SHAHKÜP 5:33 - DAÜLANGPÜ LAIHING (BSI)

³³ Amphong nyuhen shingvaishi shuohpü kahdokei yangnyu shoshoei daeisheyei yüluei nyuhen shingvaishi Shembüpa, ammei Kahvangi epü lem kü kamtuh.”

SHAHKÜP 5:33 Iomraidhean Croise

1 ONGPATHÜ 3:14

Nüngi ampa Davidi kampükei ngelei lemthü kü kamei ngelei shahkungthü noteijema, ngei nüngei yangnyu shoshoei tuhhen” shei e.

2 ONGPATHÜ 17:37

Ammi düngei büpai am shingvaishi nyangpü shahkungnyüthü, hatü vanglemthü kenhingei noteituh. Ammi lebü kahvangthü tekhüm.

1 SHÜPPÜKENGPÜ 28:8

Hanangkü shaang Israel am peüi eeshi, Shembüpalei nanglakthü thaipü touei, jenei Kahvangi danshi Shembüpa, ammei Kahvangei shahkungthü peü bangtuh; shejüang ami hapa kahdok yah-aokhen hatü am pheikao denshing ammei hühihathü kü mükjüp vaishi tuh-aokhen” shei eteke.

MENVIH KESHO 119:6

Mechem ngei nüngei shahkung peü deih-ei danghenshang, ngei neveühühen.

MENVIH KESHO 37:11

Shejao nenteiaokpüthüi kahdoknyü mükjüp danghen, hatü halei chingmei kü hüshemei nyuhen.

MENVIH KESHO 37:22

Shembüpai moihimanpüthüi kahdoknyü mükjüp danghen, shejao büpai thaüvaütükpüthü changtükhen.

MENVIH KESHO 37:29

Daülangpüthüi kahdoknyü mükjüp danghen, hatü halei den kü nyuhen.

MENVIH KESHO 37:34

Shembüpa omdantuh, büpalei lem jiüshangi tuhtuh, hatü büpai nüng kahdoknyü mükjüp danghühen longeianshihhen; nemeipüthü mahpü nüngi eehen.

MENVIH KESHO 37:9

Shennyaktenthü changtükhen, shejao üami Shembüpa omdannya, kahdoknyü mükjüp danghen.

MÜLANGPÜ 20:12

Shembüpa, ammei Kahvangi shuohpü kahdok kü yangnyu shoshoei nyuhen shingvaishi ammei anyü hatü ampa kü dhüm shuohtuh.

KANDOK 3:1

Ngelei hapeü, ngei nyuhpüvenpü tebetük; shejao nüngei mongdangei ngelei shahkungthü jaotuh;

JEREMIAH 42:6

Ham meishi nyuhen shingvaishi hami nüng shompü Shembüpa, nüngei Kahvangi epü nemeijao meijao banghen; mehenangkü hami Shembüpa, jenei Kahvangei ven banghen hih” shei e.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

EZEKIEL 20:19

Ngeiyü Shembüpa, ammei Kahvang; ngelei shahkungthü phei mütuh, hatü ngelei vanglemthü noteihen kenhingtuh,

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

EPHESIA 6:3

Shejüang ha am mü meishi nyukahen, hatü kahdoknyü kü am yangnyu shoshoei nyuhen.

SHAHKÜP 10:12

Shaang, Oh Israel nanglakthü, Shembüpa, ammei Kahvangi am kü mehe yünya shei shejema, Shembüpa, ammei Kahvang kü nyemhen, büpalei lemthü kü kamhen; ammei mongdang hatü laangha kempai büpa kü bamhen hatü büpa chongphohen,

SHAHKÜP 11:9

hatü Shembüpai ammei bühipa hatü jomei hühihathü kü shuohhen shei epü amma hatü nyahjiü yenpü kahdok kü am yüluei nyuhen shingvaishi shinnyih ngei am kü shuohpü shahkungnyüthü peü bangtuh.

SHAHKÜP 12:25

Am hatü ammei hapeüthü meishi nyuhen shingvaishi iy tehah; mehenangkü amphongi Shembüpa touei mehe jiüpa, ha dükhen.

SHAHKÜP 12:28

Am hatü ammei hapeüthü meishi nyuhen shingvaishi ngei am kü shuohpü shahkungthü dükhen kentuh; mehenangkü Shembüpa, ammei Kahvang touei mehe mei hatü jiüpa, ha amphongi dükhen.

SHAHKÜP 22:7

Am meishi nyuhen hatü yangnyu shoshoshi nyuhen shingvaishi ami ouha yahhen aok, shejao ounyüpa deishihtuh.

SHAHKÜP 29:8

Jeni jomei kahdok yah-ei Reuben, Gad hatü bhaosheipü Manasseh phang nyi kü mükjüp vaishi shuohteke.

SHAHKÜP 30:16

Mehenangkü ngei shinnyih am kü Shembüpa, ammei Kahvang kü bamhen, büpalei lemthü kü kamhen, hatü büpalei shahkungthü hatü vanglemthü noteihen shuohnyüpeih; shejüang am yangnyu nyuhen hatü dahenshehen, hatü Shembüpa, ammei Kahvangi ammi yahhen nyupü kahdokei am kü moihimanphahen.

SHAHKÜP 4:1

Mosai nanglakthü kü eteke, “Oh Israel am, ngei am kü nyuhpü shahkungnyüthü bangtuh. Am yemmü nyuhen hatü daiyei Shembüpa, ammei ambü ampa Kahvangi am kü shuohpü kahdok yah-aokhen shingvaishi hathü bangtuh.

SHAHKÜP 4:40

Am hatü ammei hühihathü meishi nyuhen shingvaishi hatü Shembüpa, ammei Kahvangi den shing am kü shuohpü kahdok kü den luangi nyuhen shingvaishi shinnyih ngei am kü shuohpü shahkungthü bangei düktuh.

SHAHKÜP 5:16

Shembüpa, ammei Kahvangi am kü shuohpü kahdok kü yüluei nyuhen hatü am meishi nyuhen shingvaishi Shembüpa, ammei Kahvangi epükei anyü hatü ampa kü dhüm shuohtuh.

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

SHAHKÜP 6:1

Hathüyü am Jordan yung homei daiyei ammi mükjüp yahhen kahdokei dükhen shingvaishi Shembüpa, ammei Kahvangi ngei kü nyuhtuh shei ephopü shahkungnyüthü nyüke.

SHAHKÜP 6:3

Bangtuh, Oh Israel am, Shembüpa, ammei bühipa Kahvangi am kü lahpükei am meishi nyuhen hatü amma hatü nyahjiü mon yenpü kahdok kü am daeisheyei nyuhen shingvaishi büpai epü kenhingei bangtuh.

SHAHKÜP 8:1

Am nyuaokhen, daeisheyei nyuhen hatü ammei bühipa kü Shembüpai lahpü kahdok thahei yah-aokhen shingvaishi shinnyih ngei am kü shuohpü shahkungnyüthü peü düktuh.

1 TIMOTI 4:8

Büm shing aülaüei dükpü kü nanglei maani nyüpeih, shejao Kahvang nyingpü kü lem peü kü shaang hatü ngoikahen yangnyu shingvaishi lahpü nyüpeih.