SHAHKÜP 6:12 - DAÜLANGPÜ LAIHING (BSI)

¹² aa vaishi nyupü Ijip kahdok leipü am müei leipü Shembüpa nebetükhen kenhingtuh.

SHAHKÜP 6:12 Iomraidhean Croise

2 ONGPATHÜ 17:36

shejao amphongi Shembüpa, üpai amphong Ijip kahdok leipü büpalei laklu wong longpai am müei leipa, büpa kü mon khümtuh, hatü moila shuohtuh.

2 ONGPATHÜ 17:38

Ngei amphong mü lingpü vangpüshuwpü tebetük, hatü lebü kahvangthü tekhüm.

JOB SHAHSHA APPÜ 8:13

Hapa keiha Kahvang betükpüthülei yangnyu nyunyeih, hatü Kahvang nenyingpüthü monglem neshiüi mahnyeih.

MENVIH KESHO 103:2

Shembüpa kü moihimantuh, Oh ngelei laangha, hatü büpai shuohpü nangleithü tebetük.

MENVIH KESHO 44:17

Hami nüng nebetükjao, hatü nüngei vangpüshuwpü kü shahshemi nedükjao hathü peü ham kü vampeih.

MENVIH KESHO 59:11

Shejao nüngi hathü tejütük; Oh Shembüpa, hamei inyüshung; hei nevaijema ngelei nanglakthüi betükhen. Nüngei wongi jom haitüktuh, hatü neütüktuh.

MENVIH KESHO 78:7

Hapa keiha jomiyao Kahvang kü hinglemhen, hatü Kahvangei douthü nebetüki büpalei shahkungnyüthü noteihen.

MÜLANGPÜ 13:14

Mechem ngoikahen hepak kü ammei hapeüthüi, “Hapa mehe lappüang? shei phephahenshang, ammi, ‘Shembüpai büpalei wonghingani aa vaiyei nyupü Ijip kahdok leipü jen müei leilangpeih’ shei etuh.

MÜLANGPÜ 13:3

Mosai nanglakthü kü, “Am Ijip leipü aa vaipü kahdok leipü vamei daipü nyih, shinnyih deih-ei dangtuh; mehenangkü Shembüpai büpalei wonghingani am müei ngailangteke. Daw shihpü aan tehah.

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

KANDOK 30:9

Hei nevaijema, ngei longi anghen, hatü nüng yakphonghen khih, hatü “Shembüpayü üpaang?” shei ehen, nevaijü ngei taoei tuhjema ngei gühhen hatü ngelei Kahvangei men dhüm neshiüi leitükhen khih.

ISAIAH 17:10

Ammi ha yemleipü Kahvang betük; ammi am loishing Yaong deih-ei nedang. Hanangkü ammi püthü meipü sheijao, hatü mih leipü nyalingngupai leiyei sheijao;

ISAIAH 51:13

Amü am Lingbü Shembüpa, vangshothü paanei deishihpü, kahdoknyü chongnyiam yaong haübü betükteke. Amü am kü shüveipüthülei mongshih eeyei, am mahtükhen khih shei nyihjeih nyempü vüngpai maei nyunyüke. Shejao am kü shüveipüthülei mongshih melei nyüpa?

JEREMIAH 34:13

Shembüpa, Israel Kahvangi hapakei enyüke: Aa vaiyei nyupü Ijip kahdok leipü ngei ambü ampa müei leishing kü ngei jom mü vangpüshuwpü lingpeih. Ngei jom kü,

HOSEA 2:13

Baal kü vong büpü ayingshü jakei mopü nyihthü shingvaishi, hatü ngei petüktü hon-ow owtü chühimai changei daipü nangkü ngei pinnyü kü hanghi shuohhen” shei Shembüpai enyüke.

BHEI-IE 15:39

Shembüpai am kü shuohpü shahkungthü deih-ei danghen shingvaishi hapa vitem kü veihen, hatü ammi hathü ven bangei dükhen, hatü ammi laophülei mükhimongi lümpülei daiyei ngei toueipü neyanhen.

SHAHKÜP 32:18

Am bühpü paümpü Yaong ammi yakphong, am kü yangnyu shuohpü Kahvang betük.

SHAHKÜP 4:23

Shembüpa, ammei Kahvangi am mü vangeishuwpü nebetükhen kentuh; Shembüpa, ammei Kahvangi nemongpü kü am nyingi lajei mepa keiyao teling.

SHAHKÜP 4:9

Am kenhingtuh, hatü ammei müki lekei mehe eetepa, ha nebetükhen, nevaijü am yemmü nyupü thahshi ammei mongdang kübü hapa nemahtükhen kentuh. Ammei hühihathü kü ha nyuhtuh.

SHAHKÜP 8:10

Mechem amphong moh-ei hüshemei hahhenshang, am kü kahcheü kohpü kahdok Shembüpa, ammei Kahvangi yahphopü nangkü menvih shuohtuh.

KOLOSI 2:8

Üpaiyao amphong Khrista leipü nevaipü kü yahlak neshiüpü aivang büshah kübü eyei peipü hangkulei kihikon shah hatü kahdoknyü kü vanglem lempü laanghathüi am aa leihüei müei nedaihen lituh.

SHAHPHENBÜTHÜ 2:12

Jomi Shembüpa, üpai jom Ijip leipü müei leipa, hapa Kahvang betük; jom ngeih-ei shonei nyupü shennyakthülei kahvangthü phei mü hatü khüm, hatü jomi Shembüpa mongshih vamhü.