SHAHPHENBÜTHÜ 1:19 - DAÜLANGPÜ LAIHING (BSI)

¹⁹ Shembüpa, Judah am mü nyu, hatü phaüshang kahmükthü yahteke, shejao kahjilei nyupü shennyakthü nechangtükaok; mehenangkü jomei lakei nyiam shihtükpü vehok koyeithü nyuteke.

SHAHPHENBÜTHÜ 1:19 Iomraidhean Croise

KAHBHAO 39:2

Shembüpa Joseph mü nyu, hatü lemphü aokpü shennyak lei; büpa Ijip am büpalei shembü amei shemei nyu.

KAHBHAO 39:21

Shejao Shembüpa Joseph mü nyu, hatü büpa bampü hu; büpai khoklat yompü veshan longpübai büpa kü bamhen peihü.

2 SAMUEL 5:10

David anyei anyei wong kohpüba lei; mehenangkü Shembüpa Jeiyong Kahvang büpa mü nyu.

2 ONGPATHÜ 18:7

Shembüpa büpa mü nyu; büpai dükpü lemphü kü aokpü dang. Büpai Assyria ongpa khüei yaong, hatü büpai büpa chongnepho.

MENVIH KESHO 46:11

Jeiyong Shembüpa jen mü nyüke; Jakob Kahvangü jenei penyüsha.

MENVIH KESHO 46:7

Jeiyong Shembüpa jen mü nyüpeih; Jakob Kahvangü jenei penyüsha.

MENVIH KESHO 46:9

Büpai kahdoknyü dohpü thahshi vehok dohtükhünyeih; büpai lahhilaong bhagtüknyeih, phunghilang mangtüknyeih, hatü inyüshungthü aw kü jaktüknyeih.

MENVIH KESHO 60:12

Kahvang mü ham aokpü danghen, hatü büpai hamei vepathü shouptükhen.”

CHONGVENBÜ 9:11

Vanghenyü phangkü ngei lemhük eetepih: Mokteipeyü la shangpü am shing mon nevai, nevaijü vehokü wong kohpü am shing mon nevai; hahyingü kon kohpü am shing mon nevai; mophimo-ü nahpü am shing mon nevai, bampeyü lahhinpü am shing mon nevai, shejao hepak hatü lashüh-i jom peü kü jiühünyeih.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

ISAIAH 8:10

Küpjanthü lingtuh shejao aokpü nedangpih; aokpüshük shah shükteituh, shejao yahlak neshiü; mehenangkü Kahvang jen mü nyüke.

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

PHILIPPI 4:13

Ngei wong kohhüpüba homei ngei dou peü dükaokhen.

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

JOSHUA 14:12

Hanangkü ha nyih Shembüpai ngei kü lahpü hapa phaüshang kahmük ngei kü yahshih. Anakim am halei nyuhampeih hatü jomei chingnyüthüyü longshi hatü penyü showtüktü nyuhampeih shei hahepak kü nüngiyao danphei; Shembüpai epü keiha ngei mü büpa nyukahen hatü ngei jom changtükhen” shei e.

JOSHUA 6:27

Hanangkü Shembüpa Joshua mü nyu, hatü büpalei men kahdoknyü peü lemei yaüei daiteke.

JOSHUA 7:12

Hanangkü Israel ami vepathü khüei neyangaoki nyemei nyaipü khih; hanangkü jomphongao mahhen shangteke. Ngei teyah shei epü dou amphongi nemangtükpü thahshi ngei am mü nenyuküpih!

SHAHPHENBÜTHÜ 1:2

“Judah am shong daituh; ngei jomei lak kü hapa kahdok shuohtüktih” shei Shembüpai eteke.

SHAHPHENBÜTHÜ 4:13

Sisera-i nyiam khari kho shü hatü büpa mü nyupü veshanthü peü nyükei Harosheth-Haggoyim kübü Kishon yungyen thahshi shom.

SHAHPHENBÜTHÜ 4:3

Mehenangkü Jabinü nyiam khari kho shü angteke, hatü büpai Israel nanglakthü shangkü longi mangshi hatü nemei-i vangbong kukha thahshi vanglem lem. Hahepak kü Israel ami Shembüpa kü sheühshih shei len.

1 SAMUEL 18:12

Saulü David kü nyem, mehenangkü Shembüpa David mü nyu, shejao Saul kübü yandai.

1 SAMUEL 18:14

Büpai dükpü lemphüli kü aokpü dang mehenangkü Shembüpa büpa mü nyu.

1 SAMUEL 18:5

Sauli David melemei shomhenshang lemphüli aokpü dangei mon leijapü nangkü Sauli büpa veshanthü shak kü mübü vaihü. Hapakei dükpü nangkü nanglakthü hatü Saulei lakchongbüthü peüi mongongei deih.