SHAHKÜP 7:17 - DAÜLANGPÜ LAIHING (BSI)

¹⁷ Hathü jat ham mü wong kohpüba nyüke hatü hami jom mekei etü changtükaokhen shei ammi ehen aok.

SHAHKÜP 7:17 Iomraidhean Croise

ISAIAH 14:13

Nüngi nüngei mongei, “Ngei vangsho thahshi longei aonghen; ngei ngelei ong uoshing Kahvangei lithathü shak kü tuhhen; apshaphi Zaphon shangtao daüppülei shahthai shing kahshangei ngei ong uoshing kü uohen;

ISAIAH 47:8

Hanangkü shaang ha bangtuh, am mongongmongle bampüthü; lakbowlayangei uotü mongei, “Ngei mon, hatü ngei mü lenei lebü üpayao neshiü. Ngei mechemao vaümnyü leiyei, nevaijü hühiha lomohdaipeih” shei nenyupih shei enyüke.

ISAIAH 49:21

Hahepak kü ammi ammei mongei, “Ham kü naüthü hajükjük üpai bühphopa? Ngeiyü naüthü mahdaitü kong mü nyuhampeih; Ngeiyü wüpküpei daiyei yaktükpü kei nyuhampeih. Hathüyü üpai bühpa? Ngei monha nyupeihhathü hashihthü meleipü peiküpa”? shei ehen.

JEREMIAH 13:22

‘Henüng dou ngei kü mehekei vamnya?’ shei nüngi nüngei mongei ejema, nüngei mang ahshi longpü nangkü nüngei ashakao shaakshi nüng kü douten dükpeih.

BHEI-IE 13:32

Hapa keiha jomi Israel nanglakthü touei kahmük doknüng daipü shahshem shah-om aokjateke. Jomi, “Halei nyupü shennyakthüi hahsham dangkao hapa kahdok kü hahying nevamnyu. Halei nyupü shennyakthüyü bümhipü longshi khan khih.

BHEI-IE 21:34

Shembüpai Mosa kü, “Büpa kü tenyem; mehenangkü ngei nüngei lak kü büpa hatü büpalei veshanthü hatü jomei kahdok shuoh-ei nyüpeih. Heshbonei vanglem lempü Amor ongpa Sihon kü mekei dükshuohpa, hapakei jom kao dükeishuoh” shei e.

BHEI-IE 33:53

Kahdok kaamei yahtuh hatü halei nyutuh; mehenangkü hapa kahdokü ngei am kü shuohpeih.

LUK SHAHSHA APPÜ 9:47

Shejao jomphongi deihpü nyingei Jisui maanpü hashih hük deiyei büpa touei yaonghütü,

SHAHKÜP 1:28

“Jen halei mehekei aonghenang? Nyempai mong mahdaiteke. Jeni shompü shennyakthüi jen kü, ‘Halei nyupü shennyakthüyü jen mü wong kohpüba hatü shaopüba, jom nyupü chingthüyü penyü vangsho mao shaoshi showtüktü nyüke. Hamphongi halei Anakim am dangkao eetepih’ ” shei eküteke.

SHAHKÜP 15:9

Hang lupü neshemi katitükhen nyetpabü vangbong ngoikünyüke shei mong kü ten deihtü mekei neyahpü taopü jeihinaü kü nelunelakshuoh-i tetuhphong. Ammi büpa kü nelushuohjema, büpai Shembüpa kü am khüei lenhen hatü am mang thahhen.

SHAHKÜP 18:21

“Shembüpai ne-epü shahjangü hami mekei etü nyingaokhen?” shei ehen aok.

SHAHKÜP 8:17

Am nyingi, “Hamei wongi ham shemmei leipeih” shei ehen aok.

JOSHUA 23:3

Shembüpa, ammei Kahvangi ammei med kü hathü jatthü kü mehe dükshuohpa, ha am nyingi eeteke; hapayü Shembüpa, amei Kahvangi ammei med kü hokpü khih.