SHAHKÜP 4:9 - DAÜLANGPÜ LAIHING (BSI)

⁹ Am kenhingtuh, hatü ammei müki lekei mehe eetepa, ha nebetükhen, nevaijü am yemmü nyupü thahshi ammei mongdang kübü hapa nemahtükhen kentuh. Ammei hühihathü kü ha nyuhtuh.

SHAHKÜP 4:9 Iomraidhean Croise

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

MENVIH KESHO 119:11

Ngei nüng khüei mang nethahhen shingvaishi nüngei shah ngelei mong kü jaoei tuhnyeih.

MENVIH KESHO 71:18

Ngoikahen denja pheiha kü nüngei nganhilong jung ngei mangbaong thahshi, ngei viüei shosho pungdaijao nüngi ngei teyakphongma, Oh Kahvang.

MÜLANGPÜ 10:2

hatü mekei ngei Ijip am kü nemei-i nopa, hatü jom kü ngei mehe yashanyale douthü dükpa, ha ammi ammei hühihathü kü ejahen, shejüang ammi ngeiyü Shembüpa shei nyinghen shingvaishi ngei büpa hatü büpalei lakchongbüthülei mong vaanhüpeih” shei eteke.

MÜLANGPÜ 23:13

Ngei am kü epü lemphüli kenhingei bangtuh. Ammi lebü kahvang kü tephop; ammei ju kübü ha jung epü tedanhü.

KANDOK 1:8

Ngelei hapeü, ampai nyuhpü bangtuh; anyüi venpü teyakphong.

KANDOK 23:26

Ngelei hapeü, nüngei mongdang ngei kü yahshih, hatü nüngei müki ngelei lemthü kü veituh.

KANDOK 3:21

Ngelei hapeü, kihikon, hatü kenhingmonghapü yaongei tuhtuh, hathü nüng toueipü yanei tedeishih;

KANDOK 7:1

Ngelei hapeü, ngei epü düktuh, hatü ngelei shahkungthü nüngei mongei tuhtuh.

ISAIAH 38:19

Ngei shinnyih dükpü keiha yemmü nyupüthüi mon nüng kü men vihnyeih; Büpai laophülei hühihathü kü nüngei shahhing jung enyüpeih.

ISAIAH 42:20

Amphongi douthü longi eeteke, shejao ha nyingei neyahnyu; danhen dhaong kohshi nyüke, shejao meheyao nedannyu.

JEREMIAH 17:21

Shembüpai hapakei enyüke: ‘Sabbath nyih kü hanggo nekohen, nevaijü hapa Jerusalem penyüsha homei koei neshühen lituh.

LUK SHAHSHA APPÜ 8:18

Hanangkü nüngi mekei bangnya kenhingei deihtuh; mehenangkü üami ang, hathü kü nyeishi shuohhen; hatü üami ne-ang, jomi mehe anghen shei deih, hayao yahlanghen.

EPHESIA 6:4

Pathü, mongshihpai ammei hapeüthü kü teloh, shejao Shembüpai ungei-aeipü hatü nyuhpüvenpü kü longhütuh.

SHAHKÜP 11:19

Ammei hapeüthü kü ha nyuhtuh; am shemei nyushingkü, lem kü kamshingkü, am shishingkü hatü paoshingkü hathü jung etuh.

SHAHKÜP 12:1

Hapayü Shembüpa, ammei bühipa amei Kahvangi am kü shuohpü kahdokei nyupü thahshi ammi kenhingei dükhen shahkungnyüthü nyüke.

SHAHKÜP 16:3

Daw shihtü lingpü aan tehah shejao nyih nyet thahshi amphongi daw neshihpü aan mon hahhen; mehenangkü ammi Ijip leipü dainüng kü hapakei hahtü shüshülangi Ijip tuhtü daipeih, hatü hapa kü shangpongpü aan shei enyüke. Am yemmü nyupü thahshi Ijip leipü vamei daipü shangpongpü nyih deih-ei danghen.

SHAHKÜP 17:19

Hayü büpa mü tuhhen, hatü büpai Shembüpa, büpalei Kahvang kü dhüm shuohhen nyinghen hatü shahkungnyü kü epü shahthü peü hinglemei ven banghen shingvaishi büpalei yangnyu yangkemei ha iehen,

SHAHKÜP 29:29

Doujo kemei Shembüpa, jenei Kahvangei, shejao shakei vampü douthü kemei jen hatü jenei hühihathü den kü dükhen shahkungnyü nyüke.

SHAHKÜP 31:19

Shaang, hapa kesho nyangtuh hatü Israel am kü nyuh-eishuoh hatü hapayü jom khüei ngelei denpü vaihen shingvaishi jomi hapa lokhütuh.

SHAHKÜP 32:46

büpai jomphong kü, “Hapa shahkung kübü shahthü kenhingei banghen ammei hapeüthü kü eaokhen shingvaishi ngei shinnyih am kü epü shahthü peü mong kü jaotuh.

SHAHKÜP 4:10

Büpai ngei kü Sinai Kahshangei, “Jom hapa kahdokei nyupü thahshi ngei kü dhüm shuohhen nyinghen hatü jomei hapeüthü kü hapa nyuhhen shingvaishi nanglakthüi ngei epü banghen thaihütuh” shei eshingkü amphong Shembüpa touei yaongpü deih-ei dangtuh.

SHAHKÜP 4:15

Aw kübü vamei Shembüpai am kü Sinai Kahshangei shah epü nyih amphongi büpalei büm ne-ee.

SHAHKÜP 4:23

Shembüpa, ammei Kahvangi am mü vangeishuwpü nebetükhen kentuh; Shembüpa, ammei Kahvangi nemongpü kü am nyingi lajei mepa keiyao teling.

SHAHKÜP 6:12

aa vaishi nyupü Ijip kahdok leipü am müei leipü Shembüpa nebetükhen kenhingtuh.

SHAHKÜP 6:2

Ammi hapa kahdokei luangi nyuaokhen shingvaishi am hatü ammei hapeüthü halei nyupü thahshi Shembüpa, ammei Kahvang kü dhüm shuohtuh hatü ngei am kü shuohpü büpalei shahkungnyüthü bangtuh.

SHAHKÜP 6:20

Pheilei ammei hapeüthüi am kü, “Shembüpa, jenei Kahvangi jen kü hathü shahkung peü dükhen mehekei epa yo?” shei phephüshingkü,

SHAHKÜP 6:7

Ammei hapeüthü kü hapa nyuhtuh. Am shemei uoshingkü, lem kü kamshingkü, shishingkü, hatü paoshingkü hapa jung etuh.

SHAHKÜP 8:11

Shembüpa, ammei Kahvang nebetükhen lituh, hatü büpalei shahkungthü hükao neshaihen kenhingtuh.

SHAHKÜP 8:14

aa vaiyei nyupü Ijip kahdok leipü müei leipü Shembüpa, ammei Kahvang betüktü nechangmeihen kenhingtuh.

HEBREW 2:1

Hanangkü jeni mehe dan, ha kübü yanei nedeilanghen shingvaishi jeni longi kenhingei mong shuohhen khih.

HEBREW 2:3

hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

JAKOB 2:22

Büpalei dou mü vaipü dou chemi nyuteke, hatü vaipeyü dou homei changhüpeih shei eenyüke.

JOSHUA 1:18

Üami nüngi epü shahthü khüei yaonghen hatü ha nebanghen, hathüyü jütükhen. Nüng mon wongkoh monglongtuh” shei eshuohteke.

JOSHUA 23:11

Shembüpa, ammei Kahvang kü bamhen ammi longi kentuh.

JOSHUA 4:21

hatü büpai Israel am kü, “Pheilei ammei hühihathüi am kü, ‘Hathü yaong lappü meheang?’ shei pheshingkü,

SHAKEI VAMPÜ 3:3

Ammi mehe yah hatü dan, ha deih-ei dangtuh; hapa ven bangtuh hatü mong leptuh. Am shipü kübü nepaojema, ngei gühpa hük keiha peikahen, hatü ngei mepa hepak kü peikahen ammi nenyinghen.

SHAHPHENBÜTHÜ 3:7

Israel ami Shembüpa, jomei Kahvang betüktü mepa Shembüpa touei mang nyu, ha dükei mang thah, hatü Baal hatü Asherah kahvangthü kü khüm.

SHAHPHENBÜTHÜ 8:34

Israel ami jomei Kahvang, üpai nyonghidah peü kübü vepathülei lak kübü yangshuohpa, ha deih-ei nedang.