SHAHKÜP 8:2 - DAÜLANGPÜ LAIHING (BSI)

² Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

SHAHKÜP 8:2 Iomraidhean Croise

KAHBHAO 22:1

Kanja angpheikü Kahvangi Abraham kü dok. Büpai Abraham kü, “Abraham” shei nyük, hatü büpai, “Ngei hammü nyüpeih” shei e.

2 SHÜPPÜKENGPÜ 32:31

Shejao mechem Babylon am vanglem lempüthüi kahdok kü mehe mehe yashanshi nyangeihepü vampü jung phehen shompa, Kahvangi büpa kü dokhen hatü büpalei mongei deihpü lemphü nyinghen nangkü büpa mon tuhphong.

2 SHÜPPÜKENGPÜ 33:12

Büpa shanghahpü nangkü büpai Shembüpa büpalei Kahvangei dhe yem, hatü chebü chepalei Kahvang touei longi maanpü lei.

2 SHÜPPÜKENGPÜ 33:19

Büpai phoppü, hatü mekei Kahvangi büpai phoppü yahpa, büpalei mang peü hatü büpa hingnelempü, hatü büpa mong lep shekü vaümchongthü hatü Asherah nyüha kahvangei lajeithü hatü lebü lajeithü lingei tuhpa, hathü kemei thibüthülei laitap kü nyangei nyüke.

NEHEMIAH 9:19

shejao nüngei phahji longpai nüngei hapeüthü jahpanei netuhphong; nyihnüng jom daipü lem kü müpü phum shemnyü nedohdai, nevaijü yanüng jom dailem kü khangpü aw shemnyü neyahlang.

JOB SHAHSHA APPÜ 33:17

büpai hayü hangkuthüi laophülei mang lem kübü hatü changmeipü kübü yanhen;

MENVIH KESHO 103:2

Shembüpa kü moihimantuh, Oh ngelei laangha, hatü büpai shuohpü nangleithü tebetük.

MENVIH KESHO 106:7

Hamei bühipa Ijiplei nyushi nüngei thamapü douthü deih-ei nedang; nüngi bampü changshi nyupü jomi nedeih; shejao Hakla Yungchingei Jaipüba khüei yaongpeih.

MENVIH KESHO 136:16

büpai jahpan homei laophülei nanglak mülangpeih, büpa bampü den kü nyunyeih;

MENVIH KESHO 77:11

Shembüpalei douthü ngei deih-ei danghen; Peihdaipü hepak kü nüngi dükpü thamapü douthü deih-ei danghen.

MENVIH KESHO 81:7

Shanghah shingkü nüngi nyük, hatü ngei nüng yangpeih. Ngei vangmuk joshing kübü nüng kü jangpeih; ngei Meribah yungei nüng kü dokpeih.

MÜLANGPÜ 15:25

Mosai Shembüpa kü phop, hatü Shembüpai büpa kü pü shohük hushuohteke; büpai hapa yung kü shük, hatü hapa yung vüngnyangi lei. Hamü Shembüpai jom nyuhen chonghen shahkungnyü shuoh, hatü hamü büpai jom kü dokteke.

MÜLANGPÜ 16:35

Israel ami vangbong pinyi thahshi jom nyuhen kahdok, Kanan viong mangngoi thahshi manna hahteke.

MÜLANGPÜ 16:4

Hahepak kü Shembüpai Mosa kü, “Ngei am shingvaishi vangsho leipü hahying vang keipükei shomphahen, nyihjeih nanglakthüi daiyei laophü shingvaishi changshi homei leituh. Ngei epü kü jomi mü-ülashangkü hapakei ngei jom kü dokhen.

MÜLANGPÜ 20:20

Mosai nanglakthü kü, “Am tenyem, Kahvangi am dokhen shingvaishi mon yüpü khih, hajü mon ammi büpalei ven bangei nyuhen hatü mang nethahhen” shei eteke.

KANDOK 17:3

Hon hi nginü awi doknyüpeih, shejao mongdangü Shembüpai doknyüpeih.

ISAIAH 2:17

Shennyakthü bhongeingampü dohtükhen, hatü hangku changmeipü bhih-ei maantükhen. Hapa nyih Shembüpa mon longei anshihhen.

JEREMIAH 2:6

Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

EZEKIEL 20:19

Ngeiyü Shembüpa, ammei Kahvang; ngelei shahkungthü phei mütuh, hatü ngelei vanglemthü noteihen kenhingtuh,

AMOS 2:10

Ngei am Ijip kahdok leipü müei leipeih; vangbong pinyi jahpanei am müpeih, hatü Amor amei kahdok am kü shuohpeih.

BHEI-IE 14:33

Ammei hühihathü vangbong pinyi thahshi jahpanei longteihen, amphong khongkü shoumpü shennyak mangdi thahshi amphongü mang lat shangponghen.

LUK SHAHSHA APPÜ 18:14

Ngei am kü enyeih, lebü leimeyü hapa shennyakang dahshakei shemei leidai; mehenangkü üami laophü nyingi longpü leinya maanpü leihen, shejao üami laophü nyingi maanpü leihen, longpü vaihen.

JOHAN 2:25

hatü büpa shingvaishi shennyak hük shing shennyak hük leipü denpü nadang neshiü; mehenangkü shennyak peü kü mehe nyu, ha büpai nyingdaikem.

SHAHKÜP 1:3

Jom Ijip tuhtü daipü vangbong pinyi mü len anpühükpabü shongpü nyih kü Shembüpai Israel am nang mehe Mosa kü eshuohpa, ha büpai jomphong kü eshuohteke.

SHAHKÜP 1:33

Büpai düngei am kü yanüng aw shemnyüi hatü nyihnüng phum shemnyüi am metouei baümtap veyei nyuhen, hatü am dailem huei shehong lemei mülangmao ammi büpa kü hingnelem.

SHAHKÜP 13:3

ammi hapa keipü thibü nevaijü mangh tetpüthülei shah kü hingtelem. Shembüpa, ammei Kahvang kü ammei mongdang kempai hatü ammei laangha kempai büpa kü bamnyüla shei nyinghen shingvaishi dokpü mon nyüke.

SHAHKÜP 2:7

Shembüpa, ammei Kahvangi ammi dükpü lemphüli kü moihimanteke. Mangpü jahpan homei daipü lemyang kemei kü büpai am kü jungteke. Vangbong pinyi thahshi Shembüpa, ammei Kahvang am mü nyu, hatü ammi napü lemphü dangteke.

SHAHKÜP 29:5

Bong pinyi thahshi Shembüpai am jahpanei müteke, shejao ammei ashakviha, hatü lathuh chang neleidai.

SHAHKÜP 32:7

Peihdaipü nyihthü deihhahhümao, tendaipü denhivan leyei peihahhümao. Ammei pathü kü phehümao hatü jomi ephahen, behethü kü phehümao, hatü jomi nihphahen.

SHAHKÜP 7:18

Shejao jom kü tenyem; Shembüpa, ammei Kahvangi Ijip ongpa Pharaoh hatü nanglakthü kü mehe dükshuohpa ha meishi deihhahtuh.

SHAHKÜP 8:16

Jahpanei büpai am kü ambü ampai mechemao nehahpü manna hahhen shuohpeih. Pheilei am kü moihimanphahen shingvaishi büpai am kü shanghah shomei dokpeih.

JAKOB 1:3

mehenangkü am hinglempü kü dokpai nenteiaokpü vamnyeih shei ammi nying;

JAKOB 4:10

Shembüpa touei am nyingi maanpü leituh, hatü büpai am longei anshihhen.

JAKOB 4:6

Shejao büpai phahji nyeinya shuohnyeih; hanangkü Laihingi enyüke: “Kahvangi changmeipüthü khünyeih, shejao nenteiaokpüthü kü phahji shuohnyeih.”

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

SHAHPHENBÜTHÜ 2:22

Chebü chepa kei ngelei lem kü nemühen hi mühenshang dokhen shingvaishi ngei hathü noteihen” shei eteke.

SHAHPHENBÜTHÜ 3:4

Jomü Mosa homei chebü chepa kü Shembüpai shuohpü shahkungthü nebanghen hi banghen shei nyinghen shingvaishi doknüng tuh.