SHAHKÜP 5:14 - DAÜLANGPÜ LAIHING (BSI)

¹⁴ shejao nyih nyetpabü-ü Shembüpa, ammei Kahvangei Sabbath nyih nyüke. Hapa nyih kü amphong nevaijü ammei hapeüthü, ammei aathü, nevaijü ammei yemhimakthü nevaijü am mü lakeiloiyei nyupüthüi dou nedükhen. Am keiha ammei aathüiyao hapa nyih nyiumeihen.

SHAHKÜP 5:14 Iomraidhean Croise

KAHBHAO 2:2

Nyih nyetpabü kü Kahvangi büpai dükpü dou peü tem, hatü dousho peü kübü büpai nyiumeiyei nyih nyetpabü kü them.

NEHEMIAH 13:15

Hathü nyih kü ngei Judahlei Sabbath nyih nyalingngupai ngümpü, hah shetei leitü ha mü gadu kü kohühen yiü, nyalingngupai, adhajük, hatü lebü hanggo peü kohütü Jerusalemei leipü eetepih. Sabbath nyih hahying yupü khüei shahvüng shuohtepih.

NEHEMIAH 13:16

Jerusalemei nyupü Tyre ami Sabbath nyih nyah hatü lebü douhinang koei leiyei Judah am kü yushuohhamteke.

NEHEMIAH 13:21

Shejao jomphong kü shahvüng shuoh-ei, “Mehekei amphong yanüng penyüsha daüei paümnya? Am ne-yei hapakei dükjema ngei lak shihhen” shei eshuohteke. Hapa nyih mü leitü jom Sabbath nyih nepei,

NEHEMIAH 5:5

“Hamao jeihinaüthü mü iy hük phai hük vaijao hatü hamei hapeüthüao jomei hapeüthü kei-üng meishi tuhtü hamei hapeüthü-ü aa leihen khih. Hamei yiükhathü haneiyü aa vaishi yutükteke, shejao hamei kah hatü nyalingngupai kahthü kemei mih-ei vaidaipü nangkü sheyü lem neshiü” shei eteke.

MÜLANGPÜ 23:12

Nyih vok ammei dou dükhahtuh, shejao nyih nyetpabü kü ammei mohoh hatü gadu ngü leihen, hatü am shemei bühpü aa hatü benhapa nyiumeihen shingvaishi dou nedüki nyiumeihütuh.

LEVI 23:3

Ammi nyih vok dou dükhen, shejao nyih nyetpabüyü nyiumeipü Sabbath nyih nyüke. Ha nyih dou nedükhen shejao khümnüng thaihen. Am melei nyuhenshang nyujao dou nedükhen; Sabbath nyih-ü Shembüpalei nyüke.

MARK 2:27

Hahepak kü büpai jomphong kü, “Hangku shingvaishi Sabbath lingpeih, shejao Sabbath shingvaishi hangku neling;

LUK SHAHSHA APPÜ 23:56

Hapheikü jomphong nyokei leiyei nyiohen meli hatü vong büpü meli tem. Shejao shahkung kü nyupükei jomi Sabbath themteke.

SHAHKÜP 5:13

Ammi nyih vok mongkü ammei dou peü düktuh,

HEBREW 4:4

“Kahvangi büpalei dou lemphü kübü nyih nyetpabü kü nyiumeipeih” shei Laihing kü shing hükei nyih nyetpabü nang enyüke.