SHAHKÜP 6:24 - DAÜLANGPÜ LAIHING (BSI)

²⁴ Hanangkü Shembüpa i jen kü hathü shahkung banghen hatü shaangpükei moihimanei jen yemmü nyuhen shingvaishi Shembüpa, jenei Kahvang kü dhüm shuohhen epeih.

SHAHKÜP 6:24 Iomraidhean Croise

MENVIH KESHO 41:2

Shembüpai jom yangnyeih, hatü yemmü tuhnyeih; hapa kahdok kü jom kü moihimanpü am shei nyükhen. Büpai jom vepathüi mongpü kü lanei neshuohtükhen.

MENVIH KESHO 41:3

Jom tüngpü lüngshing leiyao Shembüpai jom kü sheühhen, hatü tüngpü kübü meihühen.

MENVIH KESHO 66:9

büpai jen yemmü nyupüthü mü tuhteke, hatü jenei la nekükhü.

MÜLANGPÜ 20:20

Mosai nanglakthü kü, “Am tenyem, Kahvangi am dokhen shingvaishi mon yüpü khih, hajü mon ammi büpalei ven bangei nyuhen hatü mang nethahhen” shei eteke.

KANDOK 22:4

Nenteiaokpü hatü Shembüpa nyempülei thintho-ü mop, dhüm, hatü yangnyuyem nyüke.

KANDOK 9:12

Nüngi najema, nüngei kihikoni nüng kü thintho yahphahen; Nüng nemeipü am vaijema, nüng moni ha kohen.

ISAIAH 3:10

Daülangpüthü kü am-üng vangmei khih shei eyeishuoh; Mehenangkü jomi laophülei lak kübü vampü hahshi nyuhen.

JEREMIAH 32:39

Ngei jom meihen shingvaishi jomi ngei kü nyemhen nangkü mongdang hük dou hük shuohhen.

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

LUK SHAHSHA APPÜ 10:28

Büpai büpa kü, “Nüngi jiüpü shahnyok shuohteke, ha düktuh, shejema nüng yem nyuhen” shei e.

ROM SHAHSHA APPÜ 10:5

Mosai shahkung leipü peipü daülangshemshepü nang nyangshingkü hapakei enyüke: “Üpai hathü dükhenshang hathü homei yangnyu nyuhen.”

SHAHKÜP 4:1

Mosai nanglakthü kü eteke, “Oh Israel am, ngei am kü nyuhpü shahkungnyüthü bangtuh. Am yemmü nyuhen hatü daiyei Shembüpa, ammei ambü ampa Kahvangi am kü shuohpü kahdok yah-aokhen shingvaishi hathü bangtuh.

SHAHKÜP 4:4

shejao am üami Shembüpa, ammei Kahvang kü hingshangi nyutepa, shinnyih thahshi yemmü nyüke.”

SHAHKÜP 6:2

Ammi hapa kahdokei luangi nyuaokhen shingvaishi am hatü ammei hapeüthü halei nyupü thahshi Shembüpa, ammei Kahvang kü dhüm shuohtuh hatü ngei am kü shuohpü büpalei shahkungnyüthü bangtuh.

SHAHKÜP 6:23

Shejao büpai hatouei jen tuhhen shingvaishi Ijip leipü jen müei leipeih, hatü büpai jenei bühipa kü lahpü kahdok jen kü shuohpeih.

SHAHKÜP 8:1

Am nyuaokhen, daeisheyei nyuhen hatü ammei bühipa kü Shembüpai lahpü kahdok thahei yah-aokhen shingvaishi shinnyih ngei am kü shuohpü shahkungnyüthü peü düktuh.

SHAHKÜP 8:3

Büpai amphong aeiyeileyei ang, hatü am hatü ammei bühipai mechemao manghahpü manna hahhen shuohteke. Shennyaki aani mon yangnyu nenyunyih shejao Shembüpalei ju kübü vampü shah ieyei mon yangnyu nyunyüpeih shei am kü nyuhhen shingvaishi hapa dükteke.