SHAHKÜP 6:3 - DAÜLANGPÜ LAIHING (BSI)

³ Bangtuh, Oh Israel am, Shembüpa, ammei bühipa Kahvangi am kü lahpükei am meishi nyuhen hatü amma hatü nyahjiü mon yenpü kahdok kü am daeisheyei nyuhen shingvaishi büpai epü kenhingei bangtuh.

SHAHKÜP 6:3 Iomraidhean Croise

KAHBHAO 12:2

“Ngei-i nüngü jat longpü hük leihühen, hatü ngei nüng kü moihimanhen. Ngei nüngei men longpü leihühen, hatü nüngü moihimanpü leihen.

KAHBHAO 13:16

Ngei nüngei lihila molo bhihhiphang kei leihühen. Hanei ami molo bhihhiphang ieaokjema nüngei hühihathüao ieaokhen.

KAHBHAO 15:5

Büpai büpa kü chingshelei ngaiyei, “Vangsholei ngangei veituh, hatü nüngi ieaokülashang lithathü ietuh” shei e. Hapheikü büpai, “Hapa keiha nüngei hühihathü nyuhen” shei e.

KAHBHAO 22:17

ngei nüng kü moihimanhen, hatü nüngei lihila vangsho lithathü kei hatü yungching bhihhiphang kei daeisheyei leihühen. Nüngi ngelei shah bangpü nangkü nüngei hühihathüi vepathülei chingnyüthü kaamlanghen,

KAHBHAO 26:4

Ngei nüngei hapeüthü vangsho lithathü kei leihühen, hatü nüngei hühihathü kü hapa kahdok kemei shuohhen, hatü nüngei hühihathü homei kahdoknyü jatthü peü moihiman danghen.

KAHBHAO 28:14

hatü nüngei lihilathü molo bhihhiphang kei nyuhen, hatü jomphongü heong heshü apsha pehe peü lemei daei daihen, hatü nüng hatü nüngei lihila homei kahdoknyü nanglak peü moihimanhen.

MENVIH KESHO 119:4

Kenhingei dükhen shingvaishi nüngi nüngei shahkungthü shuoh.

MÜLANGPÜ 1:7

Shejao Israel hapeüthü nanglak longi da, hatü wong koh-ei lei, hatü Ijip kahdokü jomi mateke.

MÜLANGPÜ 3:17

Ngei am Ijip kahdokei shangpong yakyingpü kübü amma hatü nyahjiü yenpü Kanan, Hit, Amor, Perizz, Hiv, hatü Jebus amei kahdokei mülanghen ngei temtepih.”

MÜLANGPÜ 3:6

“Ngeiyü ammei bühipa Kahvang, Abraham Kahvang, Isak Kahvang, hatü Jakob Kahvang hih” shei Kahvangi e, hatü Mosai büpalei dhe jolang; mehenangkü büpai Kahvang kü veihen nyemteke.

MÜLANGPÜ 3:8

hatü ngei Ijip amei lak kübü am yanglanghen peiküpeih, hatü meipü hatü bhashahpü kahdok, amma hatü nyahjiü mon yenpü kahdok, Kanan am, Hit am, Amor am, Perizz am, Hiv am, hatü Jebus am nyupü kahmükei ngei jom müei leilanghen.

CHONGVENBÜ 8:12

Mang shennyakthüi mang kho hükpa düklangmao yangnyu den lushi nyunyüke, shejao üami Kahvang kü nyemnya, jomphong-üng meipüba nyuhen; mehenangkü jomi Kahvang kü nyemnyüke.

ISAIAH 3:10

Daülangpüthü kü am-üng vangmei khih shei eyeishuoh; Mehenangkü jomi laophülei lak kübü vampü hahshi nyuhen.

JEREMIAH 42:6

Ham meishi nyuhen shingvaishi hami nüng shompü Shembüpa, nüngei Kahvangi epü nemeijao meijao banghen; mehenangkü hami Shembüpa, jenei Kahvangei ven banghen hih” shei e.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

PHONGSHANTHÜ DOU 7:17

Shejao Kahvangi Abraham kü lahpü dhaümhen hepak ngoiyaki jenei nanglak Ijiplei longi dateke.

SHAHKÜP 11:9

hatü Shembüpai ammei bühipa hatü jomei hühihathü kü shuohhen shei epü amma hatü nyahjiü yenpü kahdok kü am yüluei nyuhen shingvaishi shinnyih ngei am kü shuohpü shahkungnyüthü peü bangtuh.

SHAHKÜP 26:15

Daülangpü nüngei vangsho nyushing leipü veishih hatü nüngei Israel nanglak kü hatü nüngi hamei bühipa kü shuohhen lahpü amma hatü nyahjiü yenpü kahdok kü moihimanshih” shei ehen.

SHAHKÜP 26:9

Büpai ham hatou shingei leiyei amma hatü nyahjiü yenpü hapa kahdok ham kü shuohpeih;

SHAHKÜP 27:3

Shembüpa, ammei bühipa Kahvangi am kü lahpükei mechem Jordan homei Shembüpa, ammei Kahvangi am kü shuohpü amma hatü nyahjiü yenpü kahdokei shühenshang, shahkungthü peü hapa kü nyangtuh,

SHAHKÜP 31:20

Mechem ngei jomei chebü chepa kü lahpü amma hatü nyahjiü yenpü kahdokei müei daihen hatü mechem jomi mohmeiyei hahtü nyiushem kü nyuhenshang, jomi ngei tuhphongtü ngei mü vangpüshuwpü mangei lebü kahvangthü touei lepei hathü kü khümhen,

SHAHKÜP 4:40

Am hatü ammei hühihathü meishi nyuhen shingvaishi hatü Shembüpa, ammei Kahvangi den shing am kü shuohpü kahdok kü den luangi nyuhen shingvaishi shinnyih ngei am kü shuohpü shahkungthü bangei düktuh.

SHAHKÜP 4:6

Hathü kenhingei düktuh hatü lebü jatthüi amphongü longi nahpülangpü, nyingpühingpü jatli shei nyinghen hatü jomi, ha danei, “Hingmei, hapa longpü jatliyü nahpülangpü, nyingpühingpü jatli khih” shei ehen.

SHAHKÜP 8:8

atta hatü barley, nyalingngupai, adhajük, pomegranat betjük, olive mainga hatü nyahjiü vampü kahdok;