SHAHKÜP 4:40 - DAÜLANGPÜ LAIHING (BSI)

⁴⁰ Am hatü ammei hühihathü meishi nyuhen shingvaishi hatü Shembüpa, ammei Kahvangi den shing am kü shuohpü kahdok kü den luangi nyuhen shingvaishi shinnyih ngei am kü shuohpü shahkungthü bangei düktuh.

SHAHKÜP 4:40 Iomraidhean Croise

MENVIH KESHO 105:45

Hathü kemei jomi büpalei shahkungthü banghen, hatü dükhen nangkü ha vampeih. Shembüpalei men longtuh.

MÜLANGPÜ 20:12

Shembüpa, ammei Kahvangi shuohpü kahdok kü yangnyu shoshoei nyuhen shingvaishi ammei anyü hatü ampa kü dhüm shuohtuh.

MÜLANGPÜ 23:26

Ammei kahdokei nyüha üpa kao hapeü iy mü nelüdaihen nevaijü nyülan nechongkahen; ngei am yangnyu shoshoshi tuhhen.

CHONGVENBÜ 8:12

Mang shennyakthüi mang kho hükpa düklangmao yangnyu den lushi nyunyüke, shejao üami Kahvang kü nyemnya, jomphong-üng meipüba nyuhen; mehenangkü jomi Kahvang kü nyemnyüke.

ISAIAH 65:20

Hajük kü halei aküngnaüha dipütoipü nenyukahen, nevaijü den nelui dipü bahijei nenyukahen. Üpai bong kho hük lomei dihen, hapayü nethe dipükei deihhen, hatü üpai bong kho hük nelomi dihenshang büpayü thaüvaü homei khih shei deihhen.

JEREMIAH 11:4

büpa kü thaüvaü hettuh. Ngei am kü epü bangtuh, hatü lemphü düktuh, hatü amü ngelei nanglak vaihen, hatü ngeiyü ammei Kahvang vaihen.

JEREMIAH 35:18

Shejao Rekhab am nangkü Jeremiah-i hapakei eteke: Jeiyong Shembüpa, Israel Kahvangi hapakei enyüke: Ammi ammei bühipa Jonadabi epü bangei büpai epü shahkung peü dükei büpai epü peü jiüshi dükpü nangkü,

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

JEREMIAH 7:7

ngei den shingvaishi ambü ampa kü shuohpü kahdokei ngei am mü nyuhen.

LEVI 22:31

Ngelei shahkungnyüthü düktuh, hatü ha kü mütuh. Ngeiyü Shembüpa.

BHEI-IE 10:29

Mosai Midian am cheko Jethrolei cheha Hobab kü, “Shembüpai ham kü shuohhen shei lahpü shingei layaongei lüdainyüpeih. Shembüpai Israel am dahüshehühen shei lahpeih; hanangkü ham mü daishah hatü hami nüng kü lemphüli hanphahen” shei e.

JOHAN 14:15

Ammi ngei kü bamjema, ngelei shahkungthü banghen.

EPHESIA 6:3

Shejüang ha am mü meishi nyukahen, hatü kahdoknyü kü am yangnyu shoshoei nyuhen.

SHAHKÜP 11:9

hatü Shembüpai ammei bühipa hatü jomei hühihathü kü shuohhen shei epü amma hatü nyahjiü yenpü kahdok kü am yüluei nyuhen shingvaishi shinnyih ngei am kü shuohpü shahkungnyüthü peü bangtuh.

SHAHKÜP 12:25

Am hatü ammei hapeüthü meishi nyuhen shingvaishi iy tehah; mehenangkü amphongi Shembüpa touei mehe jiüpa, ha dükhen.

SHAHKÜP 12:28

Am hatü ammei hapeüthü meishi nyuhen shingvaishi ngei am kü shuohpü shahkungthü dükhen kentuh; mehenangkü Shembüpa, ammei Kahvang touei mehe mei hatü jiüpa, ha amphongi dükhen.

SHAHKÜP 22:7

Am meishi nyuhen hatü yangnyu shoshoshi nyuhen shingvaishi ami ouha yahhen aok, shejao ounyüpa deishihtuh.

SHAHKÜP 25:15

Shembüpa, ammei Kahvangi am kü shuohpü kahdokei yüluei nyuaokhen shingvaishi jiüshangpü dokyaong, lüng hatü vü tuhtuh.

SHAHKÜP 32:47

Hathüyü nyienpü shah nevai, shejao ammei yangnyu nyüke. Hathü shah homei am Jordan yung homei heih-ei yahhen kahdokei am yüluei nyuaokhen” shei eteke.

SHAHKÜP 33:25

Jomei penyüsha-ü nyiami lingtü nyuhen, hatü jom nyih meshük nyu, hapakei wong kohshi nyuhen.

SHAHKÜP 4:1

Mosai nanglakthü kü eteke, “Oh Israel am, ngei am kü nyuhpü shahkungnyüthü bangtuh. Am yemmü nyuhen hatü daiyei Shembüpa, ammei ambü ampa Kahvangi am kü shuohpü kahdok yah-aokhen shingvaishi hathü bangtuh.

SHAHKÜP 4:2

Ngei epü kü amphongi meheyao te-ü nevaijü haleipü meheyao teyaktük, shejao ngei am kü shuohpü Shembüpa, ammei Kahvangei shah bangtuh.

SHAHKÜP 4:5

Ammi yahhen nyupü kahdokei dükhen shingvaishi Shembüpa, ngelei Kahvangi ephopükei ngei am kü shahkungnyüthü peü nyuhtepih.

SHAHKÜP 4:6

Hathü kenhingei düktuh hatü lebü jatthüi amphongü longi nahpülangpü, nyingpühingpü jatli shei nyinghen hatü jomi, ha danei, “Hingmei, hapa longpü jatliyü nahpülangpü, nyingpühingpü jatli khih” shei ehen.

SHAHKÜP 5:10

shejao üami ngei kü bam, hatü ngei epü bangnya, jom kü denshem haja haja ngei bampü hunyüpeih.

SHAHKÜP 5:16

Shembüpa, ammei Kahvangi am kü shuohpü kahdok kü yüluei nyuhen hatü am meishi nyuhen shingvaishi Shembüpa, ammei Kahvangi epükei anyü hatü ampa kü dhüm shuohtuh.

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

SHAHKÜP 5:33

Amphong nyuhen shingvaishi shuohpü kahdokei yangnyu shoshoei daeisheyei yüluei nyuhen shingvaishi Shembüpa, ammei Kahvangi epü lem kü kamtuh.”

SHAHKÜP 6:18

Shembüpa touei mepa jiüpü hatü meipü nyüpa, ha düktuh, shejüang am meishi nyuhen, hatü Shembüpai ammei bühipa kü lahpü kahcheü kohpü kahdokei shüei hapa yah-aokhen,

SHAHKÜP 6:3

Bangtuh, Oh Israel am, Shembüpa, ammei bühipa Kahvangi am kü lahpükei am meishi nyuhen hatü amma hatü nyahjiü mon yenpü kahdok kü am daeisheyei nyuhen shingvaishi büpai epü kenhingei bangtuh.

1 TIMOTI 4:8

Büm shing aülaüei dükpü kü nanglei maani nyüpeih, shejao Kahvang nyingpü kü lem peü kü shaang hatü ngoikahen yangnyu shingvaishi lahpü nyüpeih.