SHAHKÜP 7:6 - DAÜLANGPÜ LAIHING (BSI)

⁶ Mehenangkü amphongü Shembüpa, ammei Kahvang touei daülangpü nanglakthü nyüke. Shembüpa, ammei Kahvangi kahdok shak kü nyupü hangkuli peü mü amphongü büpalei lompü hayaoha nanglak vaihen jelangpeih.

SHAHKÜP 7:6 Iomraidhean Croise

1 ONGPATHÜ 3:8

Nüngei chongphobü nüngi jepü nanglakthü, ienüng neaoki longi nyupü khongkü nyüpeih.

EZRA 9:2

Mehenangkü jomi ha amei yiükhathü laophülei nyüha vaihen hatü hapeüthü shing yiük yahteke. Hapa keiha daülangpü li jom kü shonei nyupü nanglakthü mü vukdaiteke, hatü hapa hingnelempü dousho kü mübüthü hatü lakchongbüthüi mütü huluh shuohnyüke shei eteke.

MENVIH KESHO 114:2

Judah amü Kahvangei daülangpü nanglak leipeih; Israel amü büpalei lompü leipeih.

MENVIH KESHO 135:4

Mehenangkü Shembüpai Jakobü laophü shing, hatü Israelü büpalei lompü vaishi jelangteke.

MENVIH KESHO 50:5

“Jakpü moila homei ngei mü vangteipü ngelei nanglakthü thailangkei!” shei büpai enyüke.

MÜLANGPÜ 6:7

Ngei amü ngelei nanglak leihühen, hatü ngeiyü ammei Kahvang vaihen. Mechem ngei am Ijip amei aa vaipü laphen kübü bümei leihühen, ammi ngeiyü Shembüpa, ammei Kahvang shei nyinghen.

ISAIAH 41:8

Shejao nüng, Oh Israel, ngelei chongphobü, ngei jepü Jakob, ngelei mongjempa Abrahamei hühihathü,

ISAIAH 41:9

ngei amphongü kahdok dohpü leipü müei leipeih; ngei tailu kahdok vaungjung leipü am nyükpeih, hatü ngei amphong kü, “Amphongü ngelei chongphobü; ngei amphong jepeih, hatü ngei amphong neyakphongpih” shei epeih.

ISAIAH 6:13

Phaihan an kü hük hapa kahdokei nyujao, hapayü shao lavüngtoiyei leihen, shejao büpayü longkhampü agtükjao pütüng kahdokei aopükei nyuhen. Kahdokei pütüng aopeyü daülangpü li vaihen” shei eteke.

ISAIAH 62:12

Amphong keyü, “Daülangpü Nanglak, Shembüpai yanglangpüthü” shei nyükhen; hatü Jerusalem kü, “Yemei Dangpü, Kahvangi Neyakphongpü Chingnyü” shei nyükhen.

JEREMIAH 2:3

Israel amü Shembüpa kü daülangpü, shongpü betjük nyuhampeih. Üami hapa hah, mang thahteke, hatü jom kü shanghah peihampeih shei Shembüpai enyüke.

EZEKIEL 20:5

hatü hathü kü, Shembüpai hapakei enyüke shei etuh: Ngei Israel am jepü nyih, ngei Jakobei hühihathü kü lahpeih Ijip kahdokei ngei jom touei shakei vamei hupeih. Ngelei lak haongtü, “Ngeiyü Shembüpa, ammei Kahvang” shei lahpeih.

LEVI 20:24

Shejao ngei am kü eshah, “Ammi hapa kahdok yahhen; ngei am kü amma hatü nyahjiü yenpü kahdok am kü mükjüp vaishi shuohhen. Ngeiyü Shembüpa, ammei Kahvang, hatü ngei lebü jatthü mü am hayaoha loukei jepeih.”

LEVI 20:26

Am ngei touei daülangi nyuhen vongbong; mehenangkü ngeiyü daülangpü Shembüpa, hatü ngelei lompü vaihen ngei am lebü jatthü mü hayaoha jepeih.

AMOS 3:2

Kahdoknyü jatthü peü khongkü ngei am mon nyingpeih; Hanangkü ammei mang lemphü nangkü ngei am hanghihühen.

MALAKI 3:17

“Jomü ngelei nanglakthü, hatü hapa nyih jomü ngelei thushong dounyü vaihen, hatü pa hüki laophü chongphopü hapeü yangpükei ngei jom yanghen” shei Shembüpa Kahvangi enyüke.

PHONGSHANTHÜ DOU 13:17

Israel nanglakthülei Kahvangi jenei bühipa je, hatü Ijiplei nyushingkü nanglak dahüpeih. Wong longpai büpai hapa kahmük leipü müei lüdaipeih.

ROM SHAHSHA APPÜ 9:4

Jomphongü Israel am, hatü hapeü kei ungei yahpü, müknyinshekhang, vangpüshuwpü, shahkungnyü shuohpü, khümpü hatü lahpüthü peü jomphongei;

SHAHKÜP 14:2

mehenangkü amphongü Shembüpa tou kü daülangpü nanglakthü nyüke. Kahdok shak kübü hangkuli peü khongkü Shembüpai amphongü büpa lompü vaihen jepeih.

SHAHKÜP 14:21

Ammi hathüyü am mü lakeiloiyei nyupü am kü shuohhen aok, hatü jomi ha hahhen aok. Shejao amphongü Shembüpa, ammei Kahvang touei daülangpü nanglakthü nyüke. Ammi mi nevaijü yum cheha yahei chenyülei amma mü techeü.

SHAHKÜP 26:18

Hatü shinnyih Shembüpai am kü büpalei nanglak, hatü büpai lahpükei büpalei mophimo shei baongteke, hatü amphongi büpalei shahkungthü peü banghen eteke.

SHAHKÜP 26:19

Büpai lingpü lebü jatthü peü shak kü büpai amphong vihpülüpü, menmei hatü dhüm kü tuhhen hatü Shembüpa, ammei Kahvangi lahpükei amphongü büpa lompü daülangpü nanglak vaihen.

SHAHKÜP 28:9

Amphongi Shembüpa, ammei Kahvangei shahkungthü noteijema hatü büpalei lem kü kamjema, büpai lahpü keiha amphong büpalei nanglak leihühen.

SHAHKÜP 33:3

Hingmei nüngi nanglakthü kü bamnyüke; daülangpüthü kemei nüngei lakmongei nyüke. Nüngei la touei jom peü aümei shanyüke, hatü nüng leipü shahkung yahnyüke.

SHAHKÜP 4:20

Shejao amphongü shinnyih nyupükei büpalei mükjüp yahpü am vaihen shingvaishi bahpü awbhaong Ijip leipü Shembüpai müei leipeih.

SHAHKÜP 4:37

Mehenangkü büpai ammei bühipa kü bampü nangkü, büpai amphong jeteke, hatü büpalei wong longpai büpai amphong Ijip leipü müei leiteke.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

2 PETER 2:5

hatü Kahvang nenyingpü kahdoknyü kü bünghiyang yah-ei peishingkü daülangshemshepü shahjang kobü Noah mü jom nyet mon yangtü büpai aivang kahdoknyü dangkao yangei netuhjema;

2 PETER 2:9

shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

1 SAMUEL 12:22

Mehenangkü Shembüpai laophülei nanglak büpalei men longpü men kü neyakphongpih; mehenangkü amphongü büpalei nanglak leihühenü Shembüpai monghahpü dou hih.