SHAHPHENBÜTHÜ 10:13 - DAÜLANGPÜ LAIHING (BSI)

¹³ Shejao ammi ngei yakphongtü lebü kahvangthü chongphopü nangkü ngei hajük kü amphong neyangpih.

SHAHPHENBÜTHÜ 10:13 Iomraidhean Croise

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

2 SHÜPPÜKENGPÜ 12:5

Hahepak kü Shemaiah thibüi Rehoboam hatü Judah am lakchongbüthü kü Shishak peipü nangkü Jerusalemei thaiyei nyushingkü jomphong kü, “Shembüpai hapakei enyüke: Nüngi ngei tuhphongpü nangkü ngeiyao nüng Shishakei lakei tuhphongpeih” shei e.

2 SHÜPPÜKENGPÜ 15:2

Büpai Asa mü pongteinüng heih-ei, “Ngei epü banghümao, Asa, Judah hatü Benjamin am peü. Am Shembüpa mü nyupü thahshi büpayao am mü nyüke. Ammi büpa yemjema, ammi büpa danghen, shejao ammi büpa yaktükjema, büpaiyao am yaktükhen.

2 SHÜPPÜKENGPÜ 21:10

Hapa nyih kübü Edom ami Judah khüei yaongpeih. Hahepak kü-üng Libnah amao khüei yaong; mehenangkü Jehorami chebü chepalei Shembüpa Kahvang yakphong.

JEREMIAH 2:13

Mehenangkü ngelei nanglakthüi mang nyi thahteke; jomi vanyangyem yunglok, ngei yakphongteke, hatü yung ne-iihen yungkuk kukteke.

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

JONAH 2:8

Üami angsha lajeithü khümnya, jomi nüng kü vaipü yaktükteke.

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

SHAHPHENBÜTHÜ 10:14

Daiyei ammi jehahpü kahvangthü kü nyükeishuoh; am ponghahpü nyih jomi am nyemyangpha” shei e.

SHAHPHENBÜTHÜ 2:12

Jomi Shembüpa, üpai jom Ijip leipü müei leipa, hapa Kahvang betük; jom ngeih-ei shonei nyupü shennyakthülei kahvangthü phei mü hatü khüm, hatü jomi Shembüpa mongshih vamhü.

SHAHPHENBÜTHÜ 2:19

Shejao mechem shahphenbüthü didaikempa, jomi lebü kahvangthü phei müei hathü kü khümei jomei bühipa mao nemeipüba lemnyong kü kam, hatü nemeipü lem, douten yakphonghen jomi nemong.