SHAHKÜP 9:5 - DAÜLANGPÜ LAIHING (BSI)

⁵ Hapayü am changpüshapü hatü daülangpü kü hapa kahdok am kü shuohnyu nevai, shejao ha jatthüi mang thahpü nangkü, hatü ammei bühipa Abraham, Isak hatü Jakob hathü kü lahpü jiühühen nangkü Shembüpa, ammei Kahvangi jom changtükpeih.

SHAHKÜP 9:5 Iomraidhean Croise

KAHBHAO 12:7

Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

KAHBHAO 13:15

Nüngi eepü kahdok kemei ngei nüng hatü nüngei lihilathü kü den shing shuohhen.

KAHBHAO 15:16

Den alipabü kü nüngei hühihathü hatouei nyokei leihen; mehenangkü Amor amei mang shao-üng maei mangaong” shei e.

KAHBHAO 15:7

Hapheikü büpai büpa kü, “Ngeiyü nüng kü hapa kahdok shuohhen shingvaishi Babylonia kahmük Ur leipü nüng müei daipü Shembüpa” shei e.

KAHBHAO 17:8

Kanan kahdok kempü, melei nüng shaang benha kei nyunya, hayü ngei nüng hatü nüng phei kübü nüngei hühihathü kü den shing vangei shuohhen, hatü ngei jomei Kahvang vaihen” shei e.

KAHBHAO 19:29

Shejao mechem Shembüpai Lot nyupü kahji leipü chingnyü nyi mahtükpa, büpai Abraham deihpü nangkü Lot müei yanglem yemei deilang.

KAHBHAO 26:4

Ngei nüngei hapeüthü vangsho lithathü kei leihühen, hatü nüngei hühihathü kü hapa kahdok kemei shuohhen, hatü nüngei hühihathü homei kahdoknyü jatthü peü moihiman danghen.

KAHBHAO 28:13

Hatoumü Shembüpai büpa touei yaongtü, “Ngeiyü Shembüpa, ambü Abrahamei Kahvang, hatü Isak Kahvang; nüng lempü kahdokü ngei nüng hatü nüngei lihilathü kü shuohhen;

MÜLANGPÜ 32:13

Nüng chongphopü Abraham, Isak hatü Jakob hathü kü mekei nüngi lah-ei, ‘Ngei ammei hühihathü vangsho lithilen kei dahühen, hatü ngei lahpü kahdok peü ammei hühihathü kü shuohhen hatü jomi denden kü hapa jomei mükjüp vaihen shei epü deih-ei dangtuh’ ” shei eteke.

EZEKIEL 20:14

Shejao ngei ngelei men kü, jatthü eeshi ngelei men netenhen shingvaishi, jomi eeshi ngei Israel am müei lüdaipü nangkü ngei ha nedükpeih.

EZEKIEL 36:22

Hanangkü Shembüpa Kahvangi Israel phang kü hapakei enyüke shei etuh: Hapayü ammei men kü nevai, Oh Israel phang, shejao ammi daipü jatthü touei ne-ienelemi yaktükpü ngelei daülangpü men kü ngei ha dükhen.

EZEKIEL 36:32

Hayü ammei men kü düknyu nevai shei ammi nyingtuh shei Shembüpa Kahvangi enyüke. Ammei doutenthü deih-ei veüei, mongmangei deihtuh, Oh Israel phang.

LEVI 18:24

Henüng keipü dou homei am nyingi nedaünelangi telei; mehenangkü henüng homei ngei am shekü changtükpü jatthü nedaünelangi leipeih.

LEVI 18:25

Jomei douteni kahdokao nedaüi leihüpeih; hanangkü ngei jomei mang nangkü ngei jom kü hanghi shuohpeih, hatü kahdoki halei nyupüthü bhaitükpeih.

MIKA 7:20

Nüngi aivang den mü hamei bühipathü kü lahpü keiha, nüngi Jakob kü shahhing dükhen, hatü Abraham kü phahji yahyang huhen.”

PHONGSHANTHÜ DOU 3:25

Amphongü thibüthülei hühihathü hatü Kahvangi ambü Abraham mü, ‘Nüngei lihilathü kü kahdoknyü jat peüi moihimanhen danghen’ shei vangei epeih.”

ROM SHAHSHA APPÜ 11:28

Shahjangmei nangkü ammei men kü jomphongü Kahvangei vepathü, shejao jepü philei jomü chebü chepalei men kü bampüthü;

ROM SHAHSHA APPÜ 15:8

Bühipathü kü lahpüthü büpai jiühühen nangkü Kahvangei shahhing men kü Khristayü japtükpüthülei chongphobü leipeih shei ngei am kü enyeih,

SHAHKÜP 1:8

Veituh, hapa kahdokü ngei am kü shuohtepih. Ammei bühipa Abraham, Isak hatü Jakob hatü jomei hühihathü kü Shembüpai shuohhen shei lahpü kahdokei shüei hapa yahtuh’ ” shei eteke.

SHAHKÜP 12:31

Ammi Shembüpa, ammei Kahvang kü jomei vanglem aimü tekhüm; mehenangkü jomi jomei kahvang kü khümshingkü Shembüpai jiühitbenüng doulem kemei düknyüke. Jomi laophülei hapeüthü jüei jomei kahvang kü moila shuohnyüke.

SHAHKÜP 18:12

Üpai hathü dou düknya, hapayü Shembüpa tou mü jiühitbenüng nyüke, hatü hathü jiühitbenüng dou dükpü nangkü Shembüpa, ammei Kahvangi hathü jatthü am toueipü changtükhen.

SHAHKÜP 18:9

Mechem Shembüpa, ammei Kahvangi am kü shuohpü kahdokei shühenshang, haleipü jatthüi dükteipü jiühitnalaipü douthü tenyuhtei.

SHAHKÜP 20:18

Hei nevaijema, jomi jomei kahvangthü kü khümshing kü dükteipü jiühitbenüng douthü kemei am kü nyuhphahen, hatü ammi Shembüpa, ammei Kahvang khüei mang thahhen.

TITUS 3:5

büpai jen yangpeih. Hapayü jeni daülangpü dou dükpü nangkü nevai, shejao hapayü büpalei phahji shangshi Laangha Daülangpai jen ja bühpü kü daütüktü jen ja leihüei yangpeih.