SHAHPHENBÜTHÜ 10:16 - DAÜLANGPÜ LAIHING (BSI)

¹⁶ Hanangkü jomphong jom toueipü kung amei kahvangthü yaktüktü Shembüpa kü khüm, hatü büpai Israel am ponghahpü kü veishi nenyuaok.

SHAHPHENBÜTHÜ 10:16 Iomraidhean Croise

KAHBHAO 6:6

Kahdoknyülei büpai hangku lingei tuhpü nangkü Shembüpa mongshang, hatü büpalei mong kü tüngteke.

2 ONGPATHÜ 13:23

Shejao Shembüpai jom kü phahjiei deih; mehenangkü büpai Abraham, Isak hatü Jakob mü vangteishuwteipü nangkü jom kü yahyang shinshang hu. Shinnyih thahshi büpai jom nemahtük nevaijü büpa toueipü nechangtük.

2 SHÜPPÜKENGPÜ 15:8

Mechem Asa-i Odedlei cheha Azariah thibüi tetpü hathü shah danpa, büpa mongyangei deih. Büpai jiühitnalaipü lajeithü Judah hatü Benjamin kahdok hatü büpai neüei yahpü Ephraim shangchingthü kübü yaktükkem. Büpai phopshem shemshom chingshelei nyupü Shembüpalei moidü leiyei ling.

2 SHÜPPÜKENGPÜ 33:15

Büpai Shembüpalei shem leipü kung amei kahvangthü hatü lajeithü yaktük, hatü phopshem shangching hatü Jerusalemei büpai lingpü moidü peü chingnyü haolei yah-ei daiyei yaktük.

2 SHÜPPÜKENGPÜ 7:14

ngelei men kü nyükpü ngelei nanglakthüi maanpü leiyei phopei ngelei dhe yemjema, hatü nemeipü lem kübü mong lepjema, ngei vangsho leipü ha danei jomei mang tükhen hatü jomei kahdok meihühen.

MENVIH KESHO 73:21

Mechem ngelei laangha shahyaki deihpa, hatü mongkü ketei deihpa,

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

JEREMIAH 31:20

“Ephraimü ngei bampü ha, ngei monghahpü hapeü nevaipü je? Ngei büpa khüei ejao shaang thahshi ngei büpa deihnyeih. Hanangkü büpa kü ngei mong kü nemei-i deihnyeih. Ngei hingmei büpa küphahji huhen” shei Shembüpai enyüke.

HOSEA 11:8

“Ephraim, mekei etü ngei nüng tuhphongaokhen? Oh Israel, mekei etü ngei nüng yakphongaokhen? Ngei Admah am kü dükshuohpü keiha ngei mekei etü am kü dükhen? Zeboiim am kü nopükei mekei etü ngei am kü nohen? Ngelei mongi ha nedükhükahen, ngei am kü ahshi-üng bamnyüpeih.

HOSEA 14:8

Oh Ephraim, lajeithü mü ngei mehe linghen? Am kü jangpü hatü jungpeyü ngei hih. Düngei phenlak thüngshingi nyupü awkaongpü leshi ngeiyü nyüpeih; Am hinglempü ngei kübü vamnyüpeih.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

LUK SHAHSHA APPÜ 15:20

Hanangkü büpa layaongei chepa touei lei. Shejao büpa tailei nyushi-üng chepai büpa eeyei shinshangei deih, hatü büpa mokei heih-ei büpa kü khaaitü ju kü jüp.

LUK SHAHSHA APPÜ 19:41

Büpai Jerusalem ngoijü chingnyü eeyei ha nangkü thep,

JOHAN 11:34

Büpai, “Ammi büpa melei vüpa?” shei phe. Jomi büpa kü, “Shembüpa, peiyei veituh” shei e.

EPHESIA 4:32

Am hüki hük mü bamteituh, hatü bamtei-aungtei mongdang jüktuh, hatü Khrista kü Kahvangi ammei mang tükpükei hüki hükei mang tükteituh.

SHAHKÜP 32:36

Shembüpai laophülei nanglak dah shakhühen, Mechem jom wong kemhen, aa nevaijü bümei hükao ne-aoi wong kemdaipü büpai eehenshang, Shembüpai laophülei nanglak kü phahjihen.

HEBREW 3:10

Hanangkü ngei hapa hühihathü kü mongshihpeih, hatü ‘Jomei mongdang düngei lemnyong kü dainyüke, hatü jomi ngelei lemthü nenying’ shei ngei epeih.

HEBREW 4:15

Jen wong nekohpü kü phahjiyei neaokhen mü jenei ngongchong neshiüpih, shejao jenphong kü keiha shejao mang neshiüi lemphü kü dokpü pongtükpü ngongchong hük nyüpeih.

JOSHUA 24:23

Joshua-i, “Shejema shaangüng am toueipü kung amei kahvangthü yaktüktuh, hatü Shembüpa, Israel amei Kahvang kü ammei mongdang shuohtuh” shei e.

SHAHPHENBÜTHÜ 2:18

Mechem Shembüpai jom shing shahphenbüthü jeyei ngaipa, Shembüpa shahphenbüthü mü nyu, hatü shahphenbüthü yemmü nyupü thahshi büpai jom vepathülei lak kübü yang; mehenangkü Shembüpai jom mih phangkü shüveidoidei hatü hanghi ponghahpü kü shinshangei deih.

1 SAMUEL 12:10

Hahepak kü jomi Shembüpa kü, “Hami mang thahteke; mehenangkü hami Shembüpa yakphongtü Baal, hatü Astartes kahvangthü chongphoteke. Shejao shaang nüngi ham vepathülei lak kübü yangshih, hatü hami nüng chongphohen.

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.

1 SAMUEL 7:4

Hanangkü Israel ami Baal, hatü Astartes kahvangthü yaktük, hatü Shembüpa mon chongpho.