SHAHKÜP 6:15 - DAÜLANGPÜ LAIHING (BSI)

¹⁵ Mehenangkü Shembüpa, am mü nyupü ammei Kahvangü mükhühpü Kahvang, hatü am khüei büpa mongshih vamkahen, hatü büpai hapa kahdok kübü am mahtükhen.

SHAHKÜP 6:15 Iomraidhean Croise

KAHBHAO 7:4

Nyih nyet mongkü ngei kahdoknyülei nyih pinyi ya pinyi vang keiphahen, hatü ngei lingpü lemphü hapa kahdok shak kübü thittükhen” shei e.

1 ONGPATHÜ 13:34

Hapayü Jeroboam am shemei mang, hatü hapai büpalei ongching kahdok shak kübü dohtükpeih.

2 SHÜPPÜKENGPÜ 36:16

shejao Shembüpai laophülei nanglak kü longi mongshih-ei meilem neshiüi manglei thahshi jomi Kahvangei shahjang kobüthü kü ne-ienelem, büpalei shahthü yaktük hatü thibüthü kü yaüteke.

MENVIH KESHO 90:11

Nüng mongshihpü ngan üpai nyingnya? Nüng mongpuk vampai mehe koei peihen ha üpai nyingpa?

MENVIH KESHO 90:7

Nüngei mongshih-i ham lühtükteke., nüngei mongpuki ham nyemhüteke.

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

MÜLANGPÜ 32:12

Mehekei Ijip ami, ‘Jomü kahshangei jütükkemhen, hatü kahdok shak kübü li hümtükhen nangkü nemeipü küpjani müei deipeih’ shei ehühenang? Nüng mongshih anpü kübü, hatü nüngei nanglakthü kü shanghah koei peihen nyupü kübü mong leituh.

JEREMIAH 28:16

Hanangkü Shembüpai hapakei enyüke: “Ngei hapa kahdok kübü nüng nüngtükhen. Shenüng-üng nüng dihen; mehenangkü nüngi Shembüpa khüei chongventeke.”

JEREMIAH 7:6

ammi benhapa kü, hashihha kü, vaümnyü kü neshüvei, nevaijü hapa shing kü mang neshiüpü iy neyenhü, hatü am ma yahhen mü lebü kahvangthü kü khümei nedaijema,

AMOS 3:2

Kahdoknyü jatthü peü khongkü ngei am mon nyingpeih; Hanangkü ammei mang lemphü nangkü ngei am hanghihühen.

AMOS 9:8

Hingmei, Shembüpalei müki nemeipü Israel ongching kü veishi nyüke, hatü jom kahdok shak kübü mahtükhen, shejao Jakob am phang chemjalak kü nemahtükhen, shei Shembüpai enyüke.

BHEI-IE 35:34

Am nyupü kahdok tenyettük; mehenangkü ngeiyü Shembüpa, hatü ngei Israel nanglakthü mü nyunyüpeih.

1 KORINT 10:22

Shembüpai mük nyemhühpha shei jeni deihnyu je? Jenü büpa mü wong kohpüba je?

SHAHKÜP 11:17

Hapakei daijema, Shembüpai am khüei mongshih anhen, hatü büpai vangsho küplanghen hatü vang nekeiphahen; kahdok vandaipü nangkü betjük nejükhen hatü Shembüpai am kü shuohpü kahdok kübü lomi am mahdaihen.

SHAHKÜP 4:24

Mehenangkü Shembüpa, ammei Kahvangü laiyeilungei hahpü aw, hatü mükhühpü Kahvang.

SHAHKÜP 5:9

Ammi hapa kü aümei tekhüm; mehenangkü ngeiyü Shembüpa, ammei Kahvang; ngeiyü mükhakpü Kahvang, ngei kü jiühitei bühipai mang thahpü nangkü jomei hühihathü kü denshem jem ali thahshi ngei hanghi shuohpeih,

SHAHKÜP 7:4

Mehenangkü jomi ammei hapeüthü ngei toueipü lepei jomei kahvang khümhen mülanghen, hatü Shembüpai am khüei mongshihhen hatü ngangahük kü mahtükhen.

JOSHUA 23:12

Shejao ammi büpa toueipü yanei daiyei am mü yangei aoei nyupü jatthü mü küeijemei, yiükeilaei nyeteinyangjema,

JOSHUA 23:16

Ammi Shembüpa, ammei Kahvangi shuohpü vangteishuwteipü mangtüktü daiyei lebü kahvangthü chongphoei hathü kü khümjema, Shembüpai am khüei mongshih vamhen, hatü büpai am kü shuohpü kahdok kübü lomi mahtükkemhen” shei e.