SHAHKÜP 8:17 - DAÜLANGPÜ LAIHING (BSI)

¹⁷ Am nyingi, “Hamei wongi ham shemmei leipeih” shei ehen aok.

SHAHKÜP 8:17 Iomraidhean Croise

JOB SHAHSHA APPÜ 31:25

ngei mop longi angpü nangkü hatü ngelei laki longi latei leiaokpü nangkü mongongei;

MENVIH KESHO 44:3

Jomei yani hapa kahdok neüpü nevai, nevaijü jomei laki aokpü nevai, shejao nüngei lakdah-i, hatü nüngei müknyinshekhang vangngai-i aokpeih; mehenangkü nüngi jom kü monghahpeih.

CHONGVENBÜ 3:6

yemhen hepak hük, hatü mahtükhen hepak hük; jaoei tuhhen hepak hük, hatü yaktükhen hepak hük;

CHONGVENBÜ 9:11

Vanghenyü phangkü ngei lemhük eetepih: Mokteipeyü la shangpü am shing mon nevai, nevaijü vehokü wong kohpü am shing mon nevai; hahyingü kon kohpü am shing mon nevai; mophimo-ü nahpü am shing mon nevai, bampeyü lahhinpü am shing mon nevai, shejao hepak hatü lashüh-i jom peü kü jiühünyeih.

JEREMIAH 9:22

Shembüpai hapakei enyüke shei etuh! “Hangku mahngü chingyangshongei nühinam shüngpükei nyuhen, hah vetpü am pheikü manang yaüpükei nyuhen, hatü hathü üpaiyao nejunghen.”

EZEKIEL 28:5

Bhei leihpü kü nüngei kon longpü homei nüngi nüngei mop dateke, hatü nüngei mongdangi nüngei mop eeyei changmeiyei leidaiteke.

DANIEL 4:27

Hanangkü, Oh Ongpa, nüngi ngei epü yahtuh. Mang dou dükpü dohtuh, jiüpü düktuh, hatü nehahneyingpü taopathü kü yahyang shinshang hutuh. Shejüang nüng nedoh-i angeideiyei nyuhen.”

DANIEL 4:30

büpai ehahteke, “Veituh, ngei müknyinshekhanghen shingvaishi ngelei wongi lingpü nyangnyangtoptoppü ong chingnyü meshük longpüang?”

HOSEA 12:8

Ephraim ami changmeiyei, “Oh hamü shemmei, nükhinyiam longi nyüpeih. Hami shahhing ne-epü mophimo dangpeih; üpaiyao ham kü eelahen mang nedangpih” shei enyüke.

HABAKKUK 1:16

Hanangkü büpai büpalei shang kü jakpü moila shuohnyüke, hatü büpalei shuwha kü ayingshü jakei khümnyüke; mehenangkü hathü homei jomei shünyü latei nyunyüke, hatü hetmei dangnyüke.

1 KORINT 4:7

Mih mü hayaoha kei am üpai lingpa? Ammi nedangpü kü angpü üpa nyüpa? Hatü ammi ha dangjü thintho hük nevaipü keiha mehekei ammi changmeinya?

SHAHKÜP 7:17

Hathü jat ham mü wong kohpüba nyüke hatü hami jom mekei etü changtükaokhen shei ammi ehen aok.

SHAHKÜP 9:4

Shembüpa, ammei Kahvangi am shekü jom changtükpheikü am nyingi, “Ham changpüshapü nangkü hapa kahdok yahhen Shembüpai ham müei leipeih” shei te-e. Hapakei nevai. Am shekü Shembüpai jom changtükpeyü jomei mang nangkü nyüke.

SHAHPHENBÜTHÜ 7:2

Shembüpai Gideon kü, “Midian am neühen shingvaishi nüng mü nyupü veshanthüyü ngei keyü ahshi ahteke; jomphongi jomei wongi neüpeih shei deihhen hatü ngei kü dhüm neshuohhen.

1 SAMUEL 2:7

Shembüpai taohünyeih, hatü anghünyeih; Büpai maanpü leihünyeih hatü longei anshihnyeih.

1 SAMUEL 30:23

Shejao Davidi, “Jeihinaüthü, Shembüpai mehe shuoh hapa kü jeni hapakei nedükpih. Jen khüei peipü vepathü kübü büpai jen yangtü jenei lak kü jom shuohpeih.