SHAHKÜP 7:9 - DAÜLANGPÜ LAIHING (BSI)

⁹ Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

SHAHKÜP 7:9 Iomraidhean Croise

KAHBHAO 17:7

Ji aa kü hatü nüngei hühihathü ngoikahen denshem peü kü ngei nüngei Kahvang hatü nüng pheilei nüngei hühihathü kü jomei Kahvang vaihen ngei nüng mü vangteipeyü nedohnetenpü vangpüshuwpü leihühen.

KAHBHAO 28:15

Ngei nüng mü nyuhen, hatü nüng melei daihen, ngei nüng yomhen, hatü ngei hapa kahdokei nüng müei leihen. Ngei nüng kü lahpü mangdük thahshi ngei nüng netuhphongpih” shei e.

KAHBHAO 9:15

ngei hatü nüng hatü nüng mü nyupü yem nyupü peü mü ngelei vangpüshuwpü ngei deih-ei danghen. Hajük kü bünghiyangi yem nyupü nemahhühen.

1 ONGPATHÜ 8:23

büpai, “Oh Shembüpa, Israel Kahvang, kahdok hatü vangsho kü nüng keipü Kahvang neshiü! Mechem nanglakthüi mong kempai nüngei ven danei kamhenshang, nüngi jom mü vangteishuwteipü jiüshi düknyüke hatü nüngi bampü hunyüke.

1 SHÜPPÜKENGPÜ 16:15

Büpai vangpüshuwpü düngei deihnyüpeih, büpai epü shahthü denshem haja haja deihnyüpeih,

2 SHÜPPÜKENGPÜ 6:14

“Oh Shembüpa, Israel Kahvang, nüngei chongphobü üami nüng mü mongdang kempai kamnya, hathü kü bampai nüngi lahpü düknyüke.

NEHEMIAH 1:5

Hahepak kü ngei, “Oh Shembüpa, vangpüshuwpü jiüshangi nopü hatü üami nüng kü bam hatü nüngei shahkung jiüshi düknya, hathü kü bampü hupü longpü hatü nyempühanpü vangsho Kahvang;

NEHEMIAH 9:32

Hanangkü shaang, Oh hamei Kahvang, longpü wong kohpü hatü nyempühanpü Kahvang, nüngi bampü, vangpüshuwpü jiüshi düknyeih; ham kü, hamei ongthü, ngongpathü, thibüthü, bühipathü hatü nanglakthü kü Assyria am ongthülei hepak kübü shinnyih thahshi peipü shanghahthü kü nüngi shangkhah-i tedeih.

MENVIH KESHO 103:18

büpalei vangpüshuwpü noteipüthü, hatü büpalei shahkungthü dükhen deihpüthü shing nyüke.

MENVIH KESHO 105:8

Büpalei vangpüshuwpü büpai düngei deihshi nyüke, büpai etükpü shahthü denshem haja thahshi deihshi nyüke.

MENVIH KESHO 119:75

Nüngi shahphenpeyü jiüpü khih shei ngei nyingnyüke, Oh Shembüpa; hatü nüng shahhing epai ngei kü hanghi shuohpeih.

MENVIH KESHO 146:6

Büpai vangsho hatü kahdok, yungching hatü haleipü lemphü lingpeih; büpa den kü shahhing nyunyeih.

MENVIH KESHO 36:6

Nüng daülangshemshepeyü kahshang longpü keiha, nüngei shahhingü yungching ilangmong kei nyüke. Oh Shembüpa, nüngi hangku, hatü yemhimak kü jungnyeih.

MÜLANGPÜ 20:6

shejao ngei kü bampü hatü ngelei shahkungnyü ven bangpüthü kü denshem haja haja ngei bampü hunyüpeih.

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

JEREMIAH 32:18

Nüngi haja longi kü bamnyeih, shejao nyühipalei mang nangkü jomei hapeüthü kü nüngi hanghi shuohnyeih, Oh longpü hatü wong kohpü Kahvang, nüngei menü Jeiyong Shembüpa,

YOUNG LAI 3:23

Jomphongü nepjeih ja kei khanha; nüng monglempü longpü nyüke.

DANIEL 9:4

Ngei, Shembüpa ngelei Kahvang kü phopei hatü mang lahteke: “Oh Shembüpa, longpü hatü nyempühanpü Kahvang. Üami nüng kü bamnya hatü nüngei shahkungnyü ven bangnya, nüngi hathü kü vangpüshuwpü hatü bampü nedoh-i nyunyüke;

BHEI-IE 14:18

“Shembüpayü mongshih anpü youngmü, hatü bampü kü bhashahshi. Mang hatü pungpüshaipü mang tüknyeih. Shejao büpai nemeipüthü kü hanghi neshuoh-i netuhphongnyih. Bühipai thahpü mang nangkü hühiha den jem den ali thahshi büpai hanghihünyeih.”

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

1 KORINT 1:9

Kahvangü shahhing; büpai laophülei Ha Jisu Khrista jenei Shembüpa mü mongjemhühen am kü nyükpeih.

1 KORINT 10:3

hatü peüi aihük laangha hahying hah,

1 KORINT 8:3

shejao üpai Kahvang kü bamnya, Kahvangi büpa nyingnyeih.

2 KORINT 1:18

Shejao Kahvangü shahhing vaipü nangkü am touei hamei shah-ü, “Hih hatü nevai” shei ne-e.

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

SHAHKÜP 4:35

Shembüpayü Kahvang; büpa kei lebü üpayao neshiü shei am kü nyinghühen shingvaishi Shembüpai am kü hapa hupeih.

SHAHKÜP 4:39

Kahdok hatü vangsho kü Shembüpayü Kahvang; büpa kei lebü neshiü shei shinnyih ammei mongkü nebetüki tuhtuh, hatü nyingtuh.

SHAHKÜP 5:10

shejao üami ngei kü bam, hatü ngei epü bangnya, jom kü denshem haja haja ngei bampü hunyüpeih.

1 THESALONIKA 5:24

Üpai am kü nyük, büpayü shahhing hatü büpai ha dükhen.

2 THESALONIKA 3:3

Shejao Shembüpayü hingshangpü, hatü büpai am wong kohhühen, hatü ten kübü yangphahen.

2 TIMOTI 2:13

jeni hinglempü nenyujema, büpa shahhing kü nyuhen; mehenangkü büpai laophü-üng laophü yaktüknüng neaok.”

TITUS 1:2

shahshem ne-epü Kahvangi denshemthü mangpangi lahpü nedohnetenpü yangnyuyem kü monglempü kü,

HEBREW 10:23

Jeni lahpü monglem kü nejü-üi wongshongi shongshah; mehenangkü üpai ha lah, büpayü shahhing,

HEBREW 11:11

Hinglempai büpa viüdaijao hatü Sarah nyülan leidaijao hapeü anghen wong dang; mehenangkü hapa lahpü jiühühen büpai Kahvang kü hinglem.

HEBREW 6:18

Mechemao nejeileaokpü doulem nyi nyüke. Mechem Kahvangi lemhük ehen, büpai shahshem ne-enyih, hatü mechem büpai lahhen shahshemi nelahnyih. Hanangkü jen üami büpa touei dhümloi dang, jen touei temei nyupü monglem kü wongshongi shonghen shingvaishi hapai jen kü wong hatü nyiushemmei shuohnyeih.

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

1 JOHAN 1:9

Jeni jenei mangthü lahjema, jenei mang peü tükphahen hatü nedaüpü lemphü kübü daüphahen büpayü monglemaokpü hatü shahhing nyüke.

SHAHPHENBÜTHÜ 2:1

Shaang Shembüpalei phongshan Gilgal kübü Bokhimei aong, hatü Israel am kü, “Ngei am Ijip leipü müei daiyei ngei ammei bühipathü kü lahpü kahdokei peipeih. ‘Ngei am mü vangpüshuwpü nemangpih’ shei etepih.

SHAHPHENBÜTHÜ 5:31

Hanangkü nüngei vepathü hapakei mahkemhen, Oh Ongpa! Shejao nüng kü bampüthü vanghenyü keiha nyahen! Hatü kahdok kü bong pinyi thahshi chingmeivangmei nyu.”