke.

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

JEREMIAH 32:23

Jom peiyei hapa kahdok kaamei yahpeih shejao jomi nüngei ven nebang hatü nüngei shahkung kü nemü; jom kü nüngi düktuh shei epü nedük. Hanangkü nüngi jom kü hathü shanghah koei peipeih.”

EZEKIEL 27:16

Ammi dou longi lingei ngaiaokpü nangkü Aram ami am mü bhei leihteke; jomi ammei dou mü thüngshingpü douvang yaong, manghshempü ashak, hoipü ashak, meipü nyemin ashak, yungching mongeipü douvang yaong shuohpeih.

SHAHKÜP 13:6

Ammei jeihinaü meimei-i, nevaijü ammei yeshang nevaijü yiükha, nevaijü ammi bampü shembünyü, nevaijü ammei mongkhen küphüi, “Jeni lebü kahvangthü kü khümshah” (am nevaijü ammei bühipathüi nenyingpü kahvangthü,

SHAHKÜP 13:8

shei eküjema ammi hathülei shah tebang. Büpa kü phahji nevaijü yahyang shinshang tehu, hatü büpa yangei tetuh.

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

SHAHKÜP 31:17

Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

JOSHUA 13:31

Gilead kahdok hükkeishing hatü Ashtaroth hatü Edrei, Bashan kü Og ongpalei ongchingthü kemei omei shuoh. Hathüyü Manassehlei cheha Makirlei hühihathü, Makir kü phaakpü hühihathü phang kü hanpü mükjüp nyuteke.

SHAHPHENBÜTHÜ 10:5

Jair di, hatü büpa Kamonlei mangh vüteke.

SHAHPHENBÜTHÜ 11:24

Ammi ammei Kemosh kahvangi yahphopü neyahhen je? Hapa keiha Shembüpa, hamei Kahvangi mehe shuoh, ha hami yahhen.

SHAHPHENBÜTHÜ 13:1

Shao Israel ami Shembüpa touei mang thah; hanangkü Shembüpai jom Philistia amei lak kü vangbong pinyi shingvaishi shuohtük.

SHAHPHENBÜTHÜ 16:23

Shaang Philistia am ongthüi jomei Dagon kahvang kü moila longpü shuohhen hatü mongongteihen shingvaishi thai. Jomphongi, “Jenei kahvangi jenei vepa Samson jenei lak kü yahphüteke” shei kesho lok.

SHAHPHENBÜTHÜ 3:7

Israel ami Shembüpa, jomei Kahvang betüktü mepa Shembüpa touei mang nyu, ha dükei mang thah, hatü Baal hatü Asherah kahvangthü kü khüm.

SHAHPHENBÜTHÜ 4:1

Ehud didaipheikü Israel ami shao Shembüpa touei mehe mang nyu, ha dükteke.

SHAHPHENBÜTHÜ 6:1

Shao Israel nanglakthüi Shembüpa touei mang thah, hatü Shembüpai jomphong Midian amei lak kü vangbong nyet shuoh.

SHAHPHENBÜTHÜ 8:33

Gideon didaihinüng Israel ami shao Baal kahvang kü khüm. Jomphongi Baal-Berith jomei kahvang vaishi ling.

1 SAMUEL 5:2

Jomi hapa Kahvangei Vangpüshuwpü Pela koei leiyei Dagon kahvang khümshemei Dagon lajei touei haüshi tuh.